ESAIA 11:11 - Jinghpaw Hanson Version Bible

¹¹ Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

Jinghpaw Common Language Bible 2009

¹¹ Dai nhtoi du ai shaloi, dai Madu gaw shi a daru magam n-gun hpe kalang mi bai lang nna, Asuri, Egutu, Pahtro, Ehtiopi, Elam, Babelon hte Hamat mung, panglai hkin-gau mayan hte panglai zunlawng ni hkan naw ngam nga ai shi a amyu masha ni hpe buga de woi wa na ra ai.

ESAIA 11:11 ပူးပေါင်းရင်းမြစ်များ

NINGPAWT NINGHPANG 10:10

Shi a mungdan a npawt gaw, Shina mung Babela, Erek, Ahkada, Hkalna ginwang ni rai lu ai.

NINGPAWT NINGHPANG 10:22

Shem a shadang sha ni gaw, Elam, Ashura, Arhpaza, Luda, Aram hte rai ma ai.

NINGPAWT NINGHPANG 11:2

Ya sinpraw maga de htawt hkawm wa ma yang, shanhte gaw Shina mung hta e pa layang langai mi mu mu ai rai nna dai yang e de nga ma ai.

NINGPAWT NINGHPANG 14:1

Dai hte yang Shina hkawhkam Amrahpela, Elasa hkawhkam Ariok, Elam hkawhkam Hkedala-uma, Goim hkawhkam Htidala hte gaw,

NINGPAWT NINGHPANG 2:13

Lahkawng ngu na hka gai a amying gaw Gihun rai nga ai: dai gaw Hkusha mung grup rai lwi kawan mat wa ai.

2 HKAWHKAM 17:24

Ya Asuri hkawhkam gaw, Babelon, Hkuhta, Awa, Hamat hte Sehparim masha ni hpe woi wa nna, Israela masha ni a malai, shanhte hpe Samari mare ni hta nga shangun mu ai; shanhte gaw Samari mung hpe up nga nna, de a mare ni hta nga nga ma ai.

ESHTA 10:1

Ya hkawhkam Ahasuru gaw, hkarang na lamu ga hta mung nammukdara zunlawng ni hta mung, hkanse hta wu ai.

SHAKAWN KUNGDAWN 68:22

Dai Madu gaw, “na a lagaw asai hta nang gumchya lu nna, Na a gwi ni a shinglet gumlau ni hpe mata lu mu ga;

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 10:20

Dai shani kaw nna naw ngam nga ai Israela masha ni hte, lawt lu ai Yaku a masha ni gaw shanhte hpe zingri ai wa hta bai n shamyet nga ai sha, kangka re ai myit hte, Israela Chyoi pra ai Wa Yehowa hta shamyet shanat nga na mara ai.

ESAIA 10:9

Hkalna mare gaw Hkarahkeme zawn, Hamat mare gaw Arpad zawn, Samari mare gaw Damasku zawn rai nga ai, n rai ni?

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 19:21

Yehowa nan Egutu masha ni hpe shi hkum shadan dan nna, Egutu masha ni gaw, dai shani e, Yehowa hpe chye lu na mara ai; shanhte gaw shagu hkungga hte mahku hkungga nawng let Yehowa hpe nawku nna, shi a man e dagam da ai hte maren, galaw na mara ai.

ESAIA 19:22

Yehowa gaw Egutu mung hpe adup timung shamai na ra ai: shanhte gaw Yehowa hpang de kayin wa nna tawngban nga ma ai majaw, shi shanhte hpe shamai shatsai na ra ai.

ESAIA 21:2

Hkrithpa shingran ngai mu nngai; myit magaw ai wa gaw, magaw ai hku galaw nga ai, jahten shabyak ai wa gaw jahten shabyak nga ai; Elam masha ni e, lung wa mu; Medi masha ni e, wang tawn mu: dai mare a majaw madai ai lam yawng, ngai jasim kau we ai.

ESAIA 22:6

Elam amyu gaw pala ndum hte hpawn, hpyen leng ni hte gumra jawn ai ni hpe shangun nna, Kira amyu gaw n-gang shapraw dan wu ai.

