ESAIA 11:4 - Jinghpaw Hanson Version Bible

⁴ shi gaw, dinghpring ai hku hkan let, matsan mayan ni hpe tara dara nna, myit malang ai hku hkan let, ga ntsa na myit gyip ai ni a hpang maga de dawdan na ra ai; shi n-gup ngu ai shingna hte ga ntsa hpe ari jaw nna, shi nten na pru ai nsoi nsa hte, tara n lang ai ni hpe sat kau na ra ai.

Jinghpaw Common Language Bible 2009

⁴ shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 11:4 ပူးပေါင်းရင်းမြစ်များ

2 SAMUELA 8:15

Shing rai Dawi gaw Israela mungdan ting hpe up nna, shi a mung masha ni mahkra hpe tara dara ai hte dinghpring ai hku jeyang da wu ai.

YOBA 15:30

Shi gaw nsin kata na pru lu na, n rai; wan shinglet gaw shi a makrung ni hpe galip kau na ra ai: Karai Wa nsa kawut ai hte mat mat na ra ai.

YOBA 4:9

Karai Wa kawut ai majaw, shanhte hten byak hkrum nna, shi pawt kahtet ai nsa hte myit mat masai.

SHAKAWN KUNGDAWN 110:2

Yehowa gaw na a up hkang na sumdoi, Ziun kaw nna jaw dat na ndai: Nang gaw, nang hpe gumlau ai ni a ka-ang e a up nga u.

SHAKAWN KUNGDAWN 18:8

Shi a ladi hta wan nhkut pru nna, Shi a n-gup na, wan hkru nga ai: Grung ai wan n-ga dai hta grung nga ai.

SHAKAWN KUNGDAWN 2:9

Nang shanhte hpe hpri sumdoi hte shabya kau nna, Wan galaw ai wa a wan zawn, ga kau na maru ai,” nga nna Yehowa ngai hpe tsun ni ai.

SHAKAWN KUNGDAWN 76:10

Gaja wa, na a masin pawt ai daw mi sha, Nang shingkyit zawn kyit nga yang, Masha wa a masin pawt ai gaw, Nang hpe shakawn kungdawn na ra ai.

ESAIA 1:17

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 13:11

Ngai gaw mungkan ga a yubak hpe mung, tara n lang ai ni a shut hpyit ai hpe mung, sagawn yu nna, gumrawng ai ni a gumrawng gumtawng ai hpe shasim kau ai hte, n hkru ai ni a myit kaba ai hpe shagrit kau na we ai.

ESAIA 14:30

Matsan mayan ni a kasha alat ni gaw shat lusha nna, sut n su ai ni gaw, a pyaw sha yup lu na mara ai; ngai gaw na a aru hpe jahkraw sat kau nna, na a matu mara ni sat kau hkrum na mara ai.

ESAIA 16:5

tingnyang langai mi gaw n-gaw nwai ai hta jung nga nna, marai langai mi gaw, Dawi a sum hta, kangka re ai myit hte dai ntsa e dung nga na ra ai: shi gaw tara dara nna, dinghpring ai hku hkan let, alawan dawdan na ra ai.

ESAIA 2:4

Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

ESAIA 26:6

Masha lagaw dai hpe kabye kau na ra ai: gaja wa, matsan mayan ni a lagaw, hpa n lu ai ni a lahpan, dai hpe kabye kau na ra ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 30:28

shi a nsoi nsa gaw du du hkra lim ai hka hpungla hte bung nna, shi gaw masha amyu ni hpe hten byak ngu ai hking hte hking kau na ra ai: masha amyu ni a n-gup hta mung, shanhte hpe lam shadam ai runghtung htung ya na ra ai.

ESAIA 30:31

Kaning rai nme law, Yehowa a nsen majaw Asuri wa gaw mak mat na ra ai; hkawn hte adup ai mung hkrum na ra ai.

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 32:1

Yu mu, dinghpring ai hku hkan ai hkawhkam up nga nna, du ni gaw malang ai hku hkan let, tara dara na mara ai.

ESAIA 32:7

Maji ai wa a galaw ai lam mung, n hkru la nga ai: matsan mayan ni tara hte maren galaw timung, masu ai ga hte myit gyip ai ni hpe jahten na nga, shi n hkru ai hpaji daw nga ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 40:7

Yehowa a nbung dai hpe ahpawt ai majaw, tsingdu gaw hkraw mat nna, nampan gaw nyui mat wa ai; gaja wa amyu masha ni gaw tsingdu hkrai rai nga ma ai.

