ESAIA 10:13 - Jinghpaw Hanson Version Bible

¹³ Kaning rai nme law, shi gaw, “Nye a lata a n-gun, nye a hpaji hte, ndai ngai galaw se ai; ngai mahtang nyan rawng nngai; masha amyu ni a lamu ga jarit ngai sit kau nna, shanhte a arung arai hpe ngai kashun la nngai; share ninghkrin wa zawn, tingnyang hta dung ai ni hpe ngai shayu kau nngai.

Jinghpaw Common Language Bible 2009

¹³ Asuri hkawseng wa gaw, “Ngai gaw dai lam yawng hpe ngai hkum nan galaw se ai. Ngai gaw n-gun ja ai hte hpaji rawng nna myit let nga nngai. Ngai gaw masha amyu ni a lamu ga jarit ni hpe sit kau nna shanhte kyem mahkawng da ai arung arai ni hpe kashun la ni ai. Dai shara hkan shanu nga ai amyu masha ni hpe dumsu usu langai zawn kabye anut kau ni ai.

ESAIA 10:13 ပူးပေါင်းရင်းမြစ်များ

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

2 HKAWHKAM 16:8

Dai hta kaga Ahaza gaw, Yehowa a nta hte hkawhkam htingnu na sutdek hta rawng ai aja gumhpraw mung la wa nna, Suri hkawhkam hpang de kumhpa shagun dat wu ai.

2 HKAWHKAM 17:24

Ya Asuri hkawhkam gaw, Babelon, Hkuhta, Awa, Hamat hte Sehparim masha ni hpe woi wa nna, Israela masha ni a malai, shanhte hpe Samari mare ni hta nga shangun mu ai; shanhte gaw Samari mung hpe up nga nna, de a mare ni hta nga nga ma ai.

2 HKAWHKAM 17:6

Hoshea hkaw dung ai jahku ning hta e, Asuri hkawhkam gaw Samari mare hpe lu la nna, Israela masha ni hpe Asuri mung de bawng rim wa ai hte, shanhte hpe Hala shara e, Gozan hka makau na Habora ginwang hte, Mede masha ni a mare ni hta nga shangun mu ai.

2 HKAWHKAM 18:11

Shing rai Asuri hkawhkam gaw Israela masha ni hpe Asuri mung de bawng rim wa nna, Hala shara de, Gozan hka makau na Habora ginwang hte, Mede masha ni a mare ni hta nga shangun mu ai:

2 HKAWHKAM 18:15

Shing rai Hezekia gaw Yehowa nta hte hkawhkam htingnu a sutdek hta rawng ai gumhpraw mahkra hte wa wu ai.

2 HKAWHKAM 18:32

langai hte langai tinang a tsabyi ru hte tsanlun hpun hta na sha nna, tinang a hka htung na ntsin lu nga mu: Yehowa gaw anhte hpe hkye mawai la na ra ai, nga nna Hezekia nanhte hpe hkalau yang, hkum madat nga myit.

1 HKAWHKAM LABAU 5:26

Dai rai nna Israela Karai Kasang gaw Asuri hkawhkam Pula hte Tilgat-pilnese yan a myit hpe sharawt ya wu ai rai nna, Tilgat-pilnese gaw Rubin amyu Gad amyu, Manashe amyu chyen mi hpe bawng rim wa nna, shanhte hpe dai ni du hkra, Hala, Habora, Hara hte Gozan hka kau e bawng dung shangun mu ai.

GA SHAGAWP 28:11

Sut su ai wa gaw, “Ngai hpaji rawng nngai,” nga nna myit timung, Nyan rawng ai matsan mayan wa gaw, shi hpe sawk yu na ra ai.

ESAIA 10:8

Kaning rai nme law, shi gaw, Nye a hpyen du ni yawng, hkawhkam rai masai, n rai ni?

ESAIA 5:21

Ngai hpaji rawng nngai, nga nna myit ai ni hte, tinang hkum rai dum la ai ni gaw, dingnye lu ma ai.

YEREMIA 46:8

Egutu mung gaw Nila hka zawn tung rawt nna, de a hka hpung ni hka nu hpungtun zawn kaboi nga ai: dai rai nna shi gaw, Ngai rawt nna lamu ga hpe lim ka-up kau na nngai; ngai gaw mare ni hte hpawn, mare masha ni hpe shaza kau na nngai, nga ai.

