ESAIA 10:2 - Jinghpaw Hanson Version Bible

² n teng n man ai tara tawn da ai ni hte, myit magaw ai laika ka da ai chyare ni gaw, dingnye lu ma ai.

Jinghpaw Common Language Bible 2009

² Dai re ai majaw she, nanhte gaw matsan mayan masha ni lu la ang ai ahkaw ahkang hte teng man rap ra ai tara lu la na hpe hkum pat da nga myit dai. Nanhte gaw gaida gaina ni hte jahkrai nmai ni madu da ai sut gan ni hpe la kau ya nga myit dai.

ESAIA 10:2 ပူးပေါင်းရင်းမြစ်များ

YOBA 31:16

Ngai gaw matsan chyaren ai ni a marit ai hku hkum da nna, gaida jan a myi man jasum kau ya yu nni?

SHAKAWN KUNGDAWN 94:6

Gaida jan hte masha tsasam wa hpe shanhte sat kau nna, Jahkrai ma ni hpe htau kau mu ai.

PRU MAT 23:6

Nang hta matsan mayan re ai wa amu rawng yang, n ding n man ai hku nang hparan ya lu na n rai.

GA SHAGAWP 22:22

Matsan mayan ai wa gaw, matsan nga ai hpe yu rip nna shi a arung arai hpe hkum kashun la et; Mare chyinghka e dung ai nni nkri hkrum ai wa hpe mung, hkum zingri et.

GA SHAGAWP 30:14

Matsan mayan ni hpe ga ntsa na mung, Kawsi hpang kara hkrum ai ni hpe shinggyim masha ni hta na mung, shatsai kau lu hkra, Ntawng nhtu hte bung ai kawng, Nhkyi hte bung ai wa tu ai masha amyu, rai nga a hka!

ESAIA 1:17

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 29:21

tara lam manai nna, chyinghka lam e sa shawk ai wa hpe mahkam hkam ai hte, dinghpring ai wa hpe pagawn gang kau let, n hkru n hkra galaw maw ai ni yawng, shamyit kau ai hkrum ma ai.

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 3:15

nye a amyu masha ni hpe adip arip di kau nna, matsan mayan ni hpe myi man jasum ai gaw, hpa majaw rai ta? nga nna Zaw nawng zaw wa up ai, Madu Yehowa tsun nga ai.

ESAIA 32:6

Kaning rai nme law, mana ai wa gaw, matsa mawa ga hte Yehowa hpe ga hku shut kau na matu mung, kawsi hkrum ai ni, grau kawsi kyet na hte, hpang kara hkrum ai ni ntsin n lu lu na matu mung, mana ga tsun nna n kaja ai hpaji daw na ra ai.

ESAIA 5:23

tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 59:15

Gaja wa, tengman ai ga n nga ai; shut hpyit ai hpe koi mayu ai wa gaw, kashun kashe hkrum na ra ai. Shaloi Yehowa dai lam hpe mu nna, tengman ai tara n nga ai majaw, myit n pyaw nga ai.

SHARUNG SHAYAWT 3:35

Masha hkrum ging ai tara hpe, Tsaw htum ai wa a man e sharun kau na mung,

EZEKELA 22:7

Na a ka-ang e kanu kawa hpe n kaw n law di kau ma ai; malet nhprang manam ni hpe adip arip di ma ai; chyahkrai nmai hte gaida gaina ni hpe maw sha ma ai.

AMO LAIKA (AMOS) 2:6

Yehowa ning nga ai: Israela a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw, dinghpring ai wa hpe gumhpraw hte, matsan mayan wa hpe kyepdin man mi hte, dut kau ma ai;

AMO LAIKA (AMOS) 2:7

shanhte gaw matsan mayan ni a baw hpe, ga nhpu hte magap kau na ndawt nga nna, sumnung ai ni a lam hpe shanut kau ma ai; nye a chyoi pra ai amying ningsang awu asin hkrum hkra, kawa hte kasha gaw mahkawn langai sha hte jawm kanawn ma ai:

AMO LAIKA (AMOS) 5:19

Masha gaw hkanghkyi hprawng nna, tsap hkrum ai zawn, nta nhku de shang nna, shakum hta shamyet yang, lapu kawa hkrum ai zawn, tai na ra ai.

MIHKA 3:1

Bai ngai gaw, Yaku a du ni hte, Israela dap na agyi salang ni e, madat mara mu: nanhte gaw tara malang ai hku chye mai ai, n rai myit ni?

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 23:13

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw masha ni a man e, sumsing lamu a mungdan lam hpe pat da mu ai: nanhte nan n shang myit dai hte, shang wa ai ni, shang na pyi, n hkraw myit dai.