ESAIA 1:7 - Jinghpaw Hanson Version Bible

⁷ Nanhte a mungdan gaw katsi katsang rai nga ai; nanhte a mare ni hkru mat sai; maigan masha ni, nanhte a ga dachyawk ni hpe nanhte a man e sha kau nga ma ai: tsasam masha ni hpya kau ai ga zawn, dai de katsi katsang rai nga ai.

Jinghpaw Common Language Bible 2009

⁷ Na a mungdan gaw katsi katsang shara rai mat sai, na a mare ni ga du hkra hkru mat sai. Nang yu nga yang, maigan masha ni na a mung hpe madu la kau nna arung arai hkum sumhpa hpe agrawp jahten kau ya nga sai.

ESAIA 1:7 ပူးပေါင်းရင်းမြစ်များ

2 HKAWHKAM LABAU 28:5

Dai re ai majaw, shi a Karai Kasang gaw Suri hkawhkam a lata hta shi hpe ap kau wu ai rai nna, shanhte gaw shi hpe ari jaw let, bawng law law wa rim la nna, Damasku mare de woi wa mu ai. Dai hta n-ga, Israela hkawhkam mung shi hpe dang kau nna, shi a masha law law hpe sat kau ya mu ai.

SHAKAWN KUNGDAWN 107:34

Hka hpaw ai shara hpe ga jahkraw, Sau rawng ai ga hpe krin ai shara, shatai nu ai.

SHAKAWN KUNGDAWN 107:39

Dai hpang zingri ai, ru tsang ai hte yawn hkyen hkrum ai majaw, shanhte yawm wa nna, grit mat wa ma ai.

SHAKAWN KUNGDAWN 109:11

Gumhpraw boi ai wa, shi a arai yawng kashun la nna, masha tsasam ni, shi galaw ai arai hpe shanyen la ya mu ga.

ESAIA 1:8

Ziun shayi sha gaw, tsabyi sun wa, kumgyin sun sum hte, wang tawn hkrum ai mare zawn, gram nga ai.

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 34:9

Edom mung a hka shi ni gaw marau sau, de a ga nhpu gaw kan tai mat nna, mung ting gaw wan hkru ai marau sau, tai na ra ai.

ESAIA 49:19

Na a akrin akraw, katsi katsang re ai shara ni hte, hten byak hkrum ai mungdan a malai, ya kaw nna masha law ai majaw, shara gyeng na ra ai; nang hpe mayu kau ai ni mung, tsan mat na mara ai.

ESAIA 5:17

Dai shaloi e sagu kasha ni gaw, tinang a udat shara e zawn, dai hta sha lu nna, katsi katsang tai wa ai sahti kunmi ni madu yu ai shara ni hta, malet nhprang manam ni shang sha lu na mara ai.

ESAIA 5:9

Zaw nawng zaw wa up ai Yehowa, nye a na hta tsun ai gaw, Gaja wa, galu kaba ai hte hkik la ai nta law law hta, rawng ai masha n nga nna, katsi katsang rai na ra ai.

ESAIA 6:11

Shaloi ngai gaw, “Madu e, gade wa na na rai ta?” ngu nna san we yang, shi gaw, “Mare ni hte nta ni hta masha n nga hkra shaza kau ai hkrum ai hte, mungdan ting atsai awai katsi katsang rai nga nna,

ESAIA 60:15

Nang hta kadai mung n kabye lai mayu hkra, jahti da ai hte n dawng n yawt hkrum ai majaw, ngai nang hpe prat dingsa na arawng sadang, shu mashi shu masha ni a kabu gara, shara shatai na nngai.

ESAIA 62:8

Gaja wa ngai gaw, na a nai mam hpyen ni hpe htawm hpang e jaw na n rai; nang shakut nna lu ai tsabyi jahku hpe, maigan masha ni lu lu sa na n rai:

ESAIA 64:10

Na a chyoi pra ai mare ni, nam mali tai mat sai; Ziun bum mung, nam mali tai mat sai; Yerusalem mare gaw katsi katsang re ai shara tai mat sai.

ESAIA 9:18

Zaw nawng zaw wa up ai Yehowa a pawt sindawng ai a majaw, mungdan gaw hkat mat wa nna, mung masha ni gaw wan shat zawn rai nga ma ai: kadai mung tinang kahpu kanau wa hpe pyi n lahpawt ma ai.

ESAIA 9:5

Kaning rai nme law, anhte a matu kasha shangai nna, anhte hpe shadang sha jaw mi ai: shi a lahpa ntsa e up ai ahkang mara nga na rai nna, shi a amying hpe, “Mauhpa wa, Hpaji daw ai wa, Daru Magam Karai Wa, Htani htana Kawa, Ngwipyaw Madu,” ngu nna shamying na mu ai.

