ESAIA 1:6 - Jinghpaw Hanson Version Bible

⁶ Lagaw lahpan kaw nna baw pungding du hkra, hkam kaja ai hpa mung n nga ai; nma hpye ai, hkala nba ai hte kayat ai hkang katsing hkrai rai nga ai: dai hpe mazang lu ai n rai; ahkang kayawp nga ai n rai; namman hte garai n shakya lu ai.

Jinghpaw Common Language Bible 2009

⁶ Abaw kaw nna lagaw du hkra na a hkum hkrang hta hkam kaja ai shara ngu na mi n nga lit dai. Nang gaw hkum ting hpye ai nma, hkala nba re ai nma hkang katsing ni hte ahpye alam rai nga ndai. Na a nma ni kashin jasan kau hkrum ai n rai, ahkyen kayawp hkrum ai n rai. Dai ni hta tsi bang ya hkrum ai n rai.

ESAIA 1:6 ပူးပေါင်းရင်းမြစ်များ

2 SAMUELA 14:25

Ya Israela amyu ting hta Absalom zawn ahpraw tsawm nna shakawn hkam la ai wa langai mi muk n nga ma ai. Lagaw lahpan kaw nna baw pungding hkren, za ai shara langai mi muk n nga ai.

YOBA 5:18

Shi gaw jahpye ya nna, ahkyen kayawp ya nga ai, shi hkala kau nna, shi a lata hte shamai ya nga ai.

SHAKAWN KUNGDAWN 77:2

Ngai ru tsang ai nhtoi hta e, dai Madu hpe ngai tam nga nngai. Shana e pyi nye a lata hpe ngai a ladawn da nga nngai; Nye a myit masin ngwipyaw ai hpe kau da nu ai.

ESAIA 30:26

Dai hta n-ga, Yehowa gaw, shi amyu a nma hpe kayawp nna, shanhte a hkala nba hpe shamai shatsai ai shani e, shata a nhtoi gaw jan a nhtoi zawn, jan a nhtoi gaw, myi na hta, htam sanit htoi na ra ai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

YEREMIA 30:12

Yehowa ning nga ai: Nang hkrum ai hkala nba mai yak la ai; na a nma gaw machyi la nga ai;

YEREMIA 30:15

Nang hkala nba hkrum nna, hpa majaw hkrap n ta? na a machyi ai mai wa lu na, n rai; na a yubak kaba nga ai hte, na a shut hpyit ai law htam wa ai majaw, ndai lam yawng ngai nang hpe galaw de ai.

YEREMIA 6:14

Ngwipyaw n nga timung, Ngwipyaw nga ai, ngwipyaw nga ai, nga nna tsun let, shanhte gaw nye a amyu masha ni a nma hpe, loi mi sha shamai masu nga ma ai.

YEREMIA 6:7

Hka hpawk mahka e hka lwi pru ai zawn, dai mare gaw n hkru n hkra ai hpe shalwi dat nga ai; de a kata de kashun kashe hte jahten shabyak ai nsen na lu ai; machyi makaw hte hkala nba hpe ngai tutnawng mu nngai.

NAHUM 3:19

Nang hkrum ai hkala nba mai wa lu na, n rai: na a nma yak la nga ai; na a lam shiga na lu ai ni yawng, na a majaw lahpawk dum na mara ai: kaning rai nme law, nang tutnawng galaw ai n hkru ai amu hpe, n hkrum ai wa, kadai rai ta?

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 9:12

Shi gaw dai na jang, “N-gun ja ai ni tsi sara n ra ma ai; machyi ai ni sha ra ma ai.

LUKA 10:34

shi a nma ni hta namman hte tsabyi ru bun nhtawm, ahkyen kayawp wu ai: shi a lawze hta mung dai wa hpe shajawn nhtawm, manam nta langai mi de lakawn wa nna, lajang ya wu ai.