ESAIA 10:1 - Jinghpaw Hanson Version Bible

¹ Matsan mayan ni hpe sum shangun nna, nni nkri hkrum ai, nye a amyu masha ni hpe, map sha maw sha ai hte, gaida gaina ni hpe lanep shatai let, chyahkrai nmai ma ni a sutgan kashun la lu hkra,

Jinghpaw Common Language Bible 2009

¹ Nanhte gaw dingnye hkrum nga myit dai! Nanhte gaw n teng n man ai tara ni hpe galaw shapraw nna nye a amyu masha ni hpe dip gamyet da nga myit dai.

ESAIA 10:1 ပူးပေါင်းရင်းမြစ်များ

1 HKAWHKAM 21:13

Shaloi dai n hkru ai masha lahkawng gaw Nabot a man e sa dung nna, shan gaw mung masha ni a man e, “Nabot gaw Karai Kasang hpe mung, hkawhkam wa hpe mung matsa kau wu ai,” nga nna shi a lam sakse hkam ma ai. Dai hpang, dai mare de na shi hpe shapraw nhtawm, nlung hte kabai sat mu ai.

SHAKAWN KUNGDAWN 58:2

Gaja wa, nanhte a kraw e, nanhte n shawp ai hku maw nna, Ga ntsa e, nanhte a lata na kashun kashe hpe shen karan nga myit dai.

PRU MAT 23:3

matsan mayan wa hpe rai timung shi a amu hta maga lu na n rai.

PRU MAT 23:6

Nang hta matsan mayan re ai wa amu rawng yang, n ding n man ai hku nang hparan ya lu na n rai.

ESAIA 29:21

tara lam manai nna, chyinghka lam e sa shawk ai wa hpe mahkam hkam ai hte, dinghpring ai wa hpe pagawn gang kau let, n hkru n hkra galaw maw ai ni yawng, shamyit kau ai hkrum ma ai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 5:11

Chyaru lu na matu jahpawt jau jau rawt nna, chyaru nang let shana shalai dat ai ni gaw, dingnye lu ma ai.

ESAIA 5:18

Masu ngu ai sumri hte mara dun nna, leng hpe sumri hte karawt ai zawn, yubak hpe dun karawt let,

ESAIA 5:23

tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

ESAIA 5:8

Tinang ni hkrai lamu ga ka-ang e dè nga nna, man ai shara n nga lu hkra, nta mi hte nta mi, hkauna mi hte hkauna mi matut la ai ni gaw, dingnye lu ma ai.

ESAIA 59:13

Yehowa a lam tawt lai ai hte, shi hpe nyet kau nna, anhte a Karai Kasang hpe kau da ga ai; adip arip, gumle gumlau ga anhte tsun nna, kraw lawang e maw ai masu magaw ga tsun shapraw ga ai.

ESAIA 59:4

Dinghpring ai hku hkan nna sa shawk ai gaw, kadai n nga ai; tengman ai hku hkan nna tara dara ai gaw, kadai n nga ai: shanhte kaman lila hta shamyet shanat nna masu ga tsun ma ai; shanhte gumlau gumle hte na-um nasin rai nga nna, masu magaw shangai dat mu ai.

YEREMIA 22:13

Tinang a nta hpe n ding n hpring ai hku, tinang a ntsa gawk ni hpe hkalem ai hku galaw let, manang wa hpe kaman sha amu galaw shangun nna, shabrai n jaw hkraw ai wa gaw, dingnye lu u ga:

AMO LAIKA (AMOS) 2:7

shanhte gaw matsan mayan ni a baw hpe, ga nhpu hte magap kau na ndawt nga nna, sumnung ai ni a lam hpe shanut kau ma ai; nye a chyoi pra ai amying ningsang awu asin hkrum hkra, kawa hte kasha gaw mahkawn langai sha hte jawm kanawn ma ai:

MIHKA 6:16

Kaning rai nme law, Omri a matsun maroi ga hte, Ahab a nta na ni galaw ai amu mahkra hpe, nang hkan galaw nna, shanhte a hpaji daw ai lam hta, nanhte hkan nang nga myit dai; dai rai nna, ngai nang hpe shingran katsi ai shara shatai nna, mare masha ni gaw asawng asang shara tai na mara ai: nye amyu masha ni hkrum ai shatan nhkan, nanhte a ntsa e mara na ra ai.

