ESAIA 1:4 - Jinghpaw Hanson Version Bible

⁴ N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

Jinghpaw Common Language Bible 2009

⁴ Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 1:4 ပူးပေါင်းရင်းမြစ်များ

NINGPAWT NINGHPANG 13:13

Ya, Sodom mare na masha ni gaw n shawp nga ma ai rai nna, Yehowa a man e nachying yubak kaba ai ni rai nga ma ai.

2 HKAWHKAM 21:22

shi a kaji kawa ni a Karai Kasang Yehowa hpe shi kau da nna, Yehowa a lam hta n hkawm nga ai.

2 HKAWHKAM LABAU 12:1

Ya Rehoboam a mungdan gaw grin wa ai hte, shi n-gun ja wa jang, shi gaw Israela masha ni yawng hte rau, Yehowa a tara hpe kau da wu ai.

2 HKAWHKAM LABAU 27:2

Shi gaw kawa Uzia a lam mahkra hpe hkan let, Yehowa a man e dingman ai amu galaw nga ai: rai timung, shi gaw Yehowa a nawku Htingnu de n shang wu ai. Mung masha ni chyawm gaw n shawp ai amu naw galaw nga ma ai.

NEHEMIA 1:7

Anhte nang hpe grai shut kau nna, na a shangun ma Mawshe hpe, nang htet da ai hkang da ai ga, matsun maroi ga hte tara dara ai ga ni hpe n hkan galaw ga ai.

SHAKAWN KUNGDAWN 58:3

Tara n lang ai ni hkritung nna hpre nga ma ai, Masu ga tsun ai ni shangai kaw nna lam dam mat wa ma ai.

SHAKAWN KUNGDAWN 71:22

Shaloi, Karai Kasang e, nang hte na a sadi sahka hpe, Tingse hte ngai shakawn kungdawn na nngai: Israela a chyoi pra ai Wa e, Tingse hte ngai nang hpe mahkawn mangoi na nngai.

SHAKAWN KUNGDAWN 78:40

Nam mali hkan e shanhte gade lang gumlau nga nna, Hkraw krin ai shara e, shi hpe myit shayawn da mu hka!

SHAKAWN KUNGDAWN 78:41

Karai Wa hpe shanhte bai chyam yu yu di nna, Israela a Chyoi pra ai Wa hpe shapawt mu ai.

SHAKAWN KUNGDAWN 78:57

Kaji kawoi ni zawn shanhte kanut mat wa nna, htak mat ma ai; N ding ai ndan zawn, nhtang wa ma ai.

SHAKAWN KUNGDAWN 78:8

Htawm hpang e du ai amyu ni a kashu kasha ni, Dai tara hpe chye na lu nna, Shanhte gaw tinang a kashu kasha ni hpe bai gawn dan nna, Dai lam ni kashu kasha ni hpe sharin ya mu ga, Shi anhte a ji woi ni hpe hkang da mu ai.

SHAKAWN KUNGDAWN 89:18

Anhte a n-gang Yehowa kaw na rai nga ai; Anhte a hkawhkam wa gaw, Israela a Chyoi pra ai wa kaw na rai nga ai.

PRU MAT 32:7

Dai rai nna Yegowa gaw Mawshe hpe, “Nang yu wa su; Egutu mung na nang shaw wa ai na a masha ni gaw byak mat masai:

ESAIA 1:23

Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

ESAIA 1:28

Gumle gumlau re ai ni hte yubak galaw ai ni chyawm gaw, rau hten byak hkrum nna, Yehowa hpe kau da ai ni htum mat na mara ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 12:6

Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 14:20

Nang gaw na a mungdan hpe jahten shabyak kau nna, na a mung masha ni hpe sat kau ndai majaw, shanhte hte rau makoi mayang hkrum na ndai n rai: tara n lang ai ni a aru arat gaw, prat dingsa matu mara dap lu na n rai,” nga nna tsun na mara ai.

ESAIA 29:19

Myit kyip ai ni gaw, Yehowa hta hpa let kabu gara shalaw na mara ai; ga ntsa na matsan mayan ni gaw, Israela a Chyoi pra ai Wa hta awng sharawng na mara ai.

ESAIA 3:8

Kaning rai nme law, Yehowa a hpung rawng ai myi hpe kamau shangun na matu, shanhte a tsun ai ga hte arawn alai shi hte nhtan shai nga ai majaw, Yerusalem mare gaw hten run mat sai; Yuda mung gaw kadawng mat sai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:15

Bai, Israela a Chyoi pra ai Wa Madu Yehowa gaw, “Nanhte myit kayin nna asim sha nga ai gaw, nanhte a hkye hkrang la ai lam rai nga ai; asim sha nga let kamsham ai hte nanhte n-gun lagaw lu la na myit dai; rai timung, dai lam nanhte n ra myit dai.

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 31:2

Shi mahtang nyan rawng nna, nni nkri jahkrum na ra ai; shi a ga shabai la na n rai; n hkru n hkra ai amyu hpe mung, tara n hkan ai ni, sa karum na mung, hkap shadang na ra ai.

ESAIA 37:23

Nang gaw kadai wa hpe matsa jahpoi kau wu ni? kadai wa hpe na a nsen sharawt nna, na a myi man hte gumrawng gumtawng di kau wu ta? Israela a Chyoi Pra re ai Wa hpe rai nga a hka!

