ESAIA 12:3 - Jinghpaw Hanson Version Bible

³ Dai re ai majaw nanhte gaw, hkye hkrang la ai hka htung ni hta, kabu gara ai myit hte, hka ja lu na marin dai.

Jinghpaw Common Language Bible 2009

³ Mu ai hka gaw hpang gara ai wa hpe kabu gara lam jaw ya nga ai zawn, shi shanhte hpe hkye la ai shaloi Karai Kasang a amyu masha ni kabu gara ma ai,” ngu mahkawn na nhtoi du wa nga sai.

ESAIA 12:3 ပူးပေါင်းရင်းမြစ်များ

SHAKAWN KUNGDAWN 36:9

Nang hte rau asak hka hpawk rai nga ai; Na a nhtoi majaw anhte nhtoi mu lu na ga ai.

SHAKAWN KUNGDAWN 87:7

“Nye a hka htung ni nlang hte, nang hta nga nga ai,” nga nna, mahkawn mangoi ai hte ka manawt ai ni nga na mara ai.

Shawlumon A Mahkawn Ga 2:3

Ngai tsawra ai wa mahtang, maling e tu ai lwi dwi hpun zawn, Brang sek ni a ka-ang e, dan nga ai. Ngai gaw shi a shingnip kata e ngwipyaw let dung nga nna, De a asi gaw nye a n-gup hta dwi nga ai.

ESAIA 41:18

Ngai gaw krin ai kawng ni a ntsa e hka nu, kadit ni a ka-ang e hka hpawk, jahpaw na nngai; nam mali e hka lawng, hkraw hkun ai shara e hka deng, ngai shatai na we ai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

EZEKELA 47:9

Shing rai, dai hka lwi ai shara shagu hta, tsa nawn nga ai yawng mayawng, asak hkrung nga lu nna, grai law ai nga ni mung rawng na mara ai: dai hka gaw nawng du hkra lwi wa nna, nawng hka gaw mu na ra ai majaw, hka lwi wa ai shara shagu hta, yawng mayawng hkrung nga na mara ai.

ZEHKARIA 13:1

“Dai shani e, Dawi a nta na ni hte, Yerusalem mare na ni a yubak mara hte agang chyalang kashin kau na hka hpawk, hpaw nga na ra ai.”

YAWHAN 1:16

Kaning rai nme law, anhte mahkra gaw, shi a hkum tsup ai hta na, chyeju htap mi hta htap mi, lu la saga ai.

SHINGRAN 22:1

Bai, Karai Kasang hte Sagu Kasha a tingnyang kaw na pru nna, dai mare a nmaw lam ka-ang hku lwi wa ai pat zawn htoi san ai asak hka nu mung, shi ngai hpe madun nngai.

SHINGRAN 22:17

Dai Wenyi hte Num ningnan gaw, “Sa rit,” nga ma ai; na la ai wa mung, “Sa rit,” ngu u ga. Hpang kara ai wa gaw sa ru ga; lu mayu ai wa kadai mung, manu jahpu n hkrat ai sha, asak ntsin lu la u ga.

SHINGRAN 7:17

Kaning rai nme law, tingnyang ka-ang e nga ai Sagu Kasha gaw, shanhte a sagu rem ai wa tai na ra ai rai nna, asak hka hpawk du hkra shanhte hpe lam woi madun na ra ai: Karai Kasang mung, shanhte a myi hta na myi prwi yawng tsai hkra katsut kau ya na ra ai.

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.