ESAIA 1:5 - Jinghpaw Hanson Version Bible

⁵ Nanhte ari naw hkrum hkra, hpa majaw gumlau shanang nga myit ta? baw ting hpye nga ai, kraw lawang mung, gawng kya nga ai.

Jinghpaw Common Language Bible 2009

⁵ Nanhte gaw hpa majaw gumlau shanang nga myit ta? Nanhte gaw ari jaw na hpe grau nna pyi ra nga myit ni? Israela e, na a baw gaw nma ni hte ka-up da chyalu rai nga ai, na a myit masin hte kraw lawang ni machyi nga lit dai.

ESAIA 1:5 ပူးပေါင်းရင်းမြစ်များ

2 HKAWHKAM 1:13

Bai shi gaw masum ngu na hpyen ma manga shi hte hpe shangun dat mu ai. Dai wa gaw lung wa nna Elia man e lahput hput di let, “Karai Kasang a masha wa e, nye a asak hpe, na a man e jahpu ya mi:

2 HKAWHKAM LABAU 28:22

Ndai hkawhkam Ahaza gaw, ndai aten e nde wa tsin-yam tsindam hkrum timung, Yehowa hpe grau nna shut kau nga ai.

NEHEMIA 9:34

Anhte a hkawhkam ni, du ni, hkinjawng ni, dap lakung ni a agyi ni gaw, na a tara hpe hkan nang ma ai mung n rai, nang shanhte hpe shadum jahprang let, shanhte hpe jaw da ai hkang da ai ga ni hte matsun maroi ga ni hpe mung, madat mara ma ai, n rai.

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 31:6

Israela kashu kasha ni e, nanhte pagawn di kau ai wa hpang de, nhtang wa manu.

ESAIA 33:24

Dai hta shanu ai wa gaw, ‘Ngai machyi nga nngai,’ nga nna n tsun na ra ai: dai hta e dè nga ai amyu gaw yubak raw dat kau ai hkrum na ra ai.

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

YEREMIA 13:23

Ehtiopi wa gaw tinang a ahpraw asam, rawnggawk gaw tinang a ateng apang ka ai hpe, galai kau lu na a ni? dai rai yang, n hkru n hkra galaw man ai ni, nanhte nan, kaja ai amu galaw lu na myit dai.

YEREMIA 17:9

Myit masin gaw, rai yawng mayawng hta magaw htum nna, grai n hkru nga ai: dai hpe kadai chye lu a ta?

YEREMIA 2:30

Ngai gaw be be kaman sha nanhte a kashu kasha ni hpe ari jaw ni ai: shanhte gaw sharin achyin ai n hkam la ma ai; nanhte a nhtu gaw, amya sha ai hkanghkyi zawn, nanhte a myihtoi ni hpe shaza kau manu ai.

YEREMIA 44:15

Shaloi, tinang a num ni, hpara kaga ni hpe manam pyaw ai baw nat nawng ai lam chye nga ai lasha ni yawng hte hte, makau e tsap nga ai num ni, wunawng wuwa kaba ngu ai, Egutu mung na Pahtru shara e shingbyi nga ai Yuda masha ni mahkra gaw, Yeremia hpe,

YEREMIA 5:3

Yehowa e, na a myi kangka lam hpe tau yu nga ai, n rai ni? Nang shanhte hpe kayat timung, shanhte hpa n nawn ma ai; shaza kau timung, sharin achyin ai n hkam hkraw ma ai: tinang a myi man hpe nlung hta grau shaja ma ai; shanhte bai wa na, n hkraw ma ai.

YEREMIA 5:31

myihtoi ni masu ai ga htoi nna, hkinjawng ni dai lam hkan let, up nga ma ai; nye a amyu masha ni mung dai lam hpe ra ma ai; dai rai nna, hpang jahtum e nanhte hpa galaw na myit ta?”

YEREMIA 5:5

Shing rai salang ni hpang de ngai sa tsun na nngai; shanhte gaw Yehowa a lam hpe mung, tinang a Karai Kasang a tara ding ai lam hpe mung chye na ma ai, nga nngai rai timung shanhte gaw myit langai sha hte kandang hpe daw kau nna, sumri ni hpe gang dut kau manu ai.

YEREMIA 9:3

“Shanhte gaw masu ai ga tsun lu hkra, tinang shinglet hpe ndan zawn shachyen ma ai; dai mungdan hta shanhte galu kaba wa timung, kangka lam hta galu kaba wa ai, n rai; gaja wa, shanhte je je n hkru wa nna, ngai hpe n chye ma ai,” nga nna Yehowa tsun ai.

SHARUNG SHAYAWT 5:17

Dai rai nna anhte gawng kya nga saga ai; Dai lam majaw, anhte a myi amam nga ai.

EZEKELA 24:13

Nang hta kap ai agang chyalang hta n se n sa ai mung lawm nga ai; ngai nang hpe kashin timung, nang n tsai hkraw ndai majaw, nye pawt kahtet ai na a ntsa e garai n dik dingsa, na a agang chyalang tsai mat lu na n rai.

EZEKELA 34:16

dam mat ai sagu hpe hkan tam na nngai; masha ni gau mat wa ai sagu hpe, hkan mawai la na nngai: nra daw ai sagu hpe ahkyen kayawp na nngai: gawng kya ai sagu hpe n-gun shaja na nngai; sau hpum ai ni hte n-gun ja ai ni hpe chyawm gaw ngai jahten na nngai: tara hte maren ngai shanhte hpe bau na nngai,” nga nna Madu Yehowa tsun ai.

EZEKELA 34:4

Gawng kya ai sagu ni hpe, nanhte n-gun shaja ai, n rai; machyi hkrum ai sagu hpe, shamai ya ai, n rai; nra daw ai sagu hpe, ahkyen kayawp ai, n rai; masha gau mat wa ai sagu hpe, hkan mawai la ai, n rai; dam mat ai sagu hpe, tam la ai, n rai: nanhte gaw myit ja nna adip arip hte shanhte hpe reng myit dai.