ESAIA 12:2 - Jinghpaw Hanson Version Bible

² Yu mu, Karai Wa gaw ngai hpe hkye hkrang la ai wa rai nga ai; ngai shi hta shamyet shanat nga nna, hkrit kajawng na n rai: kaning rai nme law, Yehowa gaw, rai sa, Yehowa nan, nye a n-gun lagaw hte mahkawn mangoi lam rai nga ai: shi gaw, ‘ngai hpe hkye hkrang la ai Madu tai wa sai,’ nga nna tsun na ndai.

Jinghpaw Common Language Bible 2009

² Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 12:2 ပူးပေါင်းရင်းမြစ်များ

2 SAMUELA 7:24

Kaning rai nme law, nang gaw na a amyu Israela hpe, htani htana prat dingsa, na a amyu masha shatai na nga, shanhte hpe na a matu shangang shakang da nna, nang, Yehowa e, shanhte a Karai Kasang tai nit dai.

YOBA 13:16

N shawp ai wa shi a man e n shang lu u ga, nga ai gaw, nye a hkye hkrang la ai lam rai nga ai.

SHAKAWN KUNGDAWN 112:8

Shi a myit ngang kang nga ai rai nna, Shi hpe gumlau ai ni yubak hkrum nga ai mu lu ai du hkra, shi n hkrit nga ai.

SHAKAWN KUNGDAWN 118:14

Yehowa gaw, nye a n-gun hte mahkawn mangoi lam rai nga ai, Ngai hpe hkye hkrang la ai wa mung, shi rai nga ai.

SHAKAWN KUNGDAWN 118:21

Nang ngai hpe htan ya nna, nye a hkye hkrang la ai lam, tai nga ndai majaw, Ngai nang hpe shakawn na nngai.

SHAKAWN KUNGDAWN 27:1

Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 65:6

N-gun hpe shi kyit nga nna, Shi a atsam hte bum ni hpe shagrin da wu ai.

SHAKAWN KUNGDAWN 68:20

Karai Wa gaw anhte hpe hkye hkrang la ai Karai Wa, rai nga ai, Madu Yehowa mung, si ai kaw na pru wa lu ai lam, hpaw ya nga ai.

SHAKAWN KUNGDAWN 68:21

Gaja wa, Karai Kasang shi a hpyen ni a baw, Tinang a mara hte hkawm ai, njaw kaba tu ai pungding hpe a byen ga na wu ai.

SHAKAWN KUNGDAWN 83:18

Prat dingsa shanhte kaya kahpa hte hkrit gari nna, Myi man sum ai hte hten byak ai hkrum mu ga law.

PRU MAT 15:2

Yehowa gaw nye a n-gun, nye a mahkawn mangoi shara rai nga ai. Nye a hkye hkrang la ai lam shi tai ya sai: Shi gaw nye a Karai Kasang rai nga li ai rai nna, ngai shi hpe shakawn na we ai; Ngai ji ngai wa ni a Karai Kasang shi rai nga ai rai nna, ngai shi hpe shagrau na we ai.

ESAIA 10:24

Dai re ai majaw, Zaw nawng zaw wa up ai Madu Yehowa gaw, Ziun bum e shanu nga ai nye a amyu e, Asuri wa gaw ri tawng hte nang hpe kayat nna, Egutu masha ni zawn ri numdu hte adup timung, shi hpe hkum hkrit et:

ESAIA 17:10

Kaning rai nme law, nang hpe hkye hkrang la ai Karai Kasang hpe nang malap kau nna, nang hpe n-gun jaw ai lunghkrung hpe n dum ndai; dai majaw manam pyaw ai nampan nang hkai nna, sumtsan mung na bawng hte shatsawm wu ai:

ESAIA 27:5

Shing n rai, shi nye a n-gun hta hpa nna, ngai hte jinghku hku u ga, rai sa, ngai hte jinghku hku u ga.

ESAIA 32:2

Shanhte langai hte langai, nbung chyip nna laru marang shingbyi shara hte, hkraw hkun ai shara hta lwi ai hka, zaibru jang hta shingnip ai lunghkrung kaba, tai na mara ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 38:20

Yehowa gaw ngai hpe hkye hkrang la sai: Dai re ai majaw anhte gaw prat dingsa Yehowa a nta nhku e, tingse dum let, Nye a mahkawn mangoi ga hpe mahkawn mangoi na ga ai.

ESAIA 45:17

Israela chyawm gaw, Yehowa a jaw e htani htana hkye hkrang la ai lam hkrum na ra ai; nanhte gaw htani htana prat dingsa e kaya kahpa hte mak mat ai n hkrum na myit dai.

