ESAIA 11:14 - Jinghpaw Hanson Version Bible

¹⁴ Shanhte gaw sinna maga de nga ai Hpilisti masha ni hpe htim gasat na mara ai; sinpraw maga na kashu kasha ni a sutgan hpe, rau kashun la na mara ai: Edom hte Moba hpe, shanhte gasat dang kau nna, Ammon a kashu kasha ni gaw, shanhte hpe madat mara na mara ai.

Jinghpaw Common Language Bible 2009

¹⁴ Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 11:14 ပူးပေါင်းရင်းမြစ်များ

ESAIA 14:29

Hpilisti mung ting e, nang hpe kayat ai ri tawng daw mat ai majaw, hkum kabu et; kaning rai nme law, dai lapu amyu hta na pu htum pru nna, de a hkalung ni gaw pyen chye ai wan lapu tai na mara ai.

ESAIA 15:1

Moba mung hta ang ai Myihtoi ga: kaning rai nme law, lana mi hta sha Moba mung na Ara mare gaw shaza kau ai hkrum nna, marawng marang tai wa sai; lana mi hta sha Moba mung na Kira mare gaw shaza kau ai hkrum nna, marawng marang tai wa sai.

ESAIA 16:14

Ya Yehowa bai tsun ai gaw, “Shabrai sha ai wa hti ai hte maren, masum ning lai jang, Moba arawng sadang hte hpawn, de a wunawng wuwa ni gaw, jahpoi kau ai hkrum nna, naw ngam nga ai ni gaw, n law ai hte, hpa n tai mat na mara ai,” nga ai.

ESAIA 25:10

Kaning rai nme law, Yehowa a lata gaw ndai bum ntsa e ban sa na ra ai: yi hku hpe nga hkyi hte kabye kayau kau ai zawn, Moba mung gaw kabye kau ai hkrum na ra ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 60:14

Nang hpe zingri zingrat ai ni a kashu kasha ni gaw, sa nna na a man e gum dagup na mara ai; nang hpe n kaw n law di ai ni yawng, na a lagaw nhpang e dingnyawm na mara ai; dai hta kaga shanhte gaw, nang hpe, Yehowa a mare, Israela Chyoi pra ai wa a Ziun mare, nga nna shamying na mara ai.

ESAIA 63:1

Reng htum ai hpun palawng bu hpun nna, daru magam hpung hte nawt hkawm let, Edom mung hte Bozra mare kaw nna, ahkyeng nsan ai hpun palawng hte sa du ai wa gaw, kadai wa rai ta? Dinghpring ai mungga tsun nna, hkye hkrang la na matu n-gun atsam rawng ai, ngai nan wa rai nga nngai.

ESAIA 9:12

Amyu masha ni chyawm gaw, ari jaw ai wa hpang de kayin wa ai n rai; Zaw nawng zaw wa up ai Yehowa hpe tam ma ai n rai.

YEREMIA 40:11

Dai hte maren, Babelon hkawhkam gaw Yuda mung hta masha nkau mi hpe naw ngam da nna, Shahpan a kashu, Ahikam a kasha Gedalia hpe, shanhte a ntsa e du aya dang da ai lam, Moba mung, Ammon kashu kasha ni a mung, Edom mung hte mungdan shagu hta bra nga ai Yuda masha ni mahkra na jang, shanhte hpe shapraw kau dat ai mung shagu na bai nhtang wa nhtawm, Yuda mung Mizpa mare e Gedalia hpang de sa du ma ai; shanhte gaw dai yang nna, tsabyi jahku hte nlum ta myin ai namsi law law shu la ma ai.

YEREMIA 48:40

Kaning rai nme law, Yehowa ning nga ai: Yu u, hpyen wa gaw langda zawn pyen sa nna, shi a singkaw Moba mung ntsa e ka-up na ra ai.

YEREMIA 49:2

Dai re ai majaw Yehowa ning nga ai: Yu mu, Ammon a kashu kasha ni nga ai Raba mare hta, hpyen gasat ai nsen ngai na shangun ai aten du na ra ai: dai mare gaw marawng marang sumpum tai nna, shi a shayi sha ni hkru mat na mara ai: shaloi Israela gaw shi e madu ai ni hpe bai madu na ra ai, nga nna Yehowa tsun ai.

YEREMIA 49:22

Yu u, hpyen wa gaw langda zawn pyen lung nna, shi a singkaw Bozra ntsa e ka-up na ra ai rai nna, Edom a n-gun ja ai ni a myit gaw, shinggyim machyi hkrum ai num a myit zawn, dai shani e tai na ra ai.

