ESAIA 12:6 - Jinghpaw Hanson Version Bible

⁶ Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

Jinghpaw Common Language Bible 2009

⁶ Ziun e nga ai masha shagu hte gaw marawn jahtau ai hte mahkawn mangoi nga mu ga! Israela a chyoi pra ai Karai Kasang gaw galu kaba nga ai, shi gaw shi a amyu masha ni a lapran e nga nga ai,” ngu nna mahkawn mangoi ai nhtoi du wa nga sai.

ESAIA 12:6 ပူးပေါင်းရင်းမြစ်များ

SHAKAWN KUNGDAWN 132:14

Shi gaw, nang e prat tup nye a sa ban shara rai nga ai; Dai hpe ngai tsaw nga nngai majaw, nang e ngai adung nga na nngai;

SHAKAWN KUNGDAWN 135:21

Yerusalem mare hta e, dung nga ai Yehowa gaw, Ziun hta e, a nga u ga law! Halelu-Yah.

SHAKAWN KUNGDAWN 46:5

Karai Kasang gaw de a ka-ang e shanu nga ai: Dai mare gaw shamu shamawt nga ai n rai; Karai Kasang gaw shi hpe jau jau e karum na wu ai.

SHAKAWN KUNGDAWN 68:16

Pungding law law marawng ai bum ni e, Karai Kasang anga nga na matu shi lata la ai bum hpe, nanhte hpa rai lagyim yu nga myit ta? Yehowa gaw dai de prat dingsa e anga nga na ra ai.

SHAKAWN KUNGDAWN 71:22

Shaloi, Karai Kasang e, nang hte na a sadi sahka hpe, Tingse hte ngai shakawn kungdawn na nngai: Israela a chyoi pra ai Wa e, Tingse hte ngai nang hpe mahkawn mangoi na nngai.

SHAKAWN KUNGDAWN 89:18

Anhte a n-gang Yehowa kaw na rai nga ai; Anhte a hkawhkam wa gaw, Israela a Chyoi pra ai wa kaw na rai nga ai.

SHAKAWN KUNGDAWN 9:11

Ziun hta nga nga ai Yehowa hpe mahkawn mangoi mu; Amyu baw ni hpe shi a magam bungli shana ya mu.

SHAKAWN KUNGDAWN 99:2

Yehowa gaw Ziun hta e kaba nga ai rai nna, Amyu baw shagu a ntsa e grau tsaw nga ai.

ESAIA 1:24

Dai re ai majaw, Israela amyu hta Daru Magam rawng ai, Zaw nawng zaw wa up ai, Madu Yehowa gaw, Gaja wa, ngai e hpyen ai ni hpe ngai yeng kau nna, ngai e n dawng ai ni hpe, matai dawp na nngai.

ESAIA 10:24

Dai re ai majaw, Zaw nawng zaw wa up ai Madu Yehowa gaw, Ziun bum e shanu nga ai nye a amyu e, Asuri wa gaw ri tawng hte nang hpe kayat nna, Egutu masha ni zawn ri numdu hte adup timung, shi hpe hkum hkrit et:

ESAIA 24:14

Shanhte gaw tinang nsen sharawt let, nlaw jahtau na mara ai; Yehowa a daru magam majaw nammukdara kaw nna pyi, marawn jahtau na mara ai.

ESAIA 24:23

Dai shaloi e shata gaw mak mat nna, ajan gaw kaya kahpa hkrum na ra ai; kaning rai nme law, Zaw nawng zaw wa up ai Yehowa gaw Ziun bum ntsa Yerusalem mare hta up nga nna, shi a salang ni a man e arawng sadang dan hkung nga na ra ai.

ESAIA 30:19

Yerusalem mare na Ziun bum ntsa e shanu nga ai amyu e, nang gaw htawm hpang de hkrap sa na, n rai; nang jahtau ai nsen majaw, shi teng teng gaja wa nang hpe matsan dum na ra ai; dai nsen hpe na jang, shi htan na ra ai.

ESAIA 33:21

Dai yang e, daru magam rawng ai Yehowa anhte hte rau rai nga nna, dam lada ai hka nu hka hkawng ni a malai tai na ra ai: lashap shap ai li gaw, dai de shang na n rai, daru magam sanghpaw li mung, dai de lai lu na n rai.

ESAIA 33:24

Dai hta shanu ai wa gaw, ‘Ngai machyi nga nngai,’ nga nna n tsun na ra ai: dai hta e dè nga ai amyu gaw yubak raw dat kau ai hkrum na ra ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 54:1

“Kasha n shaprat ai maudung num e, mahkawn mangoi u; shinggyim machyi n hkrum ai num e, mahkawn mangoi let kabu jahtau u: kaning rai nme law, gram nga ai num gaw, madu wa lu ai num hta kashu kasha grau lu nga ai,” nga nna Yehowa tsun ai.