ESAIA 49:5

Ngai gaw Yehowa man e arawng sadang lu ai hte, nye a Karai Kasang gaw nye a n-gun tai wa nna, Yaku a amyu hpe shi hpang de bai wa shangun na hte, Israela masha ni hpe shi hpang de zuphpawng shangun na matu, shi a shangun ma tai na, hkritung kaw nna ngai hpe hpan da ai Yehowa, ya ning nga ai:

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 51:12

Nanhte hpe shalan shabran ai wa gaw, kaga wa n rai, ngai nan rai nga nngai: si ang ai masha hpe mung, tsingdu zawn tai wa na shinggyim masha a kasha hpe mung, hkrit kamyin nna,

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 62:11

Yehowa gaw, mungkan htum hkra ning nga ai, “Yu u, nang hpe hkye hkrang la ai wa du ra ai; hkam ging ai shabrai shi a lata hta shi lang nna, karan jaw na kumhpa shi a man e rai nga ai,” ngu nna, Ziun shayi sha hpe tsun mu.

ESAIA 65:18

Ngai hpan da ai lam hta nanhte tutnawng kabu gara sharawng awng nga mu: kaning rai nme law, yu mu, Yerusalem hpe kabu gara ai shara, de a amyu masha ni hpe sharawng awng ai lam tai na, ngai hpan da nga nngai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

YEREMIA 23:6

Shi a prat hta Yuda mung hkye hkrang la ai hkrum nna, Israela gaw asim sha nga lu na ra ai: da ndai gaw, Anhte a dinghpring Madu Yehowa, ngu nna shi hpe shamying ai amying rai nga ai.

YEREMIA 3:23

Gaja wa, kawng ni hte bum ni a wu ngoi ai gaw, kaman lila rai nga ai: gaja wa, anhte a Karai Kasang Yehowa gaw, Israela amyu hpe hkye hkrang la ai lam rai nga ai.

Daniela 3:28

Ya Nebuhkadneza gaw, “Shadrak, Meshak, Abed-nego a Karai Kasang gaw a nga u ga law: shanhte gaw tinang a Karai Kasang hta kaga, hpara shaje hpe n daw n jau, n naw n ku mu ga, shi hpe kamsham nna, hkawhkam wa a ga hpe lale kau let, tinang a hkum hpe pyi ap kau ma ai majaw, shi gaw shi a shangun ma ni hpe hkye hkrang la na matu, shi a lamu kasa hpe shangun dat nu ai.

HOSEA 1:7

Yuda nta hpe chyawm gaw, matsan naw dum na nngai; shanhte hpe hkye la yang, ndan, ri nhtu, hpyen majan, hpyen leng, gumra jawn ai ni hte, hkye la na n rai; shanhte a Karai Kasang Yehowa a magam hte hkye la na nme ai,” ngu nna shi hpe tsun wu ai.

YOELA 2:23

Dai rai nna, Ziun a kashu kasha ni e, kabu gara nga mu; nanhte a Karai Kasang Yehowa hta, sharawng awng nga mu: kaning rai nme law, shi gaw marang nhpaw hpe, ram ai hte maren, nanhte hpe jaw manit dai; gaja wa shi gaw, shawng shata kaw nna, marang nhpaw hte marang shadoi nanhte a ntsa e jahtu nu ai.

YONA 2:9

Be be lila masu ai lam hpe awlaw ai ni gaw, Tinang nang a chyeju lam, kau da shajang ma ai.

HABAKU 3:18

Ngai gaw Yehowa hta kabu gara nga na nngai; Ngai hpe hkye hkrang la ai Karai Kasang hta sharawng awng nga na nngai.

ROMA 1:16

Kaning rai nme law, dai kabu gara shiga hta ngai kaya shara rawng ai n rai: dai gaw shawng nnan e Yuda ni, dai hpang e Heleni masha ni hta kamsham ai ni kadai hpe mung hkye hkrang la shangun lu ai Karai Kasang a atsam rai nga ai.

1 TIMOHTI 3:16

Karai Kasang hpe nawku hkungga ai lam a sung htum ai gaw, kaba la ai lam rai nga ai, nga nna ndang shara n nga ai: “Shi gaw hkum shan hta dan pru wa sai, Wenyi hta e dinghpring ai hkrum nu ai; Lamu kasa ni gaw shi hpe mu lu manu ai; Maigan ni kaw shi a lam hkaw dan manu ai; Mungkan ga gaw shi hpe kamsham masai, Hpung shingkang hta shalun ai shi hkrum nu ai.”

SHINGRAN 7:10

Tingnyang hta dung nga ai anhte a Karai Kasang hte Sagu Kasha gaw, hkye hkrang la ai lam rai nga ai law, nga nna nsen kaba hte jahtau ma ai.

1 SAMUELA 2:1

Shaloi Hana akyu hpyi let shakawn wu ai gaw, “Nye a myit masin Yehowa hta kabu nga li ai: Yehowa majaw nye a nrung tsaw nga li ai; Shi a hkye hkrang la ai chyeju hta kabu nngai majaw, Nye a hpyen ni a man e ngai grang lu ni ai.