ESAIA 10:12 - Jinghpaw Hanson Version Bible

¹² Dai re ai majaw, Madu gaw, Ziun bum hte Yerusalem ntsa e, shi a magam bungli mahkra hpe shangut nhtawm, Asuri hkawhkam a gumrawng gumtawng ai myit hte, grang nna dap mada ai myi man hpe, ngai kawan katsan yu na we ai.

Jinghpaw Common Language Bible 2009

¹² Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 10:12 ပူးပေါင်းရင်းမြစ်များ

2 HKAWHKAM 19:31

kaning rai nme law, naw ngam nga ai ni Yerusalem mare kaw na, tsin-yam lawt ai ni Ziun bum kaw na, pru wa na mara ai:

SHAKAWN KUNGDAWN 18:27

Ru tsang hkrum ai amyu hpe nang hkye la nna, Gumrawng ai myi man hpe shagrit kau ndai.

SHAKAWN KUNGDAWN 21:10

Dinghta ga na, shanhte a arung arai, Shinggyim masha ni hta na, shanhte a aru arat hpe, nang shamyit kau na maru ai.

SHAKAWN KUNGDAWN 76:10

Gaja wa, na a masin pawt ai daw mi sha, Nang shingkyit zawn kyit nga yang, Masha wa a masin pawt ai gaw, Nang hpe shakawn kungdawn na ra ai.

SHAKAWN KUNGDAWN 76:5

Nden ja ai ni hten byak re ai hkrum sha nna, Ndum shami yup taw nga ma ai; N-gun ja ai ni tinang a lata hpe pyi, n dum ma ai.

GA SHAGAWP 21:4

Tsaw dap ai myi man, gumrawng ai myit masin, tara n lang ai ni a pyengdin pyi, yubak rai nga ai.

GA SHAGAWP 30:13

Grai wa gumrawng gumtawng nna, Myit tsaw myit dap ai hte grang nga ai masha amyu;

ESAIA 2:11

Gumrawng gumtawng ai wa gaw, shagrit kau ai, myit kaba ai wa gaw, shanem kau ai, hkrum nna, Yehowa shi chyu sha, dai shani e shagrau sha-a ai hkrum na ra ai.

ESAIA 2:12

Kaning rai nme law, myit kaba nna gumrawng gumtawng re ai ni mahkra a ntsa e mung, rai la dum ai ni nlang hte a ntsa e mung,

ESAIA 24:21

Dai shani e Yehowa gaw, matsaw ntsang na zaw nawng zaw wa hpe, tsaw ai shara hta, ga ntsa hkawhkam ni hpe, ga ntsa e, kawan katsan yu na ra ai.

ESAIA 27:7

Shan hpe adup kau ai ni, adup kau ai hkrum ai hte maren, shan gaw adup kau ai hkrum ma sani? shan hpe sat kau ai ni, sat kau hkrum ai hte maren, shan sat kau hkrum ma sani?

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 29:14

yu u, ndai amyu a ka-ang e ngai mauhpa amu galaw nna, gaja wa, mauhpa amu hte lamik kumla shachyen na nngai: shanhte a hpaji rawng ai ni a hpaji byeng-ya hten mat nna, shanhte a myit su ai ni a nyan, makoi mat ai hkrum na ra ai,” nga nna Madu Yehowa tsun ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 37:29

Nang ngai hpe n-yun bu ai hte na a gumrawng gumtawng ga nye na hta e shang sai majaw, ngai nang hpe lashoi shoi nna runghtung dat nhtawm, nang du sa ai lam hku bai nhtang wa shangun na de ai.

ESAIA 5:15

Shing rai hpa n hkaw ai ni gum dagup ai, arawng lu ai ni shagrit kau ai, myit kaba ai ni myi man sum ai, hkrum na ma ai.

ESAIA 50:11

Wan shachyi nna, tinang hkum hpe wan n-yang hte shinggrup ai ni mahkra e, nanhte a wan shinglet hta mung, nanhte wut ai wan n-yang ni hta mung, hkawm nga mu. Nye a lata na nanhte hkam la ai lam chyawm gaw, da ndai rai nga ai: nanhte yawn hkyen let, yup kaleng wa na marin dai.

