ESAIA 10:3 - Jinghpaw Hanson Version Bible

³ Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

Jinghpaw Common Language Bible 2009

³ Karai Kasang nanhte hpe ari jaw ai shaloi, nanhte hpa galaw na rai myit ni? Shi gaw sumtsan mung kaw nna nanhte hpang de tsin-yam tsindam la sa ya wa ai shaloi, nanhte hpa galaw na rai myit ni? Karum la lam mu tam la hkra nanhte gara shara de hprawng hkawm na myit ni? Nanhte a sut gan hpe gara shara e makoi da na myit ni?

ESAIA 10:3 ပူးပေါင်းရင်းမြစ်များ

NINGPAWT NINGHPANG 31:1

Ya Laban a kasha ni gaw, Anhte a wa a sut nga manga Yaku e la kau nu ai: wa a marang e shi hta ndai hte wa lu su wa salu ai, nga nna tsun ma ai hpe Yaku na wu ai.

2 HKAWHKAM 7:15

Shing rai shanhte gaw Yawdan hka du hkra hkan nang ma ai rai nna, “yu u, Suri masha ni hprawng tin nna kabai kau da ai hpun palawng hte arung arai ni lam hkan e jawng nga ai. Kasa ni mung bai wa nna hkawhkam wa hpe shana ya mu ai.

YOBA 31:14

Karai Wa a rawt wa yang, ngai kaning rai na rai ta? Ngai hpe sawk yu yang, kaning ngu htan na ma?

GA SHAGAWP 11:4

Sindawng kahtet ai shani e sutgan gaw hpa akyu n nga ai; Dinghpring ai lam chyawm gaw, si ai kaw na mawai la nga ai.

ESAIA 13:6

Yehowa a nhtoi ni wa ai majaw, sharung shayawt nga mu; dai gaw, N-gun Chyalai rawng ai wa kaw na shoihpa shoirang zawn, du na ra ai.

ESAIA 17:4

Dai shani e Yaku a arawng sadang gaw yawm wa nna, shi a sau hpum ai hkum shan gaw lasi wa na ra ai.

ESAIA 20:6

ndai nammukdara hkin-gau e dè nga ai amyu ni gaw, Yu mu, Asuri hkawhkam kaw na hprawng lawt lu hkra, anhte myit hpa ai gaw, ndai rai nga ai; ya anhte kaning rai lawt lu na ga ta? nga nna dai aten e tsun shajang na mara ai,” nga ai.

ESAIA 26:14

Dai madu ni gaw si ma masai; bai hkrung lu na n rai; shanhte minla tai masai, bai rawt lu na n rai; dai lam majaw, nang shanhte hpe kawan katsan yu ai hte, shanhte hpe jahten shabyak kau nna, shanhte a masat dingsat pyi n nga lu hkra, shamyit kau manu ai.

ESAIA 26:21

Kaning rai nme law, ga ntsa masha ni hpe, tinang a yubak majaw, ari jaw na matu, Yehowa gaw shi a shara kaw na pru wa ai; lamu ga gaw shi chyup ai asai bai shapraw dan nna, htawm hpang e sat kau hkrum ai ni hpe makoi magap na n rai.

ESAIA 28:20

Kaning rai nme law, yup ku gaw latsawn n mai hkra gadun nga ai, hpajawng mung, hpun n mai hkra, kaji nga ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 30:16

Nanhte mahtang, ‘N rai law, anhte gumra hte hprawng na ga ai,’ nga nna tsun myit dai majaw, gaja wa hprawng na myit dai; ‘Anhte laram ai gumra jawn na ga ai,’ nga myit dai majaw, nanhte hpe hkan shachyut ai ni, lawan na mara ai.

ESAIA 30:5

Shanhte hpe n karum la ai hte, asung n shang nna, hpa akyu n rawng ai, kaya kahpa hte lam n la ai amyu majaw, shanhte yawng kaya kahpa hkrum na mara ai.

