ESAIA 1:9 - Jinghpaw Hanson Version Bible

⁹ Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

Jinghpaw Common Language Bible 2009

⁹ Chyahtum Chyalai N-gun rawng ai dai Madu e shangam da shangun ai masha nkau mi n nga ai rai yang, Yerusalem gaw Sodom hte Gomora yan zawn atsai awai jahten kau ai hkrum na wu ai.

ESAIA 1:9 ပူးပေါင်းရင်းမြစ်များ

NINGPAWT NINGHPANG 18:26

Dai rai nna Yehowa gaw, “Sodom mare kata e dinghpring ai masha manga shi hpe ngai mu yang gaw, dai ni a majaw dai shara ting hpe ngai shalai kau na we ai,” ngu wu ai.

NINGPAWT NINGHPANG 18:32

Bai Abraham gaw, “Nye a Madu masin hkum pawt et; ndai lang mi sha ngai naw tsun n-ga: dai mare hta marai shi mu hkrup na wu ai nhten,” ngu wu yang, shi gaw, “Dai marai shi a majaw dai shara hpe ngai n jahten na nngai,” ngu wu ai.

NINGPAWT NINGHPANG 19:24

Shaloi Yehowa gaw lamu de nna Sodom hte Gomora ntsa de kan hte grung ai wan jahtu dat wu ai:

1 HKAWHKAM 19:18

Rai timung, Bala man e lahput n hput di nna, shi hpe n pup yu ai, Israela masha hkying sanit hte hpe ngai naw jahti da na nme ai,” ngu wu ai.

2 HKAWHKAM 19:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mara akyu hpyi ya mi law,” ngu nna tsun mu ai.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 11:11

Dai aten e, Madu gaw, lahkawng lang ngu na, shi a lata bai ladawn nna, naw ngam nga ai, shi a amyu masha ni hpe, Asuri mung, Egutu mung, Pahtru mung, Hkusha mung, Elam mung, Shina mung, Hamat mung hte nammukdara zunlawng ni hta na, mawai la na ra ai.

ESAIA 11:16

Israela amyu gaw Egutu mung na pru lung wa yang na zawn, Asuri mung na naw ngam nga ai, shi a amyu masha ni a masat dingsat matu, nmaw lam naw tai na ra ai.

ESAIA 17:6

Rai timung, tsanlun hpun ashun ai hpang, hpun ndung e tsanlun si lahkawng masum, kung dam htum ai lakung ni hta mali manga naw noi nga ai hte maren, dai mungdan hta naw hti nga ai ni ngam nga na mara ai,” nga nna Israela Karai Kasang Yehowa tsun nga ai.

ESAIA 24:13

Kaning rai nme law, tsanlun hpun hpe ashun ai hte, tsabyi di ai hpang nlim gut ai zawn, ga ntsa na amyu baw ni a ka-ang e byin na ra ai.

ESAIA 24:6

Dai re ai majaw lamu ga gaw dagam dala hkrum sha nna, de a ntsa e shanu nga ai ni gaw mara kap ma ai; ga ntsa e nga ai masha ni hkru kau ai hkrum nna, ngam nga ai ni gaw n law ma ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

ESAIA 46:3

Yaku a nta dap ni e, shangai shani kaw na ngai pawn ba ai hte, hkritung kaw nna gun hpai hkrum ai, naw ngam nga ai Israela nta dap ni e, nye a ga madat mu.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

YEREMIA 23:14

Yerusalem mare na myihtoi ni hta mung, matsat shabat amu ngai mu nngai: shanhte num shaw nna, masu ai lam hkan nang ma ai; kadai mung tinang a shut hpyit ai hta na myit malai n lu hkra, shanhte gaw shut hpyit ai ni a lata hpe n-gun shaja ya mu ai; shanhte nlang hte gaw nye a man e Sodom zawn, mare masha ni gaw Gomora zawn, tai ma ai.

YEREMIA 50:20

Ndai shani, ndai aten e, Israela a shut hpyit ai hpe sawk yu timung, hpa n nga na sai; Yuda a yubak hpe tam timung, n mu na ra ai; kaning rai nme law, ngai ngam tawn da ai ni a yubak hpe, ngai raw dat kau na nngai,” nga nna Yehowa tsun ai.

