ESAIA 11:9 - Jinghpaw Hanson Version Bible

⁹ Nye a chyoi pra ai bum ting hta, shada da zingri ai hte jahten shaza hkat na n rai; kaning rai nme law, nammukdara hka gaw shi a shara hpe lim kau ai zawn, Yehowa hpe chye chyang ai lam, mungkan ting pri rai na ra ai.

Jinghpaw Common Language Bible 2009

⁹ Karai Kasang a chyoi pra ai kawng ngu ai Ziun ntsa e machyi tsin-yam hte n hkru ai amu hpa mung nga na ra ai n rai. Panglai ni gaw hka hte hpring nga ai zawn dai Madu a machye machyang hpaji gaw mungkan ting hta pri rai na ra ai.

ESAIA 11:9 ပူးပေါင်းရင်းမြစ်များ

YOBA 5:23

Pa ga na nlung ni gaw, nang hte ga shaka tawn da nna, prang ga na matse labye ni mung, nang hte jinghku hku na mara ai.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 78:54

Shanhte hpe, shi a chyoi pra ai ga jarit hte, Shi a hkra lata madu ai bum de, woi wa mu ai.

ESAIA 11:13

Ehprim amyu a manawn masham myit sim mat nna, Yuda amyu hpe sharu shatsang ai ni mung, htum mat hkrum na mara ai: Ehprim amyu gaw Yuda amyu hpe manawn masham lu na n rai; Yuda amyu mung Ehprim amyu hpe sharu shatsang na, n rai.

ESAIA 11:8

Chyu chyu ai ma gaw, pu htum a tsip ntsa e ginsup lu nna, chyu hka ai ma gaw, pu hkram hku hta shi a lata manaw bang lu na ra ai.

ESAIA 2:4

Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

ESAIA 32:16

Dai shani e nam mali hta e tara ding ai shanu nga nna, nsi naisi hpring ai yi hkauna hta, dinghpring ai, grin nga na ra ai.

ESAIA 33:6

N taw n tsang ai hkye hkrang la ai lam, hpaji byeng-ya hte chye chyang ai lam, na a prat dingsa e grin nga na ra ai; Yehowa hpe hkrit hkungga ai lam, na a sutgan rai nga ai.

ESAIA 35:9

Dai lam hta hkanghkyi nga na n rai, matse labye mung lai na n rai; tam tim mu na n rai; bawng lawt ai ni hkrai dai hku lai na mara ai:

ESAIA 45:6

dai rai nna, ngai hta kaga kadai n nga ai, sinpraw maga na ni mung, sinna maga na ni mung, chye na lu na mara ai: ngai Yehowa nan rai nga nngai, ngai hta kaga kadai n nga ai.

ESAIA 49:6

“Yaku a amyu ni hpe bai sharawt nna, naw ngam nga ai Israela masha ni hpe shagrin da na matu sha, nye a shangun ma tai na, na a matu amu kaji naw rai nga ai: maigan amyu ni a nhtoi tai na hte, lamu ga htum hkra nye a hkye hkrang la ai lam tai na matu, ngai nang hpe naw san da na nngai.

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 54:5

Kaning rai nme law, nang hpe Hpan da ai wa gaw, na a madu wa rai nga ai; shi a amying gaw, Zaw nawng zaw wa up ai Yehowa rai nga ai: nang hpe Hkye hkrang la ai wa gaw Israela a Chyoi pra ai wa rai nga ai; mungkan ting a Karai Kasang shi hpe ngu na maru ai.

ESAIA 56:7

ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 65:25

Chyahkyawn hte sagu kasha rau sha lu nna, hkanghkyi gaw dumsu zawn yi hku sha na ra ai; lapu a shahpa gaw, ga nhpu tai na ra ai: nye a chyoi pra ai bum ting hta e, shada da hkala nba ai hte jahten shabyak kau ai gaw, n nga na sai,” nga nna Yehowa tsun ai.

ESAIA 66:18

Kaning rai nme law, shanhte a arawn alai hpe mung shanhte a myit mang ai hku hpe mung, ngai chye nngai; masha amyu ni hte, ga amyu baw kaga tsun ai ni mahkra hpe, ngai zuphpawng shangun na aten du ra ai; shanhte mung sa du nna, nye a arawng sadang hpe mu lu na maru ai.

ESAIA 66:20

Dai hta kaga, Israela masha ni gaw, tinang a lusha hkungga hpe san seng ai wan hta Yehowa a nta de la sa ai hte maren, shanhte gaw, nanhte a kahpu kanau ni mahkra hpe, gumra hta mung, leng hta mung, krau ntsa e mung, lawze hte gawla-uk ntsa e mung htaw nna, Yehowa a lusha hkungga tai na matu, mung mi hte mung mi kaw na, nye a chyoi pra ai bum Yerusalem mare de woi wa na mara ai,” nga nna Yehowa tsun ai.

YEREMIA 31:23

Israela Karai Kasang, Zaw nawng zaw wa up ai Yehowa ning nga ai: Bawng dung hkrum ai ni hpe ngai bai woi wa ai shaloi jang, Yuda mung hte de a mare ni hta nga ai ni gaw, Dinghpring ai shara e, Chyoi pra ai bum e, Yehowa nang hpe shaman ya u ga, nga nna bai tsun lu na mara ai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

EZEKELA 47:5

Bai dawng hkying mi shadawn yang, ngai n rap lu ai hka nu tai wa sai: hka gaw tung wa nna, lagaw hte n rap lu ai majaw, hpung-yawt rap ai hka nu tai nga ai.

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 12:4

Nang chyawm gaw, Daniela e, ndai amu htum ai aten du hkra, ndai mungga hpe ip da nna, laika hpe dazik shakap kau u: masha law law wa tam kahkrang hkawm nna, nyan hpaji jat wa na ra ai,” nga nna tsun ai.

HOSEA 2:18

Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

YOELA 3:17

Shing rai, nye a chyoi pra ai Ziun bum ntsa e shanu nga ai, nanhte a Karai Kasang Yehowa, ngai rai nga ai hpe, nanhte chye lu na marin dai: dai shaloi e Yerusalem mare chyoi pra ai shara tai nna, tsasam masha ni dai mare hpe htawm hpang de kabye lu na, n rai.

HABAKU 2:14

Kaning rai nme law, nammukdara hka gaw, shi a shara hpe lim kau ai zawn, Yehowa a hpung shingkang hpe chye chyang ai lam, mungkan ting pri rai na ra ai.

ZEHKARIA 14:9

Shaloi Yehowa gaw mungkan ting a Hkawhkam tai na ra ai: dai shani e, Yehowa gaw langai sha rai nga nna, shi a amying langai sha, tai na ra ai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

1 HTESALONI 5:15

kadai hpe mung n kaja ai a jaw e n kaja ai hku bai n tai myit ga, sadi sahka nga mu; nanhte shada da hta mung, masha mahkra matu mara mung, tutnawng e mai kaja ai lam hpe hkan shachyut nga mu, ngu nna anhte nanhte hpe shadut jahkat made ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.