YEREMIA 49:28

Babelon hkawhkam Nebuhkadneza shaza kau ai Kedara hte Hazora mungdan ni hpe lakap nna tsun ai ga: Yehowa ning nga ai, “Rawt mu, Kedara de lung nna, sinpraw mung na kashu kasha ni hpe jahtum kau mu.

EZEKELA 25:14

Ngai gaw, nye a amyu Israela lata hte, Edom amyu hpe ari jaw na nngai; shanhte gaw, ngai pawt bu nna, myit kahtet ai hte maren, Edom mung hpe shari na mara ai: shing rai shanhte gaw nye a matai htang ai lam hpe chye lu na mara ai, “nga nna Madu Yehowa tsun ai.

Daniela 11:41

Shi gaw reng htum ai mung hta mung shang nna, mung law law kadawng kau ai hkrum na ra ai: rai timung, Edom mung, Moba mung hte Ammon kashu kasha ni malawng maga, shi a lata na lawt lu na mara ai.

YOELA 3:19

Yuda mung na kashu kasha ni hpe zingri zingrat nna, shanhte a mungdan hta mara n kap ai sai jahkaw kau mu ai majaw, Egutu mung katsi katsang shara, Edom mung shingran katsi ai zaibru jang, tai na ra ai.

AMO LAIKA (AMOS) 9:12

daw mat ai Dawi a sum hpe, dai shani e ngai sharawt nna, de a waw malawng ai hpe pat kau na nngai; de a marawng marang ni hpe ngai bai sharawt nna, moi chyaloi nhkoi na zawn de da na nngai, nga nna dai amu shabyin ai Yehowa tsun nga ai.

HABAKU 1:8

Shanhte a laring gumra ni gaw, rawnggawk hta grau lawan chye nna, shana na chyahkyawn ni hta grau n hkru ma ai; gumra jawn ai ni, sumtsan kaw na du nna, pri rai nga ma ai: dai ni gaw, hpya lu hpya sha na matu, lawan ai langda zawn, htim ma ai.

ZEHPANI 2:5

“Nammukdara hkin-gau e shanu nga ai, Hkerehti amyu na ni e, nanhte dingnye lu myit dai: Hpilisti masha ni a lamu ga Hkanan e, Nang hta kadai mung n shanu nga lu hkra, ngai nang hpe hkap daw na nngai, nga nna Yehowa mungga tawn da nu ai.

ZEHPANI 2:7

Dai hkin-gau gaw, naw ngam nga ai Yuda nta masha ni a matu tai na ra ai: shanhte gaw dai yang e tinang a sagu hpung ni hpe shayaw nna, shana du jang dai ni gaw, Ashkelon mare na nta ni hta hpum nga na mara ai: kaning rai nme law shanhte a Karai Kasang Yehowa gaw, shanhte hpe kawan katsan yu nna, bawng dung ai ni hpe woi nhtang wa na ra ai.

ZEHPANI 2:9

Dai rai nna, Israela Karai Kasang, Zaw nawng zaw wa up ai Yehowa ning nga ai: Gaja wa, ngai hkrung nga ai hte maren, Moba gaw Sodom zawn, Ammon a kashu kasha ni gaw, Gomora zawn, tsamat tu ai shara, jum nhkun hte htani htana shingran katsi ai shara tai na ra ai: nye a amyu masha ni hta naw ngam nga ai ni gaw, shanhte hpe hpya lu hpya sha nna, nye a amyu hta hti nga ai ni gaw, shanhte hpe madu na mara ai.

BU HKAWM 24:17

Ngai shi e mu se ai, rai timung, ya jang n rai, Ngai shi e yu se ai, rai timung, ani sha n rai: Yaku kaw na shagan langai mi pru nna, Israela hta na hkawhkam sumdoi paw pru na ra ai: Shi gaw Moba njut nnaw hkan du hkra gasat dang nna,

MAHTE 8:11

Bai ngai nanhte hpe tsun made ai gaw, sinpraw sinna maga de na, masha law law wa du wa na ma ai rai nna, sumsing lamu a mungdan hta e, Abraham, Isak, Yaku hte hte rau jawm dung lu na mara ai.

TARA AGYI 6:3

Israela masha ni, yi hkauna galaw tawn ngut jang, Midian masha ni, Amalek masha ni hte sinpraw mung masha ni sa wa nna,