ESAIA 11:1 - Jinghpaw Hanson Version Bible

¹ Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

Jinghpaw Common Language Bible 2009

¹ Dawi a hkawhkam amyu matu gaw kran kadawng kau hkrum ai hpun hte bung nga ai; rai ti mung ndu kaw nna nnaw nnan prut lung wa ai zawn hkawhkam nnan langai mi gaw Dawi a matu mara ni kaw na paw pru wa na ra ai.

ESAIA 11:1 ပူးပေါင်းရင်းမြစ်များ

2 SAMUELA 23:3

Israela Karai Kasang gaw, Israela Lunghkrung, ngai hpe ning nga ai. Masha ni hpe dingman ai hku byeng nna, Karai Wa hpe hkrit hkungga ai myit hte up hkang ai wa gaw,

1 HKAWHKAM LABAU 2:12

Bua gaw Obed shaprat wu ai; Obed gaw Yese hpe shaprat wu ai.

SHAKAWN KUNGDAWN 145:11

Shinggyim masha ni hpe, shi a atsam bungli hte, Shi a mungdan dan hkung ai arawng sadang hpe chye na lu mu ga,

ESAIA 11:10

Dai aten e Yese a aru gaw, amyu baw ni a matu dan hkung ai dawnghkawn rai nga na hte, maigan amyu ni shi hpang de ju wa nna, shi shanu nga ai shara gaw, hpung shingkang rawng na ra ai.

ESAIA 4:2

Dai shani e Yehowa a Makrung gaw tsawm pra ai hte arawng sadang pu na ra ai rai nna, mungdan a namsi gaw, lawt lu ai Israela masha ni a matu, kaja htum ai hte htaphtuk na ra ai.

ESAIA 53:2

Kaning rai nme law, Yehowa a shangun ma gaw, shi a man e matsun zawn mung, hkraw hkun ai ga na maku zawn mung, tu prut nga ai: shi gaw gawng shing-yan mung, ahpraw nsam mung, tsawm htap ai n rai: shi hpe yu yang, tsawra mai ai myi man ningchya n rawng nga ai.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 9:6

Shi a ahkang aya hte, shi tawn da ai ngwipyaw lam gaw law htam wa nna, htum ngu ai n nga na sai; Dawi a tingnyang ntsa e dung let, dai mungdan hpe shi shagrin tawn da nna, tara hte dinghpring ai hku hkan ai majaw, dai gaw htani htana prat dingsa e grin nga na ra ai. Zaw nawng zaw wa up ai Yehowa a nsu nnawn myit dai lam shabyin nu ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

YEREMIA 23:5

Yehowa ning nga ai: yu u, Dawi a matu dinghpring ai Makrung ngai shatut ai aten du na ra ai: dai wa gaw, nyan rawng nna hkawhkam zawn up na hte, mungdan hta dinghpring ai hku dawdan na ra ai.

YEREMIA 33:15

Dai shani e, dai aten e, Dawi a matu dinghpring ai Makrung ngai shatut nna, dai wa gaw mungdan hta dinghpring ai hku dawdan na ra ai.

EZEKELA 17:22

Madu Yehowa ning nga ai: Dai arit hpun na tsaw htum ai makrung hpe mung ngai la nna, hkai da na nngai; bai, tsaw htum ai makrung ni hta na, gunglung maku langai mi hpe, ngai di la nna, tsaw ai bum ntsa e hkai da na nngai:

EZEKELA 37:25

Nye a shangun ma Yaku hpe ngai jaw da nna, nanhte a nji nwa ni shanu nga yu ai mungdan hta, shanhte shanu nga na mara ai: shanhte mung, kasha ni hte kashu ni mung, shu mashi shu masha prat dingsa du hkra, dai de shanu nga nna, nye a shangun ma Dawi, shanhte a du, prat dingsa tai na ra ai.

MIHKA 5:2

Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

ZEHKARIA 3:8

Hkinjawng agyi Yoshua e, nang hte na a man e dung nga ai manang ni, madat mara mu; shanhte gaw kumla tai ai masha rai nga ma ai: kaning rai nme law, yu mu, nye a shangun ma ngu ai, Makrung hpe, ngai paw pru shangun na nngai.

ZEHKARIA 6:12

bai shi hpe ning ngu tsun u, ‘Zaw nawng zaw wa up ai Yehowa ning nga ai, Makrung mying ai wa hpe, mada yu u; shi gaw tinang a shara hta tu kaba wa nna, Yehowa a nawku Htingnu hpe, gaw da na ra ai:

MAHTE 1:1

Da ndai gaw Abraham a kasha hte Dawi a kasha, Yesu Hkristu a ahtik labau gawn ai Chyum laika rai nga ai.

ROMA 15:12

Bai Esaia gaw, Yese kaw nna kying ai ru npawt hte, Maigan amyu ni hpe up na paw pru ai wa rai na ra ai: Dai wa hpe maigan amyu ni myit mada na mara ai,” nga ai.

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

SHINGRAN 22:16

“Ngai Yesu gaw, Hpung ni a matu, lam ndai hte nanhte hpe sakse hkam ya mu ga, ngu nna nye a lamu Kasa shangun dat nngai. Ngai gaw Dawi a aru madung hte lakung rai nga nngai; htoi tu ai nhtoi gintawng mung, ngai rai nga nngai.”

SHINGRAN 5:5

Dai rai nna, salang ni hta na langai mi gaw, Hkum hkrap et; yu u, Yuda amyu hta na hkanghkyi ngu ai Dawi a aru madung gaw, dai laika hte de a dazik sanit hpe hpaw lu hkra dang kau nu ai, nga nna ngai hpe tsun dan nngai.

RUHTA 4:17

Shi a htingbu jan ni mung, “Naomi shadang sha lu nu ai,” nga ma ai rai nna, ma dai hpe Obed, ngu shamying mu ai: dai wa gaw, Dawi a kawa Yese hpe shaprat wu ai.

1 SAMUELA 17:58

Shing rai, Shawlu gaw, “Shabrang wa e, nang gade a kasha rai n ta?” ngu nna san wu yang, Dawi gaw, “Ngai gaw, na a mayam, Betlehem masha Yese a kasha rai nngai,” ngu nna htan wu ai.