ESAIA 10:17 - Jinghpaw Hanson Version Bible

¹⁷ Israela amyu a nhtoi gaw, awan, shi a Chyoi pra ai wa gaw, wan shinglet tai na ra ai: dai gaw lani mi hta sha, dai hkawhkam wa a ju hpun ni hte tsing hpe hkru nna,

Jinghpaw Common Language Bible 2009

¹⁷ Karai Kasang, Israela a nhtoi gaw wan tai na ra ai. Israela a chyoi pra ai Karai Kasang gaw wan shinglet tai na ra ai, dai gaw lani mi hta sha arai shagu hte hpe hkru kau na ra ai, ju hpun ni hte sumwum ni hpe pyi hkru kau na ra ai.

ESAIA 10:17 ပူးပေါင်းရင်းမြစ်များ

ESAIA 27:4

Ngai pawt ni ai, n rai; tsing hte ju hpun ni ngai hpe daw n ga lè; ngai dai ni hpe alawan htim nna, rau nat kau na we ai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

YEREMIA 7:20

“Dai re ai majaw, Madu Yehowa ning nga ai: Yu u, ndai shara ntsa e mung, masha hte yamnga ntsa e mung, pa ga na hpun ni hte yi hkauna nsi naisi a ntsa e mung, nye a pawt sindawng ai hte myit kahtet ai hpe ngai ru dat nna, dai gaw n krip ai, hkru nga na ra ai.”

YEREMIA 4:4

Yuda hte Yerusalem masha ni e, Yehowa matu mara tinang dai matu gadoi hkam mu; nanhte a myit masin a hpyi magap hpe hkoi kau mu; shing n rai, nanhte a n hkru n hkra ai amu majaw, nye a pawt sindawng ai gaw wan zawn pru nna, kadai n sat lu hkra hkru na ra ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

BU HKAWM 16:35

Lawban nat nawng ai masha ni tsa e manga shi hpe mung, Yehowa kaw na wan pru nna hkru kau mu ai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

HEBRE 12:29

kaning rai nme law, anhte a Karai Kasang gaw, hkru wa ai wan rai nga ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

ESAIA 60:19

Shani e nang hta htoi ai nhtoi gaw, ya kaw nna jan a nhtoi n rai; shata a htoi kabrim ai mung, nang hpe htoi ya na n rai: kaning rai nme law, Yehowa gaw na a matu htani htana nhtoi, na a Karai Kasang gaw na a arawng sadang, tai na ra ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 31:9

Shi a lunghkrung gaw hkrit kajawng ai hte hten mat nna, dawnghkawn hpe mu ai majaw, shi a hpyen du ni myit htum na mara ai,” nga nna Ziun bum e wan shagrung nna, Yerusalem mare hta wan htung tawn da ai Yehowa tsun nga ai.

ESAIA 9:18

Zaw nawng zaw wa up ai Yehowa a pawt sindawng ai a majaw, mungdan gaw hkat mat wa nna, mung masha ni gaw wan shat zawn rai nga ma ai: kadai mung tinang kahpu kanau wa hpe pyi n lahpawt ma ai.

SHAKAWN KUNGDAWN 97:3

Shi a man e wan hkawm nga nna, Shi a grup yin hkan na hpyen ni hpe hkru kau mu ai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

SHAKAWN KUNGDAWN 50:3

Anhte a Karai Kasang du ra ai rai nna, Shi atsin sha nga nga lu ai n rai; Shi a man e wan a hkru nga nna, Shi a grup yin e laru kaba ru nga ai.

SHAKAWN KUNGDAWN 27:1

Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 21:9

Na a myi man madun dan ai ahkying hta e, Nang shanhte hpe wan htung zawn shatai na maru ai; Yehowa gaw shi a masin pawt ai hte shanhte hpe mayu kau nna, Wan mung shanhte hpe hkru kau na maru ai.

SHAKAWN KUNGDAWN 18:8

Shi a ladi hta wan nhkut pru nna, Shi a n-gup na, wan hkru nga ai: Grung ai wan n-ga dai hta grung nga ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 27:7

Shan hpe adup kau ai ni, adup kau ai hkrum ai hte maren, shan gaw adup kau ai hkrum ma sani? shan hpe sat kau ai ni, sat kau hkrum ai hte maren, shan sat kau hkrum ma sani?

ESAIA 30:33

Kaning rai nme law, moi chyaloi nhkoi kaw nna, Tohpet shara hpajang da sai; gaja wa, hkawhkam wa a matu lajang da sai; dai shara hpe sung ai hte dam lada di nu ai; de a sumpum gaw wan hte hpun law law rai nga ai: Yehowa a nsoi nsa gaw, byawng mat ai kan zawn, dai hpe shachyi na ra ai.

ESAIA 31:1

Israela a Chyoi pra ai wa hpe n mada ai hte, Yehowa hpe n tam ai sha, hpyen karum la na matu, Egutu mung de yu wa nna, law la ai gumra ni hte hpyen leng ni hpe mung, n-gun grai ja ai gumra jawn ai ni hpe mung, shamyet shanat nga ai ni gaw, dingnye lu ma ai.

ESAIA 33:12

Masha amyu ni gaw ju ai namhtun lung hte, hkyen nat kau ai ju hpun zawn, rai na mara ai.

ESAIA 47:14

Shanhte yi hku zawn tai nna, nat kau ai hkrum na mara ai; shanhte nan tinang hkum hpe wan hta na gare la lu na, n rai: wan kra na matu wan n-ga mung, lum na matu wan nhtaw mung, ngam nga lu na, n rai.

ZEHKARIA 12:6

“Dai aten e ngai gaw, Yuda du ni hpe, hpun sumpum kata e rawng ai wan htung hte, hkauling ka-ang na wan shanan zawn, shatai na nngai: shanhte gaw pai, hkra, grup yin e nga ai masha amyu ni mahkra hpe hkru kau na mara ai: Yerusalem masha ni chyawm gaw tinang a buga ngu ai, Yerusalem mare hta, naw a shanu nga na mara ai.

TARA JAHPRANG 4:24

Kaning rai nme law, nanhte a Karai Kasang Yehowa gaw grung nga ai wan, nsu nnawn loi ai Karai Kasang rai nga ai.

ZEHPANI 1:18

Yehowa a sindawng kahtet ai nhtoi hta, shanhte a ja gum hpraw gaw, shanhte hpe mawai la lu na n rai; shi n-yun bu ai wan gaw, mung ting hpe hkru kau na ra ai: kaning rai nme law, shi gaw mung masha ni mahkra hpe alawan shamyit kau na ra ai.