ESAIA 10:20 - Jinghpaw Hanson Version Bible

²⁰ Dai shani kaw nna naw ngam nga ai Israela masha ni hte, lawt lu ai Yaku a masha ni gaw shanhte hpe zingri ai wa hta bai n shamyet nga ai sha, kangka re ai myit hte, Israela Chyoi pra ai Wa Yehowa hta shamyet shanat nga na mara ai.

Jinghpaw Common Language Bible 2009

²⁰ Naw ngam nga ai Israela amyu masha ni gaw shanhte hpe ganoi jahten kau sai amyu baw a ntsa e loi mi mung shamyet shanat n ra ai aten du wa nga sai. Shanhte gaw dai Madu Israela a chyoi pra ai Karai Kasang hpe kam hpa wa na mara ai.

ESAIA 10:20 ပူးပေါင်းရင်းမြစ်များ

2 HKAWHKAM 16:7

Shing rai Ahaza gaw Asuri hkawhkam Tiglat-pilese hpang de kasa shangun dat nna, “Ngai gaw na a mayam, na a nsha rai nga nngai: lung rit, ngai hpe majan galaw ai Suri hkawhkam hte Israela hkawhkam a lata na ngai hpe mawai la e,” ngu nna hpyi wu ai.

2 HKAWHKAM 19:31

kaning rai nme law, naw ngam nga ai ni Yerusalem mare kaw na, tsin-yam lawt ai ni Ziun bum kaw na, pru wa na mara ai:

2 HKAWHKAM LABAU 14:11

Dai rai nna Yehowa gaw Hkusha masha ni hpe Asa hte Yuda masha ni a man e ari jaw nna, shanhte htaw mat wa ma ai.

2 HKAWHKAM LABAU 28:16

Dai aten e hkawhkam Ahaza gaw, shi hpe sa karum na matu, Asuri hkawhkam ni hpang de kasa shangun dat wu ai.

2 HKAWHKAM LABAU 28:20

Asuri hkawhkam Tiglat-pilnese shi kaw sa du timung, shi hpe karum ai n rai, garu na sharu shatsang wu ai.

EZRA 9:14

na a hkang dat ai ga hpe anhte bai tawt lai nna, matsat shabat lam hkan nang ai amyu ni a amu hpe bai hkan galaw yang, langai mi pyi n ngam n lawt hkra, anhte hpe ari jaw na n rai ni?

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

YEREMIA 3:23

Gaja wa, kawng ni hte bum ni a wu ngoi ai gaw, kaman lila rai nga ai: gaja wa, anhte a Karai Kasang Yehowa gaw, Israela amyu hpe hkye hkrang la ai lam rai nga ai.

YEREMIA 44:14

Egutu mung hta sa shingbyi nga ai, ngam nga ai Yuda masha ni gaw, Yuda mung de bai nhtang wa mayu timung, langai mi muk tsin-yam lawt ai hte nhtang wa lu na n rai: hprawng lawt lu ai wa sha, nhtang wa lu na re ai, nga ai.

HOSEA 14:3

Asuri hkawhkam anhte hpe hkye hkrang la lu ai n rai; anhte gumra jawn na ga ai n rai: tinang a lata hte galaw ai arai hpe, ‘Nanhte gaw, anhte a hpara ni rai nga myit dai,’ nga nna htawm hpang de n tsun na saga ai: kaning rai nme law, chyahkrai nmai ni, nang hta chyu sha, matsan dum ai lu la na mara ai, ngu nna sa tsun mu.”

HOSEA 5:13

Ya Ehprim gaw tinang a ana ahkya hpe, Yuda gaw tinang a nma hpe mu jang, Ehprim gaw Asuri mung de sa nna, Yuda gaw hkawhkam Yarib hpe shaga wu ai: shi chyawm gaw, nan hpe shamai ya lu ai, n rai, nan a nma hpe kapa ya lu ai, n rai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.