HABAKU 2:12

Asai jahkaw ai hte, kahtawng de ai wa, myit magaw ai hte, mare shangang ai wa, dingnye lu u ga!

HABAKU 2:15

Tinang a htingbu wa singgu krin re ai hpe mu mayu nna, shi hpe shanang na matu, n dawng n yawt ai myit hte chyaru ru jaw ai wa gaw, dingnye lu u ga.

HABAKU 2:19

Hpuntawng hpe, Yup hprang u, n chye shaga ai nlung hpe, Rawt u. nga nna tsun ai wa gaw, dingnye lu ai.

HABAKU 2:6

Shanhte nlang hte gaw, shi a lam ga shadawn hku tsun nna, shatan nhkan gumwai ga shapraw let, Tinang a n re ai sutgan mahkawng da nna, tinang a ntsa e ru hka shalaw ai wa gaw, dingnye lu u ga: gaten du hkra dai zawn nga nga na kun? nga nna tsun na ma ai, n rai ni?

HABAKU 2:9

Tinang tsip hpe matsaw ntsang de tsip da nna, ru tsang ai lata na lawt lu hkra, tinang a nta matu n tara ai amyat sha ai wa gaw, dingnye lu u ga.

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Kaning rai nme law, nan hta dan ai magam bungli ni hpe, Turu hte Sidun mare yan hta dan yu taw gaw, dai yan gaw moi moi e nan lachyit nba hte dap hta e, myit malai lu boi na masai.

MAHTE 23:23

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw shingtawn pan, pansoi, hpakgyi tum re ai ni hta na, htamshi hta htammi lahkawn la ninglen, dai jep ai tara hta lawm ai grau akyu rawng ai, dinghpring ai, matsan dum chye ai hte kamsham ai lam hte hpe nanhte lai kau da myit dai: shawng de na hpe mung galaw lu nna, hpang de na hpe mung n lai kau taw gaw, mai nga ai.

MAHTE 23:27

Hpyi hpun ai laika ka ai sara ni hte Hparishe ni e, nanhte dingnye lu myit dai: nanhte gaw ahpraw chya ai lup ni hte bung nga myit dai: dai ni gaw shinggan de tsawm dam timung, kata de gaw, mang a nra hte nseng ai baw amyu myu hte hpring chyat rai nga ai.

MAHTE 23:29

Hpyi hpun ai laika ka ai sara ni hte, Hparishe ni e, nanhte dingnye lu myit dai; nanhte gaw myihtoi ni a lup ni hpe gaw da mu ai hte dinghpring ai ni a lup jarawp ni hpe mawn ya nhtawm,

MAHTE 26:24

ka da nga ai hte maren, dai Masha Kasha gaw sa wa na ra ai; rai timung, dai Masha Kasha hpe ap kau ai wa gaw dingnye lu na ra ai! dai masha n shangai taw gaw, shi a matu grau kaja nga ai, ngu wu ai.

LUKA 11:52

Tara sara ni e, nanhte dingnye lu myit dai! hpaji sumsaw gaw nanhte kyem da myit htawm, tinang dai mung n shang, shang mayu ai ni hpe mung, nanhte hkum shadang da myit dai,” ngu wu ai.

YAWHAN 19:6

Dai majaw hkinjawng agyi ni hte du agyi ni gaw shi hpe mu jang, “Wudang hta jen da u, jen da u,” nga nna jahtau ma ai. Shaloi Pilat gaw, “Nanhte nan shi hpe la nna jen da mu; ngai gaw shi hta hpa mara mung n mu nngai,” ngu nna shanhte hpe tsun mu ai.

YAWHAN 9:22

Shi a kanu yan kawa gaw Yuda masha ni hpe hkrit ma ai majaw, shing ngu tsun mu ai: kaning rai nme nga yang, Yesu gaw Hkristu re ai, nga nna yin la ai wa kadai hpe rai timung, tara jawng na shapraw kau na, nga nna Yuda masha ni ya nna pyi bawng hkut da masai.

YUDA 1:11

Shanhte gaw dingnye lu mu ga! kaning rai nme law, Ka-in a lam hta e shanhte hkan hkawm ma ai rai nna, shabrai lu la na matu Balam a lam dam mat ai hta gumbawm ma ai hte, Kora a gumlau gumle ai amu hta e hten bya mat ma ai.