ESAIA 24:15

Dai re ai majaw, jan pru maga de na ni, Yehowa hpe, nammukdara zunlawng ni, Israela Karai Kasang Yehowa amying nsang hpe, shagrau sha-a mu.

ESAIA 37:31

Tsin-yam lawt ai Yuda dap lakung ni mung, ru bai jung nna, asi si kung dam wa na mara ai:

ESAIA 42:10

Nammukdara rap ai ni hte dai hta nga manga hpawn, zunlawng ni hte dai hta shanu ai ni e, mahkawn mangoi ningnan hte Yehowa hpe mahkawn mu, lamu ga jahtum de nna shi hpe shakawn mu.

ESAIA 42:12

Shanhte gaw Yehowa hpe shagrau nna, zunlawng ni hta shi a arawng sadang hpe kajai mu ga.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 45:14

Bai Yehowa gaw ning nga ai: Egutu mung na arung arai, hkum shing-yan galu ai Hkusha masha ni hte Sabea masha ni a hpaga kun rai, nang hpang de du nna, na a kun rai tai na ra ai. Shanhte gaw nang hpang de hkan nang na mara ai: hpri sumri gyit hkang ai hte shanhte sa du nna, na a man e gum dagup let, Gaja wa, Karai Wa nang hte rau rai nga ai; dai Karai Kasang hta kaga kadai n nga ai:

ESAIA 49:12

Yu u, ndai ni gaw sumtsan mung kaw nna wa na mara ai; bai yu u, ndai ni gaw dingdung maga hte sinna maga na mung, ndai ni gaw Sinim mung na mung, wa na mara ai,” nga ai.

ESAIA 66:19

“Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

YEREMIA 31:10

Masha amyu ni e, Yehowa a ga madat mara mu; Israela masha ni hpe shabrai kau ai wa gaw, shanhte hpe bai shinggyin la nhtawm, sagu rem wa tinang sagu hpung hpe sin nga ai zawn, shanhte hpe sin nga ai zawn, shanhte hpe sin nga na ra ai, ngu nna sumtsan zunlawng du hkra tsun shana mu.

YEREMIA 44:1

Egutu mung na Migdola, Tahpan, Memhpi mare ni hte, Pahtru mung hta dè nga ai Yuda masha ni hpe lakap nna, Yeremia kaw du ai mungga gaw,

YEREMIA 49:23

Damasku hpe lakap nna tsun ai ga: Hamat yan Arpad gaw, n kaja ai shi na lu ai majaw, mak mat nna minla byaw mat ma ai: nammukdara ndi nda rai nga ai; dai gaw asim sha nga lu ai n rai.

EZEKELA 27:6

Bashan wamyi hpun hte lashap ni galaw ma ai; Kihtim zunlawng na la wa nna, magwi kawng hte hkrep ai chyamka hpun hte, na a li hpe nep ma ai.

EZEKELA 29:14

bawng dung hkrum ai Egutu masha ni hpe ngai nhtang woi wa nna, shanhte a buga Pahtru ngu ai mung de, bai wa shangun na nngai: dai yang e shanhte gaw n-gun kya ai mungdan tai na mara ai.

EZEKELA 30:14

Ngai gaw Pahtru shara hpe katsi katsang di kau na nngai; Zoan mare hpe nat kau nna, No a mare hpe dawdan na nngai.

EZEKELA 32:24

Dai yang e, Elam hte shi a lup grup yin e, shi a wunawng wuwa ni yawng, nga nga ma ai: nlang hte gaw nhtu hte kadawng si nna, matu gadoi n hkam ai ni zawn, lamu ga a lawu tsang de yu hkrat wa ai ni rai nga ma ai: shanhte gaw dinghta ga e hkrithpa tai ma timung, nsung hku de yu wa ai ni hte rau, kaya kahpa hkrum masai.

EZEKELA 38:8

Nhtoi tsawmra na wa yang, nang ahkang aya lu la na ndai: shing rai, nhtu tsin-yam lawt nna, amyu baw ni hta na shaw la hkrum ai hte, nhtoi na na wa katsi katsang rai nga ai, Israela bum ni a ntsa e dè nga ai amyu hpang de, hpang jahtum ai aten e, nang lung gasat na ndai; rai timung, dai mung masha ni gaw maigan amyu ni hta na shaw la ai hkrum nna, yawng hte gaw apyaw sha shanu nga na mara ai.