SHARUNG SHAYAWT 3:22

Yehowa a chyeju majaw sha, anhte n htum mat ga ai; shi a matsan dum ai myit ma mat chye ai, n rai.

SHARUNG SHAYAWT 4:6

Kaning rai nme law, kadai mung n-gun n dat ai, akajawng sha hten byak hkrum ai, Sodom mare a yubak hta, Nye amyu shayi sha yubak gaw, grau kaba nga ai.

EZEKELA 14:22

Gaja wa, naw ngam nga ai shayi shadang sha nkau mi hti nga timung, shanhte gaw nanhte hpang de du nna, nanhte gaw shanhte a arawn alai hte htung hking hpe mu na marin dai: dai hpe yu yang, nanhte gaw, Yerusalem mare ntsa e ngai shapraw ai tsin-yam tsindam mahkra a lam, shalan shabran hkrum na myit dai.

EZEKELA 6:8

Rai timung, nanhte gaw mungdan shagu hta bra nga yang, masha amyu baw ni a nhtu hte lawt lu ai ni nkau mi nga lu hkra, naw ngam nga ai ni hpe ngai tawn da na nngai.

YOELA 2:32

Dai shaloi e, Yehowa a mying ningsang hpe gang shaga ai wa kadai mung, mawai hkrang la ai kaw du na ra ai: kaning rai nme law, Yehowa tsun da sai hte maren, Ziun bum hte Yerusalem mare hta e, shanglawt ni nga nga na mara ai; naw ngam nga ai ni hta, Yehowa shaga la ai ni, lawm na mara ai.

AMO LAIKA (AMOS) 4:11

Karai Kasang gaw Sodom hte Gomora hpe galau ka-up kau ai zawn, nanhte a mare nkau mi hpe ngai galau ka-up kau nna, nanhte gaw wan mang na gare la ai wanhtaw daw zawn, tai nga timung, nanhte gaw ngai hpang de n wa myit dai, nga nna Yehowa tsun ai.

HABAKU 3:2

Yehowa e, ngai na a lam shiga na nna hkrit nga nngai; Yehowa e, ndai shaning laman e, na amu hpe bai shapraw u; Ndai shaning laman e, ndai hpe shadan dat u: Pawt sindawng timung, matsan dum ai lam dum u.

ZEHPANI 2:9

Dai rai nna, Israela Karai Kasang, Zaw nawng zaw wa up ai Yehowa ning nga ai: Gaja wa, ngai hkrung nga ai hte maren, Moba gaw Sodom zawn, Ammon a kashu kasha ni gaw, Gomora zawn, tsamat tu ai shara, jum nhkun hte htani htana shingran katsi ai shara tai na ra ai: nye a amyu masha ni hta naw ngam nga ai ni gaw, shanhte hpe hpya lu hpya sha nna, nye a amyu hta hti nga ai ni gaw, shanhte hpe madu na mara ai.

MAHTE 7:14

Asak hkrung ai de hkrang ai chyinghka chyawm gaw, gyip nga ai hte de a lam gyeng nga ai rai nna, dai hpe mu tam ai ni n law ma ai.

ROMA 9:27

Esaia mung Israela amyu a lam jahtau nna, Israela kashu kasha ni gaw nammukdara a zaibru zawn law ma timung, ngam nga ai kau chyen chyu sha hkye hkrang la ai hkrum na mara ai.

ROMA 9:29

Dai hte maren, shawng e Esaia tsun da ai gaw, “Dai Madu Zeba-ut anhte hpe matu mara n shangam taw gaw, Sodom zawn anhte tai nna, Gomora hte bung na ga ai,” nga ai.

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.

2 PETRU 2:6

Sodom hte Gomora mare yan hpe mung, wan mang shatai kau nna, sharun shabyak kau mu ai hte, hpang e du pra ai, tara hpe n hkungga ai ni a matu mara ningli shatai mu ai;

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.