ESAIA 1:8 - Jinghpaw Hanson Version Bible

⁸ Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

Jinghpaw Common Language Bible 2009

⁸ Yerusalem sha hti ngam nga ai, dai mare mung, wang shakum n nga ai sabyi sun kata na sun sin ai wa a sum, shing n rai kumgyin yi na yi hkyap zawn wang da ai hkrum nga ai.

ESAIA 1:8 ပူးပေါင်းရင်းမြစ်များ

YOBA 27:18

Shi galaw ai nta gaw shingtai tsip hte, sun sin ai ni gap ai sum zawn, rai nga ai.

SHAKAWN KUNGDAWN 9:14

shaloi na a akyu nlang hte gaw ngai gawn dan nna, Ziun shayi sha a chyinghka lam e, na a hkye la ai lam majaw, kabu gumlawt na nngai.

ESAIA 1:7

Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

ESAIA 1:9

Zaw nawng zaw wa up ai Yehowa, anhte hta madat dingsat kaji n ngam da taw gaw, anhte nan Sodom mare zawn rai nna, Gomora mare hte bung na ga ai.

ESAIA 10:32

Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

ESAIA 29:3

Ngai gaw na a grup yin e dap jung na nngai; san da ai luksuk ni hte nang hpe wang tawn nna, kaduk htu na nngai.

ESAIA 30:17

Nanhte gaw bum ntsa e jung ai mahtan daw, kawng ntsa e sharawt ai dawnghkawn hte bung hkra, marai langai mi kajet yang, hkying mi, marai manga kajet yang, nanhte yawng hprawng mat na myit dai,” nga ai.

ESAIA 37:22

da ndai gaw, Yehowa shi a lam tsun ai ga rai nga ai: Ziun shayi hkawnsek gaw nang hpe jahpoi mani kau nga ai; Yerusalem mare shayi sha gaw na a hpang e baw kanga nga ai.

ESAIA 37:4

Rai timung, ahkrung nga ai Karai Kasang hpe shatan na nga, Asuri hkawhkam shangun ai, shi a mayam Rabshake a ga yawng hpe, na a Karai Kasang Yehowa na la u ga; na a Karai Kasang Yehowa nan na la ai ga hpe hkap daru na nhten: dai re ai majaw, naw ngam nga ai ni a matu mahkra akyu hpyi ya mi law,” ngu nna tsun mu ai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

ESAIA 49:21

Shaloi nang gaw, “Ndai ni hpe, ngai e, kadai shaprat ya a ta? ngai gaw matu htum ai wa, katsi katsang re ai wa, bawng dung ai hte let hkawm ai wa rai nga ninglen, ndai ni hpe kadai kaba wa shangun a ta? Yu u, ngai hkrai sha nga ai rai yang, ndai ni gaw kanang na rai ma ta?” nga nna na a kraw e tsun na rin dai.

ESAIA 62:11

Yehowa gaw, mungkan htum hkra ning nga ai, “Yu u, nang hpe hkye hkrang la ai wa du ra ai; hkam ging ai shabrai shi a lata hta shi lang nna, karan jaw na kumhpa shi a man e rai nga ai,” ngu nna, Ziun shayi sha hpe tsun mu.

ESAIA 8:8

Yuda mung du hkra dep nhtawm, dai hpe mung lwi ka-up nna, adu du hkra dep na ra ai: Emanuela e, de a singkaw ni kahpyen dat nna, na a mung ting ka-up nga na ra ai law,” nga ai.

YEREMIA 4:17

Yuda mung ngai hpe gumlau ai majaw, shanhte gaw hkauna sin ai ni zawn, dai mung hpe wang tawn da mu ai.

YEREMIA 6:2

Ahpraw tsawm nna hkum hkalung ai Ziun shayi sha hpe ngai jahtum kau na nngai.

SHARUNG SHAYAWT 2:1

Madu gaw pawt sindawng ai sumwi hte, Ziun shayi sha hpe, kaning rai ka-up nga a hka! Shi gaw Israela hpung shingkang hpe lamu kaw nna ga du hkra jahkrat kau nu ai: Shi pawt bu ai shani hta, shi a lagaw mara ai lahkum hpe shi dum nga ai, n rai.

SHARUNG SHAYAWT 2:6

Shi gaw shi a wang hpe sun zawn aja awa la kau nna, shawa zuphpawng shara hpe jahten shabyak kau nu ai; Ziun mare e galaw ai ndat da ai poi hte, laban nhtoi hpe, Yehowa malap kau shangun nu ai: Shi pawt sindawng let, hkawhkam wa hte hkinjawng wa hpe mung, n kaw n law di kau nu ai.

ZEHKARIA 2:10

Ziun shayi sha e, mahkawn mangoi nna, kabu gara nga u: kaning rai nme law, yu u, ngai sa du nna, na a ka-ang e shanu nga na nngai,” nga nna Yehowa tsun ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

YAWHAN 12:15

“Ziun shayi sha e, hkum hkrit et; Yu u, na a hkawhkam gaw Lawze kasha jawn nna du sa ra ai,” nga nna ka da ai hte maren rai nga ai.