ESAIA 10:14 - Jinghpaw Hanson Version Bible

¹⁴ U tsip mu ai zawn, nye a lata gaw amyu masha ni a aja gumhpraw hpe mu hkrup sai: kau da ai udi magawn la ai zawn, ngai gaw mungkan ting hpe magawn la nngai: singkaw shamu ai mung, n-gup mahka nna jawp ai mung, langai mi muk n nga ai,” nga ai.

Jinghpaw Common Language Bible 2009

¹⁴ Mungkan ga na masha amyu baw ni gaw u tsip langai hte bung nga ai, ngai gaw udi ni hpe aloi sha hkan magawn la lu ai zawn shanhte a sut gan ni hpe magawn la nngai. Ngai hpe jahkrit shama na singkaw langai mi mung n kahprap lu nga ai, ngai marawn kyek bun na n-gup kadai n hpaw mahka lu nga ai!,” nga nna shakawng nga ai.

ESAIA 10:14 ပူးပေါင်းရင်းမြစ်များ

2 HKAWHKAM LABAU 32:13

Ngai hte nye a ji wa ni gaw, mung shagu a amyu ni hpe kaning rai galaw ai lam nanhte n chye nga myit ni? Maigan amyu ni a Hpara ni gaw, tinang a mung ni hpe, nye a lata na hkye mawai la lu na n-gun, rawng nga ma ni?

YOBA 31:25

ngai sut su nna, nye lata law law mahkawng da lu ai majaw, ngai kabu gara nga nna,

GA SHAGAWP 18:12

Hten byak ai a shawng e myit tsaw myit dap ai, Arawng sadang a shawng e myit nem ai, rai nga ai.

ESAIA 14:6

masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 37:25

Ngai gaw hka htung htu nna lu lu nngai; nye a lagaw lahpan hte Egutu mung na hka nu hka shi yawng shahkyet kau na we ai, nga nna nang tsun hkrup nu hka.

ESAIA 5:8

Tinang ni hkrai lamu ga ka-ang e dè nga nna, man ai shara n nga lu hkra, nta mi hte nta mi, hkauna mi hte hkauna mi matut la ai ni gaw, dingnye lu ma ai.

YEREMIA 49:16

Lungpu hta rawng nna, bum pungding e machyu ai wa e, nang hkrit mai ai wa rai nga timung, na a gumrawng ai myit nang hpe hkalem kau nit dai: langda zawn tsaw ai shara e nang tsip tsip timung, dai kaw nna ngai nang hpe shayu kau na de ai,” nga nna Yehowa tsun ai.

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

OBEDIA 1:4

Langda hte maren nang tsaw nga nna, shagan ni a lapran e na a tsip tsip lu timung, dai kaw nna ngai nang hpe jahkrat kau na de ai, nga nna Yehowa tsun ai.

NAHUM 2:9

Aja hpe kashun la mu. Gumhpraw hpe kashun la mu: mahkawng da ai sutgan hte, reng htum ai arung arai n ma hkraw nga ai.