ESAIA 10:6 - Jinghpaw Hanson Version Bible

⁶ Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

Jinghpaw Common Language Bible 2009

⁶ Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 10:6 ပူးပေါင်းရင်းမြစ်များ

2 SAMUELA 22:43

Shaloi ngai shanhte hpe ga nhpu zawn dup mani kau nna, Lam na shanut hpe zawn, kanen ayai kau we ai.

2 HKAWHKAM 18:25

Yehowa ahkang n jaw ai, ndai mung hpe jahten na, ngai lung wa nni? Yehowa gaw ngai hpe, Ndai mung hpe lung gasat nna jahten kau u ngu ni ai,” ngu mu ai.

ESAIA 19:17

Zaw nawng zaw wa up ai Yehowa gaw, Egutu mung a lam myit shatawng da ai majaw, Yuda mung gaw Egutu mung a matu hkrithpa shara tai na ra ai; “Yuda mung,” nga nna tsun yang pyi, shanhte yawng hkrit gari na mara ai.

ESAIA 22:5

Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

ESAIA 24:5

Mung masha ni gaw tara hpe tawt lai nna, hkang da ai ga hpe galai kau ai hte, prat dingsa na ga shaka hpe shaprai kau ai majaw, lamu ga gaw awu asin hkrum nga ai.

ESAIA 29:13

Dai rai nna, “Ndai amyu gaw tinang a n-gup hte ngai hpang de sit sa nna, nten hte ngai hpe hkungga lara ma timung, myit masin gaw ngai hte tsan gang nna, ngai hpe hkrit hkungga ai lam, masha sharin ya ai hkang da ai ga sha rai nga ai majaw,

ESAIA 32:6

Kaning rai nme law, mana ai wa gaw, matsa mawa ga hte Yehowa hpe ga hku shut kau na matu mung, kawsi hkrum ai ni, grau kawsi kyet na hte, hpang kara hkrum ai ni ntsin n lu lu na matu mung, mana ga tsun nna n kaja ai hpaji daw na ra ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 41:25

Dingdung maga de na wa langai mi, nye a amying shaga ai wa sinpraw de na, ngai paw pru shangun nna, shi du ra ai: dai wa gaw munggyi ni hpe engade zawn rin nna, dibu sama a ga kagam zawn kabye kau na ra ai.

ESAIA 49:17

Na nshu nsha ni lawan wa na mara ai; nang hpe hpya lu hpya sha ai ni hte na a mung hpe shakrin kau ai ni gaw, nang kaw na pru mat wa na mara ai.

ESAIA 49:25

Yehowa chyawm gaw ning nga ai: “Gaja wa, share ni rim la ai ni gaw lawt lu na mara ai rai nna, gumshem ni kashun la lu ai lanep hpe shaw la lu na mara ai: kaning rai nme law, nang hte dangrang hkat ai ni hpe ngai dangrang hkat nna, na a kashu kasha ni hpe hkye hkrang la na nngai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

ESAIA 5:5

Ya nye a tsabyi sun hta ngai galaw na lam ngai nanhte hpe tsun dan made ga: de a nhpan hpe ngai run kau nna, masha ni dai hpe sha kau na mara ai: de a bunghku hpe ngai hpya kau nna, dai gaw kabye kau ai hkrum na ra ai.

ESAIA 63:3

Tsabyi si htumbyen hpe ngai hkrai kabye ni ai; amyu baw ni hta na, ngai hte lawm ai wa langai mi n nga ai; gaja wa, ngai pawt sindawng ai hte shanhte hpe kabye kau nna, nye a myit kahtet ai hte, shanhte hpe kabye anut kau mawe ai: shanhte a sai gaw nye a hpun nba hta gatsit kap nna, nye a hpun palawng yawng, ateng apang rai mat sai.

ESAIA 63:6

Shaloi nye a pawt sindawng ai hte, amyu baw ni hpe ngai kabye kau nna, nye a myit kahtet ai hte shanhte hpe nang shangun mawe ai; shanhte a asai hpe mung ga de ngai ru kau ya nngai.