ESAIA 65:7

gaja wa, nanhte a shut hpyit ai hte hpawn, bum ntsa e lawban nat nna, kawng ni a ntsa e ngai hpe shatan nhkan ai, nji nwa ni a shut hpyit ai hpe mung, ngai nanhte a lahpyen hta tai na nngai: shing rai ngai gaw, shanhte a arawn alai hte maren, shanhte a lahpyen hta shawng hteng ya na nngai,” nga nna Yehowa tsun ai.

ESAIA 9:9

nga nna gumrawng ai hte myit kaba let, ga tsun ai Ehprim amyu hte, Samari masha ni nlang hte gaw, dum chye lu na mara ai.

YEREMIA 25:29

nye a amying mying ai mare hpe ngai ari jaw hpang yang, nanhte gaja wa lawt lu na myit ni? nanhte lawt lu na n rai; ga ntsa ting hta nga ai ni mahkra ntsa e, ngai nhtu shapraw na nngai, nga nna Zaw nawng zaw wa up ai Yehowa tsun ai, ngu nna shanhte hpe htawn tsun mu.

YEREMIA 50:18

Dai re ai majaw, Israela Karai Kasang Zaw nawng zaw wa up ai Yehowa ning nga ai: yu mu, ngai gaw Asuri hkawhkam hpe ari jaw ai zawn, Babelon hkawhkam hte shi a mungdan hpe ari jaw na nngai.

YEREMIA 50:32

Myit kaba ai wa gaw kadawng taw nna, shi hpe sharawt ai wa kadai n nga ai: ngai gaw shi a mare ni hpe wan nat nna, shi grup yin e nga ai ni mahkra hpe hkru kau na ra ai,” nga ai.

EZEKELA 31:10

Dai re ai majaw Madu Yehowa ning nga ai: Shi gaw shing-yan tsaw ai hte, shi a ndung ni sumwi dep nna, shi myit kaba nga ai majaw,

EZEKELA 31:14

shing rai, hka e tu ai hpa hpun mung, tinang tsaw kaba ai majaw, n gumrawng na ra ai; tinang a ndung ni hpe sumwi de n shadep nna, hka majaw kaba wa ai daru magam wa kadai mung, tinang myit kaba ai hta tsap nga na n rai: kaning rai nme law, nlang hte gaw nsung hku de shang wa ai shinggyim kasha ni hte hpawn, lamu ga lawu tsang e, si hkrung si htan du hpang de yu wa na matu, ap kau ai hkrum masai.”

Daniela 11:45

Shi gaw, nammukdara hte reng htum nna chyoi pra ai bum lapran e, shi a htingnu sum ni hpe gap da na ra ai: rai timung, shi hpe karum ai wa kadai n nga ai rai nna, shi htum mat na ra ai.”

Daniela 4:37

Ya ngai Nebuhkadneza gaw, sumsing lamu na Hkawhkam wa hpe shakawn kungdawn, shagrau sha-a ai hte, hkungga lara rai nga nngai: shi galaw da ai yawng mayawng tengman nga nna, shi a lam ni dinghpring nga ai: shi gaw gumrawng gumtawng ai ni hpe shagrit kau lu nga ai, nga nna shara shagu mungga shabra dat wu ai.

BU HKAWM 24:24

Rai timung Hkitim zunlawng na sanghpaw li sa nna, Ashuri mung hte Ebera mung hpe hpya kau na maru ai: Shaloi shi mung htum mat ai hkrum na ra ai,” nga nna tsun ngut jang,

MAHTE 12:33

Dai hpun kaja nga ai hte, de a asi mung kaja nga ai, ngu mu: shing n rai, dai hpun n kaja nga ai hte, de a asi n kaja nga ai, ngu mu: kaning rai nme law, hpun hpe gaw tinang a asi hte chye ginhka lu ai.

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

TARA JAHPRANG 32:27

Shanhte hpe tsan tsan ga de ngai shabra kau nna, Masha amyu hta na kadai n dum hkra shamyit kau na, myit se ai.

1 PETRU 4:17

Kaning rai nme law, Karai Kasang a nta na ni hpe tara dara hpang na aten du ra ai: dai gaw anhte a ntsa e shawng ang pru wa yang gaw, Karai Kasang a kabu gara shiga hpe n madat mara ai ni a jahtum ai gaw, kaning rai na ra ai kun?