YEREMIA 48:14

Anhte gaw n-gun ja ai ni, hpyen gasat lu ai share ni rai nga ga ai, nga nna nanhte kaning rai tsun lu na myit ta?

EZEKELA 25:3

Ammon a kashu kasha ni hpe ning ngu u; ‘Madu Yehowa a ga madat mara mu; Madu Yehowa ning nga ai: Nang gaw, awu asin hkrum ai, nye a chyoi pra ai shara hpe mung, masha shingran katsi mat ai, Israela mungdan hpe mung, bawng dung hkrum ai Yuda amyu hpe mung, ‘Aha,’ nga nna tsun ndai majaw,

EZEKELA 26:2

“Masha kasha e, Turu mare gaw, ‘Aha, mungdan ni a chyinghka nga ai, Yerusalem mare gaw daw mat sai; ngai shang na matu hpaw malang nga ai; dai mare gaw, ya katsi katsang rai nga ai rai nna, ngai sut su na nngai,’ nga nna tsun ai majaw,

EZEKELA 29:3

‘Madu Yehowa ning nga ai: Nila hka ka-ang e hpum nga nna, Nila hka gaw nye a hka rai nga li ai, ngai nan dai hpe nye a matu hpan da ni ai, nga nna tsun ai, baren kaba ngu ai, Egutu hkawhkam Hpara-u e, ngai nang hpe hkap daw na nngai.

EZEKELA 35:13

Nanhte gaw nanhte a n-gup hte nye a lam ga kaba tsun nna, nye a man e gumrawng grang nga myit dai: ngai dai lam na ni ai.

Daniela 4:27

Dai re ai majaw hkawhkam wa e, nye a ga hkap la u; na a yubak kau da nna dinghpring ai amu galaw u; matsan mayan ni hpe matsan dum let, shut hpyit ai hpe koi kau u: shing rai yang, nang sutgan naw ga lu dam nhten,” ngu wu ai.

Daniela 4:30

“Ndai mare gaw nye a mungdan daju tai nga nna, nye a hpung shingkang dan hkung na matu, nye a hpung shingkang hte ngai de da ai, galu kaba ai Babelon mare rai nga ai, n rai ni?” nga nna tsun ai.

AMO LAIKA (AMOS) 5:27

Dai re ai majaw, Damasku mare tawt hkra, ngai nanhte hpe bawng dung sa shangun na nngai, nga nna Zaw nawng zaw wa up ai, Karai Kasang a mying shingteng mying ai, Yehowa tsun nga ai.

AMO LAIKA (AMOS) 6:13

nanhte gaw hpa n re ai hta kabu nna, Anhte gaw, tinang n-gun hte nrung shatut lu ga ai, nga nna grang dakat myit dai.

HABAKU 1:11

Dai hpang nbung zawn, shi lai mat nna, hkoi mat na ra ai: tinang a n-gun hpe hpara shatai ai wa gaw, mara kap nga ai.

HABAKU 1:16

Dai re ai majaw, shi a sumgawn hpe, shi hkungga nawng ya nna, shi a byek matu, manam pyaw ai baw nat nawng ya ai: kaning rai nme law, de a majaw shi sutgan lu nna, hkru hkru kat kat sha lu nga ai.

HABAKU 2:6

Shanhte nlang hte gaw, shi a lam ga shadawn hku tsun nna, shatan nhkan gumwai ga shapraw let, Tinang a n re ai sutgan mahkawng da nna, tinang a ntsa e ru hka shalaw ai wa gaw, dingnye lu u ga: gaten du hkra dai zawn nga nga na kun? nga nna tsun na ma ai, n rai ni?

TARA JAHPRANG 8:17

Nye a marai nye a atsam hte ndai sutgan ngai lu nngai, nga nna na a kraw kata e myit kau ai yubak n pru lit ga sadi nga u.

TARA AGYI 7:2

Shaloi Yehowa Gidon hpe, “Nang hte rau nga ai masha ni nau law ma ai; shanhte a lata hta Midian masha ni hpe ngai n ap lu na nngai; ap ya jang, Nye a lata nan ngai hpe hkye la ni ai, nga nna Israela amyu nye a man e grang na ra ai.