ESAIA 11:12 - Jinghpaw Hanson Version Bible

¹² Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

Jinghpaw Common Language Bible 2009

¹² Dai Madu gaw bra ayai hkawm nga sai Israela hte Yuda amyu masha ni hpe lamu ga jut mali kaw nna bai woi la ai hte shinggyin da nga ai lam masha amyu baw hpe madun dan na nga, kumla dawnghkawn langai sharawt da na ra ai.

ESAIA 11:12 ပူးပေါင်းရင်းမြစ်များ

SHAKAWN KUNGDAWN 107:3

Sinpraw sinna, dingdung dingda, Mung shagu hta na shinggyin la ai hkrum ai ni, Ning nga nna a tsun nga mu ga.

SHAKAWN KUNGDAWN 147:2

Yehowa gaw Yerusalem mare hpe bai de da ai wa rai nga ai; Bra mat ai Israela amyu masha ni hpe, bai shinggyin la mu ai.

SHAKAWN KUNGDAWN 60:4

Tengman ai lam majaw sharawt na dawnghkawn gaw, Nang hpe hkrit kamyin ai ni hpe, nang jaw nit dai. [Selah.]

SHAKAWN KUNGDAWN 68:22

Dai Madu gaw, “na a lagaw asai hta nang gumchya lu nna, Na a gwi ni a shinglet gumlau ni hpe mata lu mu ga;

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 18:3

Mungkan e shanu nga ai, ga ntsa masha yawng hte e, bum ntsa e dawnghkawn sharawt nga yang, mada yu mu; pahtau dum yang, madat mara nga mu.

ESAIA 24:16

Dinghpring ai wa gaw hpung shingkang rawng u ga, nga ai mahkawn ga, lamu ga htum ai maga de na anhte na lu ga ai. Ngai chyawm gaw, Matsan nngai, matsan nngai; ngai hta dingnye nga u ga; myit magaw ai ni gaw, myit magaw ai lam galaw ma ai; gaja wa, myit magaw ai wa gaw myit magaw ai lam grai galaw sai.

ESAIA 27:13

Dai shani e, pahtau kaba dum dat nna, Asuri mung e si mat magang ai ni hte, Egutu mung hta kau da hkrum ai ni gaw, sa du nna, shanhte gaw Yerusalem mare na chyoi pra ai bum ntsa e, Yehowa hpe nawku na mara ai.

ESAIA 43:6

ngai gaw, “Ap ya u,” ngu nna dingdung maga hpe mung, “Hkum ndang u,” ngu nna dingda maga hpe mung, tsun na nngai.

ESAIA 49:22

Madu Yehowa ning nga ai: “Yu u, ngai gaw maigan amyu ni hpe nye a lata ladawn nna, amyu baw ni a man e nye a dawnghkawn sharawt na we ai: shaloi shanhte gaw na a shadang sha ni hpe pawn let, na a shayi sha ni hpe lahpa hta hpai let, woi wa na mara ai.

ESAIA 49:5

Ngai gaw Yehowa man e arawng sadang lu ai hte, nye a Karai Kasang gaw nye a n-gun tai wa nna, Yaku a amyu hpe shi hpang de bai wa shangun na hte, Israela masha ni hpe shi hpang de zuphpawng shangun na matu, shi a shangun ma tai na, hkritung kaw nna ngai hpe hpan da ai Yehowa, ya ning nga ai:

ESAIA 54:7

Kaning rai nme law, chyahkring mi sha ngai nang hpe kau da timung, matsan dum ai myit kaba hte kahkyin na nngai:

ESAIA 56:8

Dumbru dumbra rai nga ai, Israela masha ni hpe shinggyin la ai Madu Yehowa gaw, Ngai hte seng ai ni hpe shinggyin la ai hta kaga, shanhte hte rau tsasam amyu ni hpe mung ngai naw shinggyin la na nngai, nga nna tsun ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 60:4

Grup yin mada yu u; shanhte yawng zuphpawng nna, nang hpang de wa mara ai; na a shadang sha ni gaw sumtsan mung de na wa nna, na a shayi sha ni gaw ba kaye ai hkrum na mara ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

ESAIA 66:19

“Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

YEREMIA 23:3

Rai timung, ngai shapraw kau ai mung shagu hta, naw ngam nga ai, nye a sagu ni hpe, ngai shinggyin la nna, tinang a ulawng de bai woi wa na nngai: dai yang e, shanhte mayat maya wa nna, law htam wa na mara ai.

