ESAIA 12:1 - Jinghpaw Hanson Version Bible

¹ Dai shani e nang gaw, “Yehowa e, ngai nang hpe shakawn na de ai; nang ngai hpe pawt bu timung, myit bai kawp wa nna, ngai hpe shangwi shapyaw ya ndai.

Jinghpaw Common Language Bible 2009

¹ Amyu masha ni gaw, “Madu e, ngai nang hpe shakawn kungdawn nngai! Nang gaw ngai hpe pawt sindawng nit dai, rai ti mung ya chyawm gaw nang ngai hpe shalan shabran ai hte galoi mung pawt bu na n rai nga ndai.

ESAIA 12:1 ပူးပေါင်းရင်းမြစ်များ

NEHEMIA 8:10

Bai shi gaw, “Sa wa mu; sau ai hpe sha mu, dwi ai hpe lu mu; n lu ai ni hpe gam jaw mu: dai ni gaw Madu a chyoi pra ai shani rai nga ai; myit hkum kaji myit; Yehowa hta kabu gara nga ai gaw, nanhte a n-gun atsam rai nga ai.”

YOBA 11:16

Nang hkrum ai tsin-yam tsindam hpe nang malap kau nna, lwi mat ai hka zawn nawn na rin dai.

YOBA 13:16

N shawp ai wa shi a man e n shang lu u ga, nga ai gaw, nye a hkye hkrang la ai lam rai nga ai.

SHAKAWN KUNGDAWN 30:5

Kaning rai nme law, shi hkring mi sha masin pawt nga ai, Shi a n-gaw nnyeng chyawm gaw, prat tup agrin nga ai; Shana e hkrap ngu hkrap ngoi gaw shang nga timung, Jahpawt e mahkawn mangoi shara rai nga ai.

SHAKAWN KUNGDAWN 71:21

Ngai hpe arawng sadang shajat ya nna, Ngai hpe bai shangwi shapyaw la e.

SHAKAWN KUNGDAWN 85:4

Anhte hpe hkye hkrang la ai Karai Kasang e, Anhte hpe bai wa shangun nna, Anhte hpe n dawng n yawt ai myit jasim kau u.

SHAKAWN KUNGDAWN 86:17

Ngai hpe n dawng ai ni mu nna, kaya kahpa hkrum mu ga, Kaja ai kumla ngai hpe madun ya e: Kaning rai nme law, Yehowa e, nang ngai hpe, Karum nna shangwi shapyaw ya nit dai law.

SHAKAWN KUNGDAWN 9:1

Nye a myit mahkra hte, ngai Yehowa hpe shakawn na nngai, Na a mauhpa magam nlang hte hpe, ngai gawn dan na nngai.

ESAIA 10:25

Kaning rai nme law, gade n na yang nang hpe sha-ang ai pawt bu ai gaw sim mat nna, shanhte hpe jahten na nga pawt bu na ra ai,” nga ai.

ESAIA 10:4

Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 14:3

Ya Yehowa gaw, nang hkrum ai yawn hkyen ai, tsin-yam tsindam hte yak la ai mayam amu hta na, nang hpe sa ban shangun ai shaloi jang,

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 25:1

Yehowa e, nang gaw nye a Karai Kasang rai nga ndai; ngai nang hpe shagrau na nngai, na a mying nsang hpe shakawn na nngai; nang gaw mauhpa amu galaw nit dai; moi kaw nna nang hpaji daw ai lam ni, kangka ai hte tengman ai rai nga ai.

ESAIA 25:9

Dai shani e, Yu u, ndai gaw anhte a Karai Kasang rai nga ai: anhte shi hpe myit mada nna, shi anhte hpe hkye hkrang la na ra ai; ndai gaw Yehowa nan rai nga ai; anhte shi hpe myit mada nna, shi a hkye hkrang la ai lam majaw anhte kabu gara awng sharawng nga na ra ga ai, nga nna tsun shajang na mara ai.

ESAIA 26:1

Dai shani e, ndai mahkawn mangoi ga, Yuda mung hta e mahkawn mangoi na ra ai: Anhte gaw ngang ai mare lu ga ai; shi gaw bunghku hte langchyi a malai, hkye hkrang la ai chyeju san da wu ai.

ESAIA 35:10

Yehowa majaw hkye hkrang la hkrum ai ni gaw nhtang wa nna, mahkawn mangoi let Ziun bum de du na mara ai: shanhte a baw ntsa e htani htana kabu gara gup na ra ai: shanhte awng sharawng let kabu gara nga nna, yawn hkyen ai hte madai ai gaw sim mat na ra ai.

ESAIA 49:13

Sumsing lamu ni e, mahkawn mangoi mu; ginding aga e, kabu gara nga u; bum ni e, mahkawn mangoi garu mu: kaning rai nme law, Yehowa gaw shi a amyu masha ni hpe shalan shabran nna, nni nkri hkrum ai shi a masha ni hpe, matsan dum na ra ai.

ESAIA 51:3

Kaning rai nme law, Yehowa gaw Ziun hpe shalan shabran ya wu ai: shi gaw Ziun a katsi katsang re ai shara ni mahkra hpe shaman ya ai hte, de a nam mali hkan e Eden zawn, de a zaibru jang e Yehowa a sun zawn, shatai wu ai: sharawng awng ai hte kabu gara ai, chyeju dum ai nsen hte mahkawn mangoi ai, de a kata e hpring na ra ai.