YEREMIA 2:15

Hkanghkyi hkalung ni shi hpe shabam nna nying nga ma ai; shanhte gaw shi a mungdan hpe shaza kau manu ai: shi a mare ni, kadai n nga lu hkra hkru mat sai.

YEREMIA 4:7

Amyu baw ni hpe jahten shabyak na, hkanghkyi ngu ai wa gaw, tinang a wuyup na lung wa sai; shi gaw du magang ra ai; na a mungdan hpe katsi katsang shatai na hte, na a mare ni hpe kadai n nga lu hkra marawng marang di kau na matu, shi gaw tinang shara kaw na pru wa sai.

YEREMIA 44:6

Dai re ai majaw, nye a myit kahtet ai hte pawt sindawng ai hpe, ngai ru dat nna, dai gaw Yuda mare ni hte Yerusalem lam ni hta hkru nga nna, dai shara ni gaw, dai ni rai nga ai hte maren, akrin akraw shara tai mat nga ai.

YEREMIA 6:8

Yerusalem e, sharin achyin ai hkam la u: shing n rai, nye a myit masin nang hte tsan wa nna, nang hta kadai n shanu hkra, nang hpe marawng marang di kau na de ai.”

YEREMIA 7:34

Dai shaloi e ngai gaw, Yuda mare ni hte Yerusalem mare lam ni hta na, kabu gara ai nsen, mani pyaw ai nsen, la ningnan a nsen, num ningnan a nsen, jasim kau na nngai; kaning rai nme law, mung ting katsi katsang tai mat na ra ai,” nga ai.

SHARUNG SHAYAWT 5:2

Anhte a sali wunli ga tsasam masha ni a lata de, Anhte a dum nta ni, maigan ni a lata de, ap kau hkrum sai.

EZEKELA 25:4

yu u, sinpraw mung masha ni a lata de ngai nang hpe ap kau na nngai: shanhte gaw na a mung kata e dap jung nna, dai yang e shanu nga na mara ai; na a namsi hpe sha nna, nga chyu hpe lu na mara ai.

EZEKELA 30:12

Ngai gaw hka nu hka shi ni hpe shahkyet kau nna, dai mungdan hpe n hkru ai ni a lata hta dut kau na nngai; mungdan hte dai hta rawng marawng hpe, tsasam masha ni a lata hte, ngai shaza kau na nngai: ngai Yehowa nan dai ga tsun ni ai.”

HOSEA 7:9

Tsasam masha ni gaw shi a n-gun sha kau timung, shi dai lam n chye nga ai: shi a baw hta kara ahpraw kayau kaya tu pru timung, shi dai lam n chye nga ai.

HOSEA 8:7

Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.

JAW JAU 26:33

Maigan amyu ni hta ngai nanhte hpe shabra kau nna, nhtu shada lang let hkan shachyut na made ai: nanhte a mung gaw akrin atsai rai mat nna, nanhte a mare ni mung nam tai mat na ra ai.

JAW JAU 26:34

Shing rai nanhte hpe hpyen ai ni a ga e nanhte nga nga ai laman e, nanhte a dai daw ga gaw a katsi katsang rai mat ai nhtoi hte ting simsa nga nna tinang a laban nhtoi hta pyaw nga lu na ra ai.

MIHKA 5:11

na a mung na mare ni hpe ngai run kau nna, na a hpyen dap ni yawng hpe hpya kau na nngai;

MIHKA 6:13

Dai re majaw ngai nang hpe hkala nba kaba hte jahpye nngai; na a yubak majaw, ngai nang hpe shingran katsi ai shara shatai nngai.

TARA JAHPRANG 28:33

Na a mungdan a nsi naisi hte nang galaw tawn ai sutgan yawng gaw nang n mu n chye yu ai masha amyu sha kau na mara ai; nang chyawm gaw zingri zingrat hkrum sha ai tut rai na nit dai:

TARA JAHPRANG 28:43

Nang hte rau nga ai amyu kaga wa gaw grau tsaw wa nna na ntsa de nga na ra ai; nang chyawm gaw npu shang nna taw lu na rin dai.

TARA JAHPRANG 29:23

htawm hpang prat na nanhte a kashu kasha ni hte sumtsan mung na sa ai tsasam wa mu ma yang, masha amyu myu ni gaw, “Ndai mungdan hpe hpa majaw Yehowa ning di wu ai i? Nde wa pawt ai sindawng gaw kaning re ai i?” nga nna san shajang na mara ai.