YEREMIA 30:17

Kaning rai nme law, masha ni gaw, kau da hkrum ai wa, nga nna mung, kadai n kawan katsan yu ai Ziun, nga nna mung, nang hpe tsun aroi ai majaw, ngai nang hpe shamai shatsai nna, hkam kaja shangun na de ai, nga nna Yehowa tsun ai.

YEREMIA 50:4

Yehowa ning nga ai, Dai shani, dai aten e, Israela kashu kasha ni gaw, Yuda kashu kasha ni hte rau, wa na mara ai; shanhte gaw hkrap ngu hkrap ngoi let, bai wa nna, tinang a Karai Kasang Yehowa hpe tam na mara ai.

YEREMIA 51:12

Babelon bunghku makau e dawnghkawn sharawt mu; sin langa ni hpe shalaw mu; sin ai ni hpe tawn da mu; kaduk ni hpe htu mu: kaning rai nme law, Babelon masha ni a lam sha-ang nna, Yehowa tsun ai hte maren, shi shadik nna galaw ngut nu ai.

EZEKELA 28:25

“Madu Yehowa ning nga ai: ‘Israela amyu hpe, shanhte bra nga ai amyu baw ni hta na, ngai shinggyin la nna, shanhte a jaw e maigan amyu ni a man e, ngai awlaw ai hkrum nga yang, nye a shangun ma Yaku hpe ngai jaw da ai tinang a mungdan hta, shanhte nga nga lu na mara ai.

HOSEA 2:2

“Dai hta kaga, Yuda kashu kasha ni hte Israela kashu kasha ni gaw, rau zuphpawng nna, tinang a matu baw langai sha san da nhtawm, dai mung de na lung wa na mara ai; kaning rai nme law, Yezrela nhtoi gaw, galu kaba ai nhtoi rai na ra ai.

ZEHPANI 3:10

Hkusha mung na hka nu ni a wora hkran e, bra nga ai, nye a amyu shayi sha hta na, ngai npe tawngban ai ni gaw, nye a matu kumhpa sak jaw na mara ai.

ZEHKARIA 10:6

Ngai gaw Yuda dap hpe shangang shakang nna, Yawsep a dap hpe hkye hkrang la na nngai; shanhte hpe matsan dum nga ai majaw, ngai shanhte hpe nhtang wa shangun nna, nye a lata hte shapraw kau n hkrum ai ni zawn, shanhte tai na mara ai: kaning rai nme law, ngai gaw shanhte a Karai Kasang Yehowa rai nga nna, shanhte a ga, ngai madat na nngai.

ZEHKARIA 8:7

Zaw nawng zaw wa up ai Yehowa ning nga ai: “Yu mu, ngai gaw nye a amyu masha ni hpe sinpraw mung hte sinna mung de na, hkye hkrang la na nngai;

YAWHAN 7:35

Dai majaw Yuda masha ni gaw, “Anhte n mu tam lu hkra, ndai wa gaw gade sa wa na ra ai i? Heleni masha ni hta bra nga ai ni hpang de sa nna, Heleni masha ni hpe sharin shaga na wu ai kun?

TARA JAHPRANG 32:26

Bai, ngai gaw, Masha hpyen wa myit tsaw wa na hpe, n tsang, Rawt gumlau ai ni gumrawng wa nna, Ndai amu nlang Yehowa di lu ai n rai, Anhte a lata nsam hte di sagaw ai, nga nna tsun na hpe n dang taw,

YAKU 1:1

Karai Kasang hte Madu Yesu Hkristu a mayam, ngai Yaku gaw, bra mat nga ai amyu shi lahkawng ni hpe ngwipyaw ga shana dat nngai.

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,

SHINGRAN 7:1

Dai hpang lamu kasa mali gaw, lamu ga a njut mali hta tsap nga nna, ga ntsa e mung, nammukdara ntsa e mung, hpun magup a ntsa e mung, nbung n bung lu u ga, ga man mali maga de na nbung ni hpe manat shadang da nga ma ai gaw, ngai mu nngai.