ESAIA 54:7

Kaning rai nme law, chyahkring mi sha ngai nang hpe kau da timung, matsan dum ai myit kaba hte kahkyin na nngai:

ESAIA 54:8

pawt sindawng let, ngai nye a myi man nang kaw na hkring mi sha kayin kau timung, prat dingsa n-gaw nwai myit hte nang hpe matsan naw dum na ra ai, nga nna nang hpe Hkye hkrang la ai Wa, Yehowa tsun nga ai.

ESAIA 54:9

Kaning rai nme law, dai lam gaw, Noa aprat e ing ai sha-u zawn rai nga ai: Noa aprat na hka hpungla ni gaw htawm hpang de aga hpe n lim kau nu ga, nga nna ngai dagam da ai hte maren, nang hpe pawt mung n pawt, daru mung n daru sa na, nga nna ngai dagam da ni ai.

ESAIA 60:10

Tsasam masha ni a kashu kasha ni gaw, na a bunghku ni hpe dè da nna, shanhte a hkawhkam ni nang hpe daw jau na mara ai: kaning rai nme law, ngai myit kahtet nna, nang hpe kayat timung, n-gaw nwai myit hte nang hpe matsan naw dum na nngai.

ESAIA 61:10

Ngai gaw Yehowa hta aja awa kabu gara nga nna, nye a myit masin gaw, nye a Karai Kasang hta sharawng awng na ra ai; kaning rai nme law, la ningnan gaw nampan shanghkawng gup ai zawn mung, num ningnan gaw shi a lungseng ni hte shi a hkum hpe mawn sumli ai zawn mung, shi ngai hpe hkye hkrang la ai hpun palawng jahpun ya nna, dinghpring ai nba lawai ya ni ai.

ESAIA 64:5

Kabu gara ai myit hte dinghpring ai lam galaw nna, na a lam ni dum ai ni hpe, nang sa tau la ndai: yu u, nang pawt sindawng ndai, anhte yubak galaw saga ai; anhte na na wa dai hta lup saga ai; hkye hkrang la ai kaw du lu na rai ni?

ESAIA 65:18

Ngai hpan da ai lam hta nanhte tutnawng kabu gara sharawng awng nga mu: kaning rai nme law, yu mu, Yerusalem hpe kabu gara ai shara, de a amyu masha ni hpe sharawng awng ai lam tai na, ngai hpan da nga nngai.

ESAIA 66:13

Kanu gaw kasha hpe shangwi shapyaw ya ai hte maren, ngai nanhte hpe shangwi shapyaw nna, nanhte gaw Yerusalem mare hta, ngwipyaw ai hkrum na myit dai:”

YEREMIA 30:19

Dai ni a kata de na chyeju dum ai nsen hte kabu gara ai nsen pru na ra ai; ngai shanhte hpe shalaw jahtam nna, shanhte yawm wa na n rai; shanhte hpe galu kaba shangun nna, shanhte kaji wa na n rai.

YEREMIA 31:13

Dai shaloi e mahkawn ni ka gumlawt let kabu nna, shabrang ni hte dingla ni rau pyaw na mara ai: shanhte a sharung shayawt ai a malai, kabu gara ai, ngai shatai na nngai; ngai shanhte hpe shangwi shapyaw nna, shanhte yawn hkyen hkrum ai hta kabu shangun na nngai.

HOSEA 11:8

“Ehprim e, ngai nang hpe kaning rai kau da lu na rai ta? Israela e, nang hpe kaning rai ap kau lu na rai ta? Adma mare zawn, nang hpe kaning di shatai kau lu na rai ta? Zeboim mare zawn, kaning di tawn da na rai ta? Nye kraw kata e nye a myit galai nga nna, nye a n-gaw nwai ai myit katu nga ai.

HOSEA 6:1

“Sa marit, Yehowa hpang de bai wa ga; shi amya kau timung, bai shamai ya na mi ai; jahpye kau timung, nma kayawp ya na mi ai.

ZEHKARIA 1:16

Dai re ai majaw, Yehowa ning nga ai: Chyeju gun let, ngai Yerusalem mare de nhtang wa ni ai; ndai mare hta nye a Nta hpe galaw da na ra ai; mare de ai shara hpe shadawn sumri hte shadawn na ra ai,” nga nna Zaw nawng zaw wa up ai Yehowa tsun ai.

ZEHKARIA 14:20

Dai shani e, Yehowa a matu chyoi pra nga ai, nga nna, gumra dingsi ni hta ka shakap na mara ai: Yehowa a nta hta rawng ai di ni gaw, tawn hkungri man e nga ai gawm ni hte maren, chyoi pra na ra ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

ZEHKARIA 8:11

Ya chyawm gaw, ndai naw ngam nga ai amyu masha ni hpe, moi shawng na ni hpe zawn, ngai n di na ni ai,” nga nna Zaw nawng zaw wa up ai Yehowa tsun ai.

ZEHKARIA 8:19

Zaw nawng zaw wa up ai Yehowa ning nga ai: “Shata mali hta e mung, shata manga hta e mung, shata sanit hta e mung, shata shi hta e mung, shata sanit hta e mung, shata shi hta e mung, matsing da ai lusha gam ai aten ladaw ni gaw, Yuda masha ni a matu kabu gara, myit pyaw ai hte sharawng awng ai poi ni tai na ra ai: dai re ai majaw, tengman ai hte ngwipyaw ai lam hpe tsawra nga mu.”

ROMA 11:15

Kaning rai nme law, shanhte hpe kau da ai lam, mungdan ga a htinglu htinglai ya ai lam tai wa a yang gaw, shanhte hpe bai hkap la ai lam gaw, si mat ai kaw na hkrung wa ai hte bung nga na n rai ni?