ESAIA 11:3 - Jinghpaw Hanson Version Bible

³ shi gaw Yehowa hpe hkrit hkungga ai hta awng sharawng nga ai rai nna, shi mu hkrup ai hte maren n dawdan ai hte, na hkrup ai hte maren n jeyang na ra ai:

Jinghpaw Common Language Bible 2009

³ shi gaw dai Madu a ga madat mara ai hta awng sharawng na ra ai. Shi gaw ahpraw asam hku nna mung, na ai ga hku nna mung jeyang na ra ai n rai;

ESAIA 11:3 ပူးပေါင်းရင်းမြစ်များ

2 SAMUELA 14:17

Dai re ai majaw, “Nye madu hkawhkam wa gaw Karai Kasang a lamu kasa zawn, kaja ai hte n kaja ai chye ginhka nga ai rai nna, nye madu hkawhkam wa a ga hte lawt lu u ga, ngu nna, na a mayam jan ning nga hpyi wam ai rai nga ai: na a Karai Kasang Yehowa mung, nang hte rau anga nga u ga,” ngu wu ai.

2 SAMUELA 14:8

Hkawhkam wa chyawm gaw, “Na nta de wa nu; na amu ngai jeyang na nngai,” ngu nna dai numsha hpe tsun dat wu ai.

1 HKAWHKAM 3:28

Hkawhkam wa hparan jeyang ya ai lam Israela masha ni yawng na shajang ma ai; tara dara na lam hta dingman ai hku hkan lu hkra, Karai Kasang a hpaji byeng-ya shi hta rawng nga ai gaw shanhte dum chye ma ai majaw, hkawhkam wa hpe hkrit hkungga ma ai.

1 HKAWHKAM 3:9

Dai re ai majaw, kaja ai hte n kaja ai hpe ngai chye ginhka lu nna, dai na a amyu hpe chye jeyang na hpaji byeng-ya rawng ai myit, na a mayam wa hpe jaw ya e law; ndai galu kaba ai na a amyu hpe kadai wa jeyang lu na rai nga a ta?” ngu nna hpyi wu ai.

YOBA 12:11

N-gup gaw ashat hpe chyim yu ai zawn, na gaw aga hpe tsan nga ai, n rai ni?

YOBA 34:3

N-gup gaw ashat hpe chyim yu ai zawn, na gaw aga hpe tsan kau nga ai.

GA SHAGAWP 2:5

Yehowa hpe hkrit hkungga ai myit nang chye na lu nna, Karai Kasang hpe chye chyang ai nyan mu lu na rin dai.

GA SHAGAWP 2:9

Shaloi nang gaw, dinghpring ai lam, tara dara ai lam, Tengman ai lam hte mai kaja ai lam shagu hpe chye na lu na rin dai.

ESAIA 33:6

N taw n tsang ai hkye hkrang la ai lam, hpaji byeng-ya hte chye chyang ai lam, na a prat dingsa e grin nga na ra ai; Yehowa hpe hkrit hkungga ai lam, na a sutgan rai nga ai.

EZEKELA 45:8

Dai lamu ga hpe, nye a du ni, Israela mungdan hta madu sha lu na mara ai; htawm hpang de shanhte gaw nye a amyu masha ni hpe zingri zingrat lu na n rai: shanhte gaw naw ngam nga ai lamu ga hpe, Israela amyu ni, langai hte langai hte hpe karan jaw na mara ai.

MIHKA 4:3

shi gaw masha amyu law law a lapran e tara dawdan nna, tsan tsan e nga ai atsam rawng ai maigan amyu ni hpe jeyang na ra ai: shanhte gaw tinang a nhtu ni hpe, na jawn, tinang a ri ni hpe, nhkyau, dup kau na mara ai; amyu mi gaw amyu mi hpe shada hpyen gasat na n rai; shanhte gaw htawm hpang e hpyen majan sharin sana n rai.

LUKA 2:52

Yesu gaw hpaji byeng-ya kunghpan wa ai hte, gawng shing-yan kaba wa nna, Karai Kasang a man e mung, masha a man e mung, myi man pa wa nga ai.

YAWHAN 2:25

masha wa a lam hpe gade e muk sakse sa hkam ya na, n ra ai majaw mung, shi hkum nan shanhte hta myit n krem da wu ai.

YAWHAN 7:24

Myi man tau nna hkum jeyang myit, dingman ai hku she jeyang mu,” ngu nna shanhte hpe htan mu ai.

HEBRE 5:14

Ja ai shahpa chyawm gaw, kaja ai hte n kaja ai hpe chye ginhka lu hkra, tinang a myit mang ai lam hpe len shaman ai hte shakung jahpan chye nna, hkum tsup nga ai ni a matu rai nga ai.

1 SAMUELA 16:7

Yehowa chyawm gaw, “Shi a myi man, shi a hkum shing-yan hkum yu et; ngai shi e n la we ai; Yehowa gaw masha mu de nna mu ai n rai; masha gaw ahpraw asam sha yu chye ma ai, Yehowa chyawm gaw myit masin she yu ai,” ngu nna Samuela hpe tsun wu ai.