ESAIA 12:5 - Jinghpaw Hanson Version Bible

⁵ Yehowa hpe mahkawn mangoi mu; shi gaw daru magam bungli shachyen nu ai: mungkan ting dai hpe chye na mu ga.

Jinghpaw Common Language Bible 2009

⁵ Shi galaw nu ai galu kaba ai amu ni a majaw dai Madu hpe mahkawn mangoi mu. Mungkan ga ting shiga na la mu ga.

ESAIA 12:5 ပူးပေါင်းရင်းမြစ်များ

SHAKAWN KUNGDAWN 105:2

Shi hpe mahkawn mu, shi hpe mangoi mu, shi a mauhpa amu nlang hte hkai dan mu.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 98:1

Yehowa hpe mahkawn ga nnan hte mahkawn mu; Shi gaw, mauhpa amu galaw nu ai: Shi a hkra lata hte chyoi pra ai lahpum, shi a matu hkye hkrang la ai lam shapraw nu ai.

PRU MAT 15:1

Dai shaloi Mawshe hte Israela kashu kasha ni gaw, ndai mahkawn mangoi ga hte Yehowa hpe ning nga mahkawn mangoi ma ai: “Yehowa hpe ngai mahkawn mangoi na nngai: Shi gaw magam shingkang dan hkung let ninglaw nga ai. Gumra hte dai hta jawn ai wa hpe nawng hta gumpye bang kau nu ai.

PRU MAT 15:21

Miriam gaw shanhte hpe woi awn let, “Yehowa hpe mahkawn mangoi mu, Shi gaw magam shingkang hte dan hkung let ninglaw nga ai. Gumra hte dai hta jawn ai wa hpe nawng hta gumpye bang kau ni ai,” nga nna mahkawn mangoi nga ai.

ESAIA 24:14

Shanhte gaw tinang nsen sharawt let, nlaw jahtau na mara ai; Yehowa a daru magam majaw nammukdara kaw nna pyi, marawn jahtau na mara ai.

ESAIA 40:9

Ziun bum de kabu gara shiga htawn tsun ai wa e, tsaw ai bum de lung u; Yerusalem mare de kabu gara shiga htawn tsun ai wa e, na a nsen hpe tsam mari sharawt u; dai hpe sharawt u, hkum hkrit et; “Nanhte a Karai Kasang hpe mada yu mu,” ngu nna Yuda mare ni hpe tsun u.

ESAIA 42:10

Nammukdara rap ai ni hte dai hta nga manga hpawn, zunlawng ni hte dai hta shanu ai ni e, mahkawn mangoi ningnan hte Yehowa hpe mahkawn mu, lamu ga jahtum de nna shi hpe shakawn mu.

ESAIA 42:11

Nam mali hte de a mare ni, Kedara masha ni shanu ai kahtawng ni, nsen sharawt mu ga; lung rawk e shanu ai ni mahkawn mangoi mu ga, bum pungding kaw nna garu mu ga.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

HABAKU 2:14

Kaning rai nme law, nammukdara hka gaw, shi a shara hpe lim kau ai zawn, Yehowa a hpung shingkang hpe chye chyang ai lam, mungkan ting pri rai na ra ai.

MALAHKI 1:11

Kaning rai nme law, nye a amying ningsang gaw, jan pru maga kaw nna jan shang maga du hkra, maigan amyu ni hta galu kaba nga na ra ai: nye a amying ningsang, maigan amyu ni hta galu kaba nga ai majaw, nye a amying matu, shara shagu hta, manam pyaw ai baw hte san seng ai shagu hkungga hpe, nat nawng ya na mara ai, nga nna Zaw nawng zaw wa up ai Yehowa tsun ai.

SHINGRAN 15:3

Shanhte gaw Karai Kasang a shangun ma Mawshe a mahkawn ga hte, Sagu Kasha a mahkawn ga hpe mahkawn mangoi let, “Chyahtum chyalai n-gun rawng ai Madu Karai Kasang e, na a magam bungli gaw kaba htum ai hte mauhpa rai nga ai: Ju majat prat janat na Hkawhkam wa e, na a magam lam ni gaw dinghpring ai hte tengman ai hkrai rai nga ai;