ESAIA 11:10 - Jinghpaw Hanson Version Bible

¹⁰ Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

Jinghpaw Common Language Bible 2009

¹⁰ Dawi a hkawhkam aru asai kaw nna hkawhkam nnan gaw masha amyu baw ni a matu masat kumla tai na ra ai nhtoi gaw du wa nga ai. Shanhte gaw shi a hkawhkam htingnu mare hta zup hpawng nna shi hpe shagrau sha-a na mara ai.

ESAIA 11:10 ပူးပေါင်းရင်းမြစ်များ

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

1 HKAWHKAM LABAU 2:12

Bua gaw Obed shaprat wu ai; Obed gaw Yese hpe shaprat wu ai.

SHAKAWN KUNGDAWN 116:7

Nye a myit masin e, Yehowa nang hpe chyeju madun nit dai majaw, Nang ban lu ai shara de bai wa su.

SHAKAWN KUNGDAWN 145:11

Shinggyim masha ni hpe, shi a atsam bungli hte, Shi a mungdan dan hkung ai arawng sadang hpe chye na lu mu ga,

SHAKAWN KUNGDAWN 149:5

Chyoi pra ai ni gaw hpung shingkang hta, sharawng awng nga mu ga; Shanhte a yup ku ni hta mung, kabu gara let jahtau nga mu ga.

SHAKAWN KUNGDAWN 91:1

Tsaw Htum ai Wa a shim ai shara e dung nga ai wa gaw, Chyalai n-gun rawng ai Karai Wa a shingnip hta anga nga lu ai.

SHAKAWN KUNGDAWN 91:4

Shi a singkaw mun hte shi nang hpe magap da nna, Shi a singkaw npu e, nang shim nga lu na ndai: Shi a sadi sahka gaw, n-gang hte hpyen palawng rai nga ai.

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 11:12

Bai shi gaw, masha amyu ni a matu dawnghkawn sharawt nhtawm, shapraw kau hkrum ai Israela amyu masha ni hte, shabra kau hkrum ai Yuda masha ni hpe lamu ga man mali kaw na shaga jahpawng la na maru ai.

ESAIA 14:3

Ya Yehowa gaw, nang hkrum ai yawn hkyen ai, tsin-yam tsindam hte yak la ai mayam amu hta na, nang hpe sa ban shangun ai shaloi jang,

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:2

Hpang jahtum na prat hta e, Yehowa nta bum gaw, bum kaga ni a baw tai wa nna, kawng ni hta grau tsaw wa ai hte, amyu baw mahkra gaw, dai de yan bang na mara ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 28:12

shi gaw, tsasam ga tsun ai nten hte, ga amyu kaga hku ndai amyu hpe tsun da na ra ai.

ESAIA 42:4

Shi a tara ding ai lam ga ntsa e garai n grin nga yang, shi n-gun yawm na n rai, gawng mung run na n rai: zunlawng ni shi a tara hpe a mada nga na ra ai.

ESAIA 49:22

Madu Yehowa ning nga ai: “Yu u, ngai gaw maigan amyu ni hpe nye a lata ladawn nna, amyu baw ni a man e nye a dawnghkawn sharawt na we ai: shaloi shanhte gaw na a shadang sha ni hpe pawn let, na a shayi sha ni hpe lahpa hta hpai let, woi wa na mara ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 60:3

Maigan amyu ni gaw na a nhtoi de, hkawhkam ni gaw na a dan hkung kabrim ai de, du na mara ai.

ESAIA 60:5

shaloi nang mu mada yang, nang htoi kabrim na rin dai; na a myit masin gaw kabu gara ai hte, kaba wa na ra ai; kaning rai nme law, nammukdara a sutgan gaw, nang hpang de kayin wa nna, maigan amyu ni a arung arai nang hpang de du na ra ai.

