ESAIA 10:34 - Jinghpaw Hanson Version Bible

³⁴ Shi gaw nam maling na singwum ni hpe, nhtu hte hkyen kau nna, Lebanon hpun ni gaw n-gun ja ai wa a lata hte kadawng mat na mara ai.

Jinghpaw Common Language Bible 2009

³⁴ Dai Madu gaw shanhte hpe maling kata na hpun ni hpe nwa hte kran kadang kau ai hte tsawm ai Lebanon hpun ni hpe pyi kran daw kau ai zawn shanhte hpe kran kadawng kau na ra ai.

ESAIA 10:34 ပူးပေါင်းရင်းမြစ်များ

SHAKAWN KUNGDAWN 103:20

N-gun ja nna, shi a mungga nsen madat let, Shi a mungga hpe shadik ya ai lamu kasa ni e, Yehowa hpe sha-a mu.

ESAIA 10:18

Yehowa gaw shi arawng lu ai maling hpe mung, nsi naisi tu ai hkauna hpe mung, aru hte nawng, jahtum kau ai majaw, machyi hkrum ai wa zawn shi n-gun yawm mat na ra ai.

ESAIA 2:13

tsaw nna reng dum ai Lebanon arit hpun ni mahkra a ntsa e mung, Bashan wamyi hpun ni mahkra a ntsa e mung;

ESAIA 31:8

Asuri wa mung, masha n lang ai nhtu hte si na ra ai; masha n lang ai nhtu gaw shi hpe shamyit kau na ra ai; shi gaw nhtu tsin-yam hta na hprawng nna, shi a wa-ngan ni mayam tai na mara ai.

ESAIA 33:9

Mungdan gaw yawn nga nna nyui mat nga ai; Lebanon gaw mak mat nna, hkraw mat nga ai; Sharon gaw zaibru jang hte bung nna, Bashan hte Hkarmela gaw ashun awam nga ma ai.

ESAIA 37:24

Nang gaw, na a mayam ni a n-gup hte dai Madu hpe shatan nhkan nna, Ngai gaw nye a law la ai hpyen leng ni hte bum pungding ni a ntsa de lung wa lu nna, Lebanon maling ka-ang de shang lu na nngai: ngai gaw de a tsaw htum ai arit hpun ni hte, hpu htum ai marau hpun ni hpe kran kau nna, de a tsan htum ai maling na nga pyaw ai shara de pyi shang wa na nngai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

YEREMIA 22:7

Nang hpe shamyit kau na matu, nhtu nwa lang ai hpyen ni hpe ngai san da nna, shanhte gaw na a tsawm htum ai arit hpun ni hpe kran kau nhtawm, wan hta kabai bang kau na mara ai.

YEREMIA 48:2

Moba mung hpe htawm hpang e shakawn kungdawn lu na n rai; hpyen ni gaw, Sa marit, Moba gaw amyu n tai lu hkra, shi hpe shagrawm kau gaw, nga nna Heshbon mare hta e pyi shi a lam hpaji daw ma ai. Nang mung Madmen e, katsi katsang rai wa na ndai; nhtu gaw nang hpe shachyut na ra ai.

EZEKELA 31:3

Yu u, Asuri masha ni gaw Lebanon a arit hpun hte bung ma ai; lakung lakying ni gaw gung dam nna, awum nga ma ai; de a shing-yan tsaw la nga nna, de a ndung ni sumwi ni hpe dep ma ai.

Daniela 4:23

Sin langa ngu ai chyoi pra ai wa langai mi sumsing lamu de na yu wa nna, shi gaw, ‘Dai hpun hpe kran daw jahten kau u; rai timung, ga hta jung ai aru hte hpawn, pa ga na tsit lali ai tsingdu hta hpri hte magri sumri hte gyit hkang let, hpun du hpe ngam da nna, dai gaw sumsing lamu na mari hte madi mat u ga; aten sanit shi a ntsa e lai wa hkra, shi a kamhtaw pa ga na ashu ashan ni hte rau rai nga u ga,’ nga nna hkawhkam wa mu ai hte maren,

NAHUM 1:12

Yehowa ning nga ai: Shanhte gaw n-gun an nga nna, law nga timung, shanhte jahtum kau ai hkrum nna, shi gaw hkoi mat na ra ai. Ngai nang hpe zingri zingrat yu timung, htawm hpang de zingri zingrat sa na n rai.

2 HTESALONI 1:7

Karai Kasang hpe n chye n chyang ai ni hte, anhte a Madu Yesu Hkristu a kabu gara shiga n madat mara ni hpe matai dawp na shaloi e,

2 PETRU 2:11

lamu kasa ni mahtang gaw shanhte hta n-gun hte atsam grau rawng nga ma timung, dai ni gaw shanhte a lam shatan nhkan re ai dawdan ai ga, dai Madu a man e, n tsun yu ma ai.

SHINGRAN 10:1

Bai, sumwi lawai nna, sumsing lamu de na yu hkrat wa ai n-gun ja ai lamu kasa kaga hpe ngai mu nngai; shi a baw hta n-goilatum jung nga ai, shi a myi man gaw jan zawn htoi tu nga ai, shi a lagaw yan wan shadaw zawn rai nga ai:

SHINGRAN 18:21

Dai hpang n-gun ja ai lamu kasa langai mi htumrin lung kaba nsan ai nlung kawaw la nna, nammukdara kata de kabai bang kau dat let, “Ndai hkrat shang wa ai zawn, galu kaba ai Babelon mare mung kabai bang kau ai hkrum na ra ai! htawm hpang galoi mung shi hpe bai mu lu na n rai.