ESAIA 60:16

Nang gaw maigan amyu ni a chyu chyu na rin dai; hkawhkam ni a madoi chyu hpang hpe chyu na rin dai; shing rai, ngai Yehowa gaw nang hpe Hkye hkrang la ai Madu, Yaku a Daru Magam rawng ai wa gaw, nang hpe Mawai la ai Madu rai nga ai hpe, nang chye lu na rin dai.

ESAIA 8:18

Yu u, ngai mung, Yehowa jaw ai ngai sha ni mung, Ziun bum e shanu nga ai Zaw nawng zaw wa up ai Yehowa kaw na, Israela amyu hta, lamik kumla hte mauhpa lam tai nga ga ai.

YEREMIA 10:6

Yehowa e, nang hte bung ai wa kadai n nga ai; nang galu kaba nga ndai; na a mying nsang mung, hpung shingkang hte galu kaba nga ai.

EZEKELA 35:10

“Dai mung hta Yehowa shanu nga ninglen, nang gaw, ‘Ndai amyu lahkawng hte, ndai mungdan lahkawng hpe, ngai madu na nngai,’ nga nna tsun ndai majaw

EZEKELA 39:7

Shing rai, nye a chyoi pra ai mying ningsang hpe, Israela amyu ka-ang e ngai dan hkung shangun na nngai; htawm hpang e nye a amying ningsang awu asin hkrum na, ngai hkraw na n rai: ngai gaw Israela amyu a Chyoi pra ai wa ngu ai Yehowa rai nga ai hpe, maigan amyu ni chye lu na mara ai, nga ai.

EZEKELA 43:7

Dai wa gaw, “Masha kasha e, ndai shara gaw, nye a tingnyang dung ai shara, nye a lagaw lahpan kabye shara rai nga ai; ndai yang e Israela kashu kasha ni a ka-ang e, htani htana ngai nga nga na nngai: Israela amyu masha ni hte, shanhte a hkawhkam ni gaw, tinang a shut hpyit ai hte mung, hkawhkam ni a si mang ni hte mung, tsaw ai kawng ni a ntsa e, nye a chyoi pra ai mying ningsang hpe htawm hpang de awu asin di kau lu na n rai:

EZEKELA 48:35

Shing rai mare grup yin shadawn yang, nren mun mi hkying matsat rai na ra ai: dai shani kaw nna, dai mare hpe, Yehowa dung ai mare,” nga nna mying na ra ai.

EZEKELA 48:8

Yuda mungdaw makau, sinpraw kaw nna sinna du hkra, nanhte nawng ya na ga dachyawk rai nga ai: de a nda de nren mun lahkawng hkying manga, galu de gaw, sinpraw kaw nna sinna du hkra mungdaw hte maren rai nga ai: dai chyoi pra ai nta gaw, de a ka-ang e rai na ra ai.

HOSEA 11:9

Ngai gaw masin pawt kahtet ai hte maren, n dawdan mayu nngai; Ehprim hpe shamyit kau na, ngai nhtang wa na nngai, n rai: kaning rai nme law, ngai gaw masha n rai, Karai Kasang rai nga nngai: na a ka-ang e shanu nga ai Chyoi pra Htum ai wa, ngai rai nga nngai; ngai gaw n-yun bu ai hte du na n rai.

YOELA 2:27

Dai hta n-ga, ngai gaw Israela amyu ka-ang e rai nga ai mung, ngai nanhte a Karai Kasang Yehowa rai nga nna, ngai hta shaje n nga ai mung, nanhte chye lu na marin dai: nye a amyu masha ni mung, htawm hpang de kaya kahpa galoi n hkrum na masai.

ZEHPANI 2:5

“Nammukdara hkin-gau e shanu nga ai, Hkerehti amyu na ni e, nanhte dingnye lu myit dai: Hpilisti masha ni a lamu ga Hkanan e, Nang hta kadai mung n shanu nga lu hkra, ngai nang hpe hkap daw na nngai, nga nna Yehowa mungga tawn da nu ai.

ZEHKARIA 2:5

Kaning rai nme law, Ngai gaw dai mare a grup yin e wan bunghku tai nna, de a ka-ang na hpung shingkang tai na nngai,” nga nna Yehowa tsun ai.

ZEHKARIA 2:9

Kaning rai nme law, yu u, ngai gaw shanhte a ntsa e nye a lata ladawn nna, shanhte gaw tinang a mayam ni a lanep tai na mara ai; shing rai, Zaw nawng zaw wa up ai Yehowa gaw, ngai hpe shangun dat ai, nanhte chye lu na marin dai.

BU HKAWM 23:21

Yaku hta yubak shi n mu wu ai, Israela hta mara shagun na n lu wu ai: Shi a Karai Kasang Yehowa shi hte rau rai nga ai, Hkawhkam garu ai nsen shanhte hta pru nga ai.

TARA JAHPRANG 23:15

Madu kaw na nang kaw hprawng pru ai mayam hpe madu a lata de bai ap ya lu na n rai: