ESAIA 10:4 - Jinghpaw Hanson Version Bible

⁴ Ngai n lawm yang, bawng dung ai ni npu e shanhte gum dagup nna, sat kau hkrum ai ni a npu e taw na mara ai; rai timung, shi a pawt sindawng ai gaw sim wa sai n rai; shi a lata naw a ladawn nga ai.

Jinghpaw Common Language Bible 2009

⁴ Nanhte gaw majan ginra hta sat kau ai hkrum na rai myit dai, bawng masha ni hpe zawn dun garawt mat wa ai hkrum na marin dai. Dai rai tim pyi, dai Madu a masin kahtet ai gaw kawp mat na ra ai n rai; shi a lata gaw ari jaw na matu naw ladawn da na ra ai.

ESAIA 10:4 ပူးပေါင်းရင်းမြစ်များ

ESAIA 22:2

Jahtau marawn ai hte hpring nna, kaming kamawng let ngwipyaw dum ai mare e, nang hta hkala nba hkrum ai ni gaw, ri nhtu hte hkala nba hkrum ai n rai; na a si mang ni gaw, hpyen majan hta si ma ai n rai.

ESAIA 24:22

Bawng dung ai ni hpe htawng hta sharawng da ai hte maren, shanhte hpe shinggyin la nna, htawng hta sharawng da nhtawm, nhtoi law law lai jang, shi shanhte hpe ari jaw na ra ai.

ESAIA 34:3

Shanhte hta sat kau hkrum ai ni hpe, shinggan de kabai kau nna, shanhte a si mang ni manam mawng na ra ai; shanhte a sai hte bum ni dun mat na ra ai.

ESAIA 5:25

Dai re ai majaw Yehowa gaw shi a amyu hpe pawt bu let, shi a lata ladawn nna, shanhte hpe adup kau mu ai; bum ni mung gari wa nna, amyu masha ni a si mang ni mare lam hkan e shanut shanaw zawn jawng nga ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 66:16

Yehowa gaw wan hte mung, shi a nhtu hte mung, hkrung mahkrung mahkra hpe tara dawdan nna, Yehowa sat kau ai ni, law na mara ai.

ESAIA 9:11

Suri masha ni man de, Hpilisti masha ni shingdu de, n-gup mahka nna, Israela amyu hpe araw sha kau na mara ai. Rai timung, shi a pawt sindawng ai gaw sim wa sai n rai; shi a lata naw a ladawn nga ai.

ESAIA 9:12

Amyu masha ni chyawm gaw, ari jaw ai wa hpang de kayin wa ai n rai; Zaw nawng zaw wa up ai Yehowa hpe tam ma ai n rai.

ESAIA 9:16

Dai re ai majaw Madu gaw shanhte shabrang ni hta n kabu lu ai hte, shanhte a chyahkrai ma ni hte gaida ni hpe, matsan n dum nga ai: kaning rai nme law, yawng hte gaw matsa mawa ga tsun ai hte, n shawp ai amu galaw ai ni hkrai rai nga nna, n-gup shagu angawk ai ga tsun nga ma ai. Dai rai nna shi a pawt sindawng ai gaw sim wa sai n rai; shi a lata naw a ladawn nga ai.

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

ESAIA 9:20

Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.

YEREMIA 15:2

Shaloi shanhte gaw, Anhte gade pru wa na rai ta? nga nna nang hpe san yang, nang gaw, Yehowa ning nga ai: Si ang ai ni gaw si ai de, sat kau hkrum ang ai ni, sat kau ai de, kawsi hpang gara hkrum ang ai ni, kawsi hpang gara ai de, bawng dung hkrum ang ai ni, bawng dung ai de pru wa mu ga, ngu nna shanhte hpe htawn tsun mu.

YEREMIA 37:10

Dai hta n-ga, nanhte hpe gasat ai Hkalde luksuk laba ni mahkra hpe nanhte dang kau nna, hkala nba hkrum ai ni hkrai ngam nga timung, shanhte langai hte langai tinang janghpang hta na rawt nna, ndai mare hpe nat kau na mara ai, nga ai.

YEREMIA 4:8

Dai majaw, lachyit nba bu hpun let, hkrap ngu hkrap ngoi, sharung shayawt nga mu: kaning rai nme law, Yehowa a pawt kahtet ai gaw anhte kaw na garai n dawm la nga ai.

HOSEA 9:12

Kasha ni hpe bau maka timung, langai mi n ngam hkra, ngai shanhte hpe dawm la kau na nngai: gaja wa, ngai shanhte hpe kau da yang, shanhte dingnye hkrum sha mu ga.

JAW JAU 26:17

Nanhte hpe ngai maza nna, hpyen ni a man e jasum na made ai: nanhte hpe n dawng n yawt ai ni a byeng sha ai nanhte hkrum nna, kadai n shachyut timung hprawng na marin dai.

TARA JAHPRANG 32:30

Shanhte a shamyet lunghkrung shanhte e dut ya ai n rai yang, Yehowa nan shanhte kaw ap kau ai n rai yang, Marai langai sha masha hkying mi hpe, Marai lahkawng e sha mun mi hpe, kaning rai hkan jahtaw kau lu a ta?