ESAIA 10:26 - Jinghpaw Hanson Version Bible

²⁶ Shing rai, Oreb lunghkrung makau e Midian masha ni hpe sat kau ai zawn, ndai wa hpe zingri zingrat na matu, Zaw nawng zaw wa up ai Yehowa gaw, gumlau sharawt na ra ai: shi a dawhkrawng gaw nawng ntsa e ladawn nga ai hte maren, Egutu mung e di ai zawn, dai hpe bai ladawn na ra ai.

Jinghpaw Common Language Bible 2009

²⁶ Chyahtum Chyalai N-gun rawng ai Ngai Madu gaw Oreb Lunghkrung e nga ai Midian masha ni hpe galaw kau we ai zawn nye a lasik hte shanhte hpe kayat na nngai. Ngai gaw Egutu hpe ari jaw ai zawn Asuri hpe mung ari jaw na nngai.

ESAIA 10:26 ပူးပေါင်းရင်းမြစ်များ

ESAIA 9:4

Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

TARA AGYI 7:25

Shanhte gaw Oreb hte Zeeb ngu ai, Midian du lahkawng rim la lu nna, Oreb hpe Oreb lunghtawn ntsa e, Zeeb hpe, Zeeb tsabyi htumbyen hta sat kau nhtawm, Midian masha ni hpe hkan shachyut let, Oreb yan Zeeb a baw hpe Yawdan hka wora hkran, Gidon hpang de la wa ma ai.

2 HKAWHKAM 19:35

Dai shana jang Yehowa a lamu kasa pru sa nna, Asuri masha ni a hpyen dap hta, marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni, nlang si mang rai nga ma ai.

PRU MAT 14:16

Nang chyawm gaw na a dawhkrawng sharawt nna dai nawng ntsa de na lata ladawn ai hte dai hpe jahka u; shaloi Israela kashu kasha ni dai nawng hta hkarang hku hkawm sa wa na rai ma ai.

SHINGRAN 19:15

Masha amyu baw ni hpe kahtam na matu, shi a n-gup hta na dai ai ntawng nhtu pru nga ai; shanhte hpe mung hpri sumdoi hte shi up na ra ai: Chyahtum chyalai n-gun rawng ai Karai Kasang a sindawng kahtet ai pawt bu ngu ai tsabyi htumbyen hta shi kabye shup nga ai.

SHINGRAN 11:18

masha amyu ni n-yun bu nna, na a sindawng pawt ai dan pru ra ai; si ai ni hpe tara dara nna, na a shangun ma myihtoi ni hpe mung, na a chyoi pra ai ni hpe mung, na a mying nsang hpe hkrit hkungga ai kaji kaba ni hpe mung, shabrai htang jaw na hte, lamu ga jahten shabyak kau ai ni hpe bai jahten shabyak kau na nhtoi du ra ai law,” nga nna shakawn nga ma ai.

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 10:24

Dai re ai majaw, Zaw nawng zaw wa up ai Madu Yehowa gaw, Ziun bum e shanu nga ai nye a amyu e, Asuri wa gaw ri tawng hte nang hpe kayat nna, Egutu masha ni zawn ri numdu hte adup timung, shi hpe hkum hkrit et:

SHAKAWN KUNGDAWN 83:11

Shanhte a salang ni hpe Oreb yan Zeeb, Shanhte a du ni nlang Zeba yan Zalumuna hpe zawn, shatai u.

SHAKAWN KUNGDAWN 35:23

Nye a Karai Kasang hte Madu e, ngai hpe tara dara na hte ngai hpe jeyang ya na nga, na hkum hpe jasu nna rawt u.

ESAIA 30:31

Kaning rai nme law, Yehowa a nsen majaw Asuri wa gaw mak mat na ra ai; hkawn hte adup ai mung hkrum na ra ai.

ESAIA 9:3

Kaning rai nme law, shi shanhte hpe hpai shangun ai kandang, shanhte hpe adup ai hkawn hte, hpareng wa a ri hpe, Midian lakhtak e byin ai zawn, nang agrawp kau nu ai.

ESAIA 30:30

Yehowa mung shi a daru magam nsen dat dat nna, pawt sindawng ai, wan hkru ai, nbung bung ai, laru ru ai, sin marang hte shi a lahpum shada na ra ai.

ESAIA 30:32

Yehowa gaw san da ai hkawn hte, shi hpe kayat hkra shagu, shupsheng, tingse mahku ngoi na ra ai; hpyen shani e, shada ai lahpum hte, shi hpe hpyen gasat na ra ai.