ESAIA 49:2

shi nye a n-gup hpe dai ai nhtu zawn shatai ya nna, shi a lata a shingnip hta ngai hpe ka-up da ni ai; atu nsan ai pala shi ngai hpe shatai nna, shi a pala ndum hta ngai hpe kyem da ni ai:

ESAIA 61:1

Madu Yehowa a Wenyi gaw nye a ntsa e dung nga ai; kaning rai nme law nga yang, matsan mayan ni hpe kabu gara shiga hkaw tsun dan na matu, Yehowa ngai hpe namman chya ya ni ai; gawng run ai ni a nma hpe ahkyen kayawp na matu mung, bawng dung ai ni hpe shalawt dat na lam, gyit hkang hkrum ai ni hpe htawng chyinghka hpaw ya na lam, hkaw dan na hte,

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 33:15

Dai shani e, dai aten e, Dawi a matu dinghpring ai Makrung ngai shatut nna, dai wa gaw mungdan hta dinghpring ai hku dawdan na ra ai.

YEREMIA 5:28

Shanhte sau hpum nna, myi man kabrim wa ma ai; shanhte gaw n hkru ai hta ladu lai ma ai; jahkrai nmai ni ngamu ngamai na matu, shanhte a amu hpe tsun ya hkraw ma ai n rai; matsan mayan ni hpe mung, tara ding ai hku tara dara ya, hkraw ma ai n rai.

HOSEA 6:5

Dai re ai majaw ngai shanhte hpe, myihtoi ni a ga hte kahtum gadaw di kau ni ai; nye a n-gup na pru ai ga hte shanhte hpe sat kau ni ai: ngai jeyang ai lam gaw, htoi tu ai nhtoi zawn, rai nga ai.

ZEHPANI 2:3

Ga ntsa hta myit sumnung nga nna, Yehowa a tara hkan nang ai ni yawng hte e, Yehowa hpe hkan tam mu; dinghpring ai lam hte sumnung ai lam hpe tam manu: Yehowa a masin pawt ai nhtoi hta, nanhte hprawng makoi shara mu dam nhten.

MALAHKI 4:6

Ngai sa nna, mungkan ga hpe dagam dala hte n shachyum hkra, shi gaw kawa ni a myit masin hpe kasha ni hpang de, kasha ni a myit masin hpe tinang a kaji kawa ni hpang de, kayin shangun na ra ai, nga ai.

MAHTE 11:5

myi kyaw ai ni myi mu lu ma ai, lagaw hten ai ni hkawm sa lu ma ai, manggang kap ai ni san pra wa lu ma ai, na lahpang ai ni na lu ma ai, si mat ai ni sharawt la ai hkrum ma ai hte, matsan mayan ni a matu kabu gara shiga hkaw dan nga ai:

MAHTE 5:5

Myit sumnung ai ni gaw, a lu ma ai; kaning rai nme law, shanhte mungkan ga hpe madu lu na mara ai.

KASA 9:1

Shawlu chyawm gaw, Madu a sape ni hpe jahkrit shama ai hte sat kau na nga, masin naw rawt bu nga ai rai nna, hkinjawng agyi kaw sa nhtawm,

2 KORINHTU 10:1

Nanhte a man e myit grit ai hte, tsan gang nga yang nanhte a lam nden ja ai myit madun ai, ngai Pawlu nan, Hkristu a sumnung ai hte myit gyip ai hpe tau yu nna, nanhte hpe shadut jahkat dat made ai:

GALATI 5:23

myit nem ai hte tinang myit hpe hkang lu na rai nga ai: dai lam hte hpe hkum lu na tara mi n nga ai.

2 HTESALONI 2:8

Yeng kau hkrum ai shaloi e dai n tara ai wa gaw dan pru wa na ra ai: Madu Yesu chyawm gaw shi a n-gup na wenyi hte shi hpe sat kau nna, shi a yu wa ai a dan hkung kama ai hte shaza kau na ru ai.

TITU 3:2

kadai hpe mung n shatan ai hte, ga law lam n tam ai sha, myit ngwi myit pyaw rawng nna, masha yawng hte hpe lam shagu hta sumnung ai myit madun dan mu ga, shanhte hpe shadum jahprang nga u.

YAKU 3:13

Nanhte hta e, hpaji byeng-ya hte chye chyang ai wa, kadai rai nga a ta? Dai wa gaw shingdi chye ai hpaji byeng-ya hte, kaja ai arawn alai hkan let, tinang a magam bungli hpe madun ru ga.

SHINGRAN 1:16

Shi a hkra lata hta shagan sanit lang da wu ai; shi a n-gup hta na nshan lahkawng dai ai ntawng nhtu pru nga ai; shi a myi man gaw htoi kang ai jan zawn tu ala nga ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 2:16

Dai re ai majaw myit malai lu u; shing n rai yang, ngai nang kaw alawan du nna, nye a n-gup nna pru ai ntawng nhtu hte shan hte hpe gasat na we ai.