Daniela 1:2

Ya Madu gaw, Yuda hkawhkam Yehoiakim hte, Karai Kasang nta na arai nkau mi hpe, Nebuhkadneza lata hta ap ya kau nna, shi gaw dai arai ni hpe, Shina mung e nga ai, shi a hpara nta de la wa nhtawm, shi a hpara nta sutdek hta bang da wu ai.

Daniela 11:18

Dai rai nna shi gaw zunlawng ni a maga de myi man yawng nna, law law hpe gasat dang la lu ai; rai timung, hpyen du langai mi gaw, shi kaw na pru ai arawng jahpoi ai lam, jahtum kau na ra ai: gaja wa, shi kaw na pru ai arawng jahpoi ai lam, shi hkum ntsa e nhtang shangun na ra ai.

Daniela 8:2

Ngai mu ai shingran gaw da ndai rai nga ai; ngai hkum nan Elam mungdaw na Shushan htingnu hta e rai nga nna, shingran mu yang gaw, Ulai hka kau e rai nga nngai.

HOSEA 11:10

Yehowa gaw hkanghkyi zawn shabam nna, shanhte gaw shi hpang de hkan nang na mara ai: shi shabam yang, kashu kasha ni gaw, sinna maga de na, hkrit gari ai hte du na mara ai.

HOSEA 11:11

Shanhte gaw, u zawn Egutu mung na hkrudu zawn Asuri mung na, hkrit gari let du nna, ngai shanhte hpe tinang nang a buga hta shanu nga shangun na nngai,” nga nna Yehowa tsun ai.

MIHKA 7:12

Dai shani e, Asuri mung hte Egutu mare ni hta na mung, Egutu mung hte Hka nu lapran hkan na mung, nammukdara kaw nna, nammukdara du hkra, bum mi kaw nna bum mi du hkra, bra nga ai ni gaw, nang hpang de du na mara ai.

ZEHPANI 2:11

Yehowa shanhte hpe nhtum nni di na ra ai; kaning rai nme law, shi gaw ga ntsa hpara ni mahkra hpe kawsi shakyet nna, maigan amyu ni a zunlawng masha ni yawng, langai hte langai tinang a shara kaw nna shi hpe nawku na mara ai.

ZEHKARIA 5:11

Shi gaw, Dai dawm a matu, Shina mung hta e nta galaw na, hpai lung wa ma ai: dai hpe shachyip ngut jang, dai dawm hpe, de a shara hta shadun da na ra ai,” nga nna ngai hpe htan ai.

ZEHKARIA 8:7

Zaw nawng zaw wa up ai Yehowa ning nga ai: “Yu mu, ngai gaw nye a amyu masha ni hpe sinpraw mung hte sinna mung de na, hkye hkrang la na nngai;

ZEHKARIA 9:2

dai lamu ga hte matut ai Hamat mung, hpaji grai rawng ai Turu hte Sidun mung, ari hkrum na ra ai.

ROMA 11:15

Kaning rai nme law, shanhte hpe kau da ai lam, mungdan ga a htinglu htinglai ya ai lam tai wa a yang gaw, shanhte hpe bai hkap la ai lam gaw, si mat ai kaw na hkrung wa ai hte bung nga na n rai ni?

ROMA 11:26

shing rai Israela masha ni nlang hte gaw hkye hkrang la ai hkrum na ma ai: dai hte maren, “Ziun kaw na Mawai la ai wa paw pru nhtawm, Tara n hkungga ai hpe Yaku hta na lat kau na ru ai;

2 KORINHTU 3:16

Rai timung, dai Madu hpang de galoi tim kayin a yang gaw, dai man magap shaloi jang kun di kau ya na ru ai.

TARA JAHPRANG 9:29

Ndai ni chyawm gaw, ‘na n-gun kaba hte, na a shada tawn ai lahpum e shaw woi wa ai na amyu hte na a sali wunli rai nga ma ai,” ngu nna ngai hpyi nem we ai.