ESAIA 7:17

Ehprim amyu gaw Yuda amyu hte hka wa ai shani kaw nna, ya du hkra n byin yu ai shani nhtoi ni, Yehowa gaw na a ntsa e mung, na a amyu baw a ntsa e mung, na nwa a nta ntsa e mung, shapraw na ra ai: dai gaw Asuri hkawhkam nan rai nga ai.

ESAIA 8:4

Kaning rai nme law, dai ma gaw, “Nu e, wa e, nga nna garai n chye shaga yang, Damasku mare na sutgan hte, Samari mung na kashun la ai lanep hpe, Asuri hkawhkam magawn la kau na ra ai,” nga ai.

ESAIA 8:8

Yuda mung du hkra dep nhtawm, dai hpe mung lwi ka-up nna, adu du hkra dep na ra ai: Emanuela e, de a singkaw ni kahpyen dat nna, na a mung ting ka-up nga na ra ai law,” nga ai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 3:10

Dai daram yubak law nga timung, myit magaw ai, shi a kana Yuda gaw, myit masin mahkra hte n rai, sawt ai hte sha, ngai hpang de wa ai, nga nna Yehowa tsun ai.

YEREMIA 34:22

Yu mu, ngai htet da nna, shanhte dai mare hpe bai wang tawn na mara ai; shanhte dai hpe gasat la nna, nat kau na mara ai; ngai gaw Yuda mare ni hpe masha n nga ai, katsi katsang shara shatai kau na we ai, nga nna Yehowa tsun ai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

EZEKELA 29:20

Shanhte gaw nye a amu gun hpai nna, Turu mare hta shakut sharang ai majaw, ngai shi hpe Egutu mung ap ya ni ai,” nga nna Madu Yehowa tsun ai.

EZEKELA 38:12

lanep la na, sut rai kashun la na nngai: shawng e katsi katsang rai nga nna, ya masha rawng nga ai shara hpe mung, maigan amyu ni hta na shinggyin la hkrum nna, yamnga hte sut rai lu su ai hte, lamu ga ka-ang e shanu nga ai amyu hpe mung, lung gasat na nngai,’ nga nna nang tsun nit dai.

EZEKELA 38:13

Sheba hte Dedan, Tarshi hpaga ga ai ni hte, de a hkanghkyi uram ni yawng, Lanep lu la na matu nang sa n ni? aja gumhpraw, yamnga hte arung arai, sutgan amyu myu kashun la na matu, na a wunawng wuwa ni hpe, jahpawng tawn n ni?” nga nna nang hpe san na mara ai.

MIHKA 7:10

Dai shaloi ngai hpe hpyen ai wa dai lam mu mada nna, Na a Karai Kasang Yehowa kanang nga a ta? nga nna ngai hpe tsun ai num gaw, kaya kahpa hkrum na ra ai: nye a myi shi hta dik na ra ai; shi gaw mare lam a hkumpup zawn, kabye kau ai hkrum na ra ai.

HABAKU 1:12

Nye a Karai Kasang Yehowa e, nang gaw moi chyaloi nhkoi kaw nna, nye a Chyoi pra ai Wa rai nga ndai, n rai ni? anhte gaw si na ga ai, n rai. Yehowa e, dawdan na matu nang shi hpe san da nu ai; Lunghkrung e, anhte hpe sharin achyin ya na matu nang shi hpe tawn da nu ai.

ZEHKARIA 10:5

Shanhte gaw share ninghkrin zawn tai nna, hpyen majan shani e, hpyen ni hpe, mare lam na hkumpup hta, kabye kau na mara ai; Yehowa shanhte hte rau rai nga ai majaw, shanhte hpyen gasat lu nna, gumra jawn ai ni, mak mat na mara ai.

MAHTE 15:7

Sawt ai ni e, “Ndai amyu gaw, tinang a nten hte ngai hpe hkungga lara rai ma timung, Tinang a myit gaw, ngai hte tsan gang malu ai.