ESAIA 10:22 - Jinghpaw Hanson Version Bible

²² Israela amyu e, na a masha ni gaw nammukdara zaibru daram law nga timung, madat dingsat chyu sha nhtang wa na ra ai: dinghpring ai hte tawn da sai dawdan ai lam dik wa na ra ai.

Jinghpaw Common Language Bible 2009

²² Israela amyu masha ni gaw ya rai tim panglai hkin-gau na zaibru tum ni daram law htam nga ma ti mung, ngam ai loi mi chyu sha nhtang wa na mara ai. Sharun jahten ai gaw amyu masha ni a matu mahkawng da ya nga ai, dai gaw hpring tup hkra hkam la lu na mara ai.

ESAIA 10:22 ပူးပေါင်းရင်းမြစ်များ

NINGPAWT NINGHPANG 18:25

dinghpring ai ni hpe n shawp ai ni hte rau sat kau na hte, dinghpring ai ni hpe n shawp ai ni e zawn jahkrum na gaw nang hte tsan nga u ga; rai sa, dai gaw nang hte tsan nga u ga: ga ntsa ting a Tara agyi wa gaw dingman ai hku galaw na n rai ni?” Ngu nna tsun wu ai.

1 HKAWHKAM 4:20

Ya Yuda hte Israela amyu masha ni gaw, nammukdara makau na zaibru zawn law ma ai hte, lu lu sha sha let pyaw pyaw nga ma ai.

2 HKAWHKAM 19:31

kaning rai nme law, naw ngam nga ai ni Yerusalem mare kaw na, tsin-yam lawt ai ni Ziun bum kaw na, pru wa na mara ai:

ESAIA 37:31

Tsin-yam lawt ai Yuda dap lakung ni mung, ru bai jung nna, asi si kung dam wa na mara ai:

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

ESAIA 48:19

na a aru arat ni zaibru zawn, na a kashu kasha ni gaw hka kau na lung sha zawn tai wa na mara ai: shi a amying gaw nye a man e shamyit kau ai hte htum mat hkrum na n rai.

ESAIA 59:20

Ziun hpang de mung, tara tawt lai ai kaw na myit kayin ai Yaku a amyu masha ni hpang de mung, Hkye hkrang la ai Madu du na ra ai, nga nna Yehowa tsun ai.

ESAIA 6:11

Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 60:22

Ma kaji langai mi gaw, masha hkying mi, grau kaji ai wa gaw, n-gun atsam rawng ai amyu, tai na ra ai: ngai Yehowa gaw aten du jang, dai hpe shadut na nngai.

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

ESAIA 8:8

Yuda mung du hkra dep nhtawm, dai hpe mung lwi ka-up nna, adu du hkra dep na ra ai: Emanuela e, de a singkaw ni kahpyen dat nna, na a mung ting ka-up nga na ra ai law,” nga ai.

YEREMIA 3:14

Htak mat ai ma ni e, bai wa marit, nga nna Yehowa tsun ai: ngai gaw nanhte a madu nan rai nga nngai; ngai gaw mare mi hta na langai mi, htinggaw mi hta na lahkawng, lata la nna, Ziun mare de woi wa na nngai.

YEREMIA 44:28

Dai rai nna, ri nhtu na hprawng lawt ai ni hkrai, Egutu mung nna Yuda mung de nhtang wa lu na mara ai: shanhte mung law na n rai; shing rai, nye a ga mahtang, shanhte a ga mahtang, grin nga na kun? Egutu mung de sa shingbyi ai, naw ngam nga ai Yuda masha ni yawng, chye lu na mara ai.

Daniela 9:27

Bai shi gaw, nhtoi bat mi e, masha law law hte ngang ai ga shaka tawn da nna, dai bat mi a ka-ang shani e, hkungga nawng ya ai hte shadung kumhpa hpe, hkum kau na ra ai: jahten shabyak kau ai wa langai mi, matsat shabat re ai singkaw hta pyen du timung, aten du jang, san tawn da ai ari hte, pawt sindawng ai gaw, jahten shabyak kau ai wa a ntsa e ru bun na ra ai,” nga nna ngai hpe tsun ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

ROMA 2:5

Gaja wa, na a ja la ai hte malai n lu ai myit majaw, Karai Kasang a pawt bu ngu ai, dingman ai tara dara na dan pru ai nhtoi e hkam na madawng hpe, nang mahkawng da ndai.

SHINGRAN 20:8

lamu ga njut mali na Goga hte Magoga ngu ai masha amyu baw ni hpe hkalem la nna, majan gasat na matu jahpawng la na, pru sa wa na ra ai; shanhte a nambat gaw nammukdara zaibru daram law nga ai.