ESAIA 30:7

Kaning rai nme law, Egutu mung gaw, asung n shang ai hte kaman lila rai nga ai: dai re ai majaw ngai shi hpe, “N shamu chye ai Rahab,” ngu nna shamying we ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 39:3

shaloi myihtoi Esaia gaw hkawhkam Hezekia hpang de sa du nna, “Ndai manam ni gaw hpa lam tsun ma ta? kanang nna nang kaw sa du ma ta?” ngu nna san wu yang, Hezekia gaw, “Tsan tsan e nga ai Babelon mung na sa du ma ai,” ngu nna htan wu ai.

ESAIA 5:14

Dai majaw Katsan ga gaw tinang a lawhpa ai hpe shalaw let, tinang a n-gup shadawn sharam n nga hkra mahka dat nna, shanhte a hpung shingkang, wunawng wuwa ni jahtau garu ai ni hte shanhte hte rau kabu gara ai ni gaw, dai de ru mat wa ma ai.

ESAIA 5:26

Bai shi gaw sumtsan mung na amyu ni a matu dawnghkawn sharawt nhtawm, lamu ga htum ai kaw na ni hpe lahpyaw shaga nna, yu mu, shanhte gaw alawan du bang na mara ai:

YEREMIA 22:7

Nang hpe shamyit kau na matu, nhtu nwa lang ai hpyen ni hpe ngai san da nna, shanhte gaw na a tsawm htum ai arit hpun ni hpe kran kau nhtawm, wan hta kabai bang kau na mara ai.

YEREMIA 4:30

Nang mahtang, hten byak hkrum ai num e, nang kaning rai na n ta? Nang gaw hkyeng mang ai nba bu hpun nna, aja arai mawn sumli ai hte, na a myi man kaprang hkra tsi chya timung, na a tsawm htap ai gaw kaman lila sha rai nga ai: na a sumtsaw sumra ni gaw nang hpe kau da nna, na a asak hpe tam nga ma ai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

YEREMIA 9:9

Dai yubak hpe ngai n dawdan na rai ni? dai zawn re amyu hpe ngai matai n dawp na rai ni?” nga nna Yehowa tsun ai.

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

HOSEA 9:5

Madat da ai zuphpawng hte, Yehowa a poi shani e, nanhte kaning rai galaw na myit ta?

HOSEA 9:7

Ari jaw na aten du sai; matai htang na shani du sai; Israela amyu chye lu na ra ai: na a law la ai shut hpyit ai hte, ladu lai ai n dawng n yawt myit majaw, myihtoi wa gaw angawk ai wa, wenyi shung ai wa mana bu ai wa, tai nga ai.

AMO LAIKA (AMOS) 5:19

Masha gaw hkanghkyi hprawng nna, tsap hkrum ai zawn, nta nhku de shang nna, shakum hta shamyet yang, lapu kawa hkrum ai zawn, tai na ra ai.

MIHKA 7:4

Shanhte hta grau kaja ai wa gaw ju hpun zawn rai nga ai; myit grau malang ai wa gaw ju nhpan hta grau yak nga ai; na a sin langa ni mu ai nhtoi ngu ai, nang ari ahpri hkrum na nhtoi, ya du ra ai: ya shanhte gaw nhtum nni hkrum na mara ai.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.

LUKA 19:44

nang hpe mung, na a kashu kasha ni hpe mung, ga hte azat kayau kau ai nhtoi gaw, nang kaw pru na ra ai rai nna, nang hta nlung langai mi a ntsa e nlung langai mi pyi n ngam mara lu ai rai na ra ai,” ngu wu ai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

1 PETRU 2:12

tara maigan de na ni, nanhte hpe baw law nna n kaja ai hku shatu ma yang, nanhte a kaja ai amu mu la nna, dai dawdan ai nhtoi hta e Karai Kasang hpe shagrau lu mu ga, shanhte a man e nanhte a arawn alai tsup nga lu u ga law.