ESAIA 62:10

Mare chyinghka na lai pru mu, lai pru mu; amyu masha ni a matu lam lajang mu; nmaw lam hpe gaw da mu, gaw da mu; nlung ni hpe htawm kau mu; amyu baw ni a matu dawnghkawn sharawt mu.

ESAIA 66:19

“Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

YEREMIA 6:16

Yehowa ning nga ai: “Lam mashe makau e tsap nna mada yu mu; myi na lam dingsa ni hpe tam let, Kaja ai lam gara mahtang rai ta? nga nna san let, dai hku hkan mu; shing rai yang, nanhte a myit masin ban sa na ra ai; rai timung, Anhte n hkan na ga ai, nga nna shanhte htan ma ai.

HAGI 2:9

Ndai nta a hpang jahtum na hpung shingkang gaw, shawng na hta grau kaba na ra ai, nga nna Zaw nawng zaw wa up ai Yehowa tsun ai: ndai shara hta e ngwipyaw lam ngai tawn da na nngai, nga nna Zaw nawng zaw wa up ai Yehowa tsun ai.

ZEHKARIA 6:13

gaja wa shi nan, Yehowa a nawku Htingnu hpe gaw da nna, daru magam dan hkung let, shi a tingnyang hta dung nna up na ra ai; shi gaw shi a tingnyang ntsa e, hkinjawng mung tai nna, dai aya lahkawng a majaw, ngwipyaw na lam hpaji daw na ra ai.

BU HKAWM 10:33

Shing rai shanhte gaw Yehowa a bum na pru nna, masum ya sat ai kaw du hkra hkawm sa wa ma ai: dai masum ya sat ai lam hta sa wa nga yang, Yehowa a sakse sumpu gaw shanhte but na shara tam let, shanhte a shawng e sa wa nga ai,

MAHTE 12:21

Shi a amying hta masha amyu ni myit mada na mara ai,” nga nna, myihtoi Esaia tsun ai ga dik wa na matu byin wa sai.

MAHTE 8:11

Bai ngai nanhte hpe tsun made ai gaw, sinpraw sinna maga de na, masha law law wa du wa na ma ai rai nna, sumsing lamu a mungdan hta e, Abraham, Isak, Yaku hte hte rau jawm dung lu na mara ai.

LUKA 2:32

Na amyu Israela a hpung shingkang matu rai nga ai, Na a hkye hkrang la ai lam hpe, nye a myi hte chyaw ngai mu lu se ai,” nga nna tsun ai.

YAWHAN 12:32

Ngai chyawm gaw ga kaw nna sharawt tawn da ai hkrum jang, ngai masha yawng hpe, ngai hpang de gang la na we ai,” ngu nna htan mu ai.

KASA 11:18

Dai lam na ma yang, shanhte myit pyaw nga nna, “Aw, rai sa, Karai Kasang gaw maigan amyu ni hpe mung, asak hkrung ai hte seng ai myit malai lam jaw manu hka,” nga nna Karai Kasang hpe shagrau sha-a ma ai.

KASA 28:28

Dai re ai majaw, ndai Karai Kasang a hkye hkrang la ai lam, maigan amyu ni hpang de jaw dat nu ai rai nna, shanhte mahtang madat mara hta la na mara ai gaw, nanhte nan chye nga mu law,”

HEBRE 4:1

Dai re ai majaw, shi a ban sa ai de shang lu na, ga sadi naw nga nga dingsa, nanhte hta na langai ngai dai de hkoi n dep lu na hpe, anhte myit tsang nga ga.

1 PETRU 5:10

Nanhte mahtang chyahkring chyahkra nni nkri hkrum ai hpang, Hkristu hta e htani htana nga ai hpung shingkang a matu, nanhte hpe shaga la da ai, chyeju hkum hkum rawng ai Karai Kasang gaw, shi hkum nan, nanhte hpe shakup shatsup na, shangang shakang na hte n-gun sharawng na marin dai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.