ESAIA 41:14

Shingtai ngu ai Yaku e, Israela masha ni e, hkum hkrit myit; ngai nang hpe karum na nngai; Israela Chyoi pra ai Wa gaw na a Hkye hkrang la ai wa rai nga ai,” nga nna Yehowa tsun nga ai.

ESAIA 41:16

Nang shanhte hpe katsap nna, nbung gaw dai ni hpe ahpawt kau na ra ai; laru gaw shanhte hpe kamawng kau na ra ai: nang chyawm gaw Yehowa hta kabu gara nga nna, Israela Chyoi pra ai Wa hta gumrawng nga na rin dai.

ESAIA 41:20

shing rai Yehowa lata gaw dai amu shabyin nna, Israela chyoi pra ai Wa dai hpe hpan da ai lam, shanhte rau mu chye nna, aru yu let chye na lu na mara ai.

ESAIA 5:19

Yehowa lawan ru ga; shi a amu anhte mu lu hkra, tin shapun shabyin u ga; anhte chye na lu hkra, Israela a Chyoi pra ai Wa a hpaji daw ai gaw ni wa ai hte dik wa ru ga, nga nna tsun ai ni gaw dingnye lu ma ai.

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

ESAIA 57:17

Shi a n hkru ai lawhpa myit majaw, ngai masin pawt nna, shi hpe ari jaw we ai: ngai myi man makoi nna pawt sindawng nga nngai; shi mung tinang ra ai hku hkan nna, nhtang mat wa sai.

ESAIA 58:2

Rai timung shanhte gaw shani shagu ngai hpe hkan tam nna, nye a lam ni chye lu hkra, awng sharawng ma ai: dinghpring ai lam hkan nna, tinang Karai Kasang a ga matsun ni hpe hkan shatup ai amyu zawn, shanhte ngai kaw nna dinghpring ai tara lam hpyi let, Karai Kasang hpang de sit sa na, sharawng nga ma hka!

ESAIA 65:11

Yehowa hpe kau da nna, nye a chyoi pra ai bum hpe malap kau ai hte, Gam ngu ai hpara a man e sha ku lajang nna, Auba ngu ai hpara a man e dumhpung ru jaw ai ni e,

ESAIA 65:3

dai amyu gaw sun hkan e hkungga nawng nna, wut nep ai ntsa e lawban nat shamawng let, ngai hpe tutnawng pawt sindawng shangun ma ai:

ESAIA 9:17

N hkru n hkra ai gaw wan zawn hkru nga nna, ju hpun hte tsing hpe shamyit kau mu ai; dai gaw maling na singwum ni hta mung kap nna, wan hkut shadaw ntsa de mawng nga ai.

YEREMIA 15:6

Yehowa ning nga ai: Nang ngai hpe kau da nit dai; nang kanut mat wa ndai; dai majaw ngai nye a lata ladawn nna, nang hpe shamyit kau de ai; ngai nang hpe matsan dum jin ni ai.

YEREMIA 2:13

“Kaning rai nme law, nye a amyu gaw lam lahkawng hta shut masai: shanhte gaw, asak hka hpawk ngu ai, ngai hpe kau da nna, hka n rawng lu ai ntsin htung, gaja wa, ga mat ai ntsin htung, tawk manu ai.”

YEREMIA 2:17

Nang hpe woi wa ai, na a Karai Kasang Yehowa hpe kau da ndai majaw, nang nan shing re ai ari hkrum nga ndai, n rai ni?

YEREMIA 2:19

Na a shut hpyit ai gaw nang hpe sharin na ra ai; na a htak mat ai lam, nang hpe shari na ra ai: dai rai nna, na a Karai Kasang Yehowa hpe, nang kau da ai hte, shi hpe hkrit hkungga ai myit nang hta n rawng ai gaw, yak la ai hte yawn hpa lam rai nga ai hpe, dum nna chye nga u,” nga nna Zaw nawng zaw wa up ai Madu Yehowa tsun nga ai.

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

YEREMIA 2:33

Sumtsaw sumra tam na matu, na a lam hpe gade lajang nga n hka! Dai rai nna nang gaw n hkru ai num ni hpe pyi, na a lam sharin ya manu ai.

YEREMIA 2:5

Yehowa ning nga ai, “Nanhte a nji nwa ni gaw, ngai hte tsan wa nna, be be kaman lam hkan let, be be kaman tai wa hkra, ngai hta kaning re ai mara mu hkrup ma ta?

YEREMIA 32:32

dai re ai majaw, Israela hte Yuda kashu kasha ni hte hpawn, shanhte a hkawhkam ni, du salang ni, hkinjawng ni, myihtoi ni, Yuda mung masha ni hte Yerusalem na ni gaw, tinang a n hkru ai amu mahkra hte ngai hpe pawt sindawng shangun ai majaw, ndai mare hpe nye a man na ngai htawm kau na we ai.

YEREMIA 50:29

Ndan gap ai ni nlang hte hpe, Babelon mare de shaga mu; ndan shachyen ai ni e, mare grup yin wang tawn mu; langai mi muk n lawt u ga; dai mare a arawn alai hte maren tai mu; shi galaw yu ai yawng hte maren, shi hpa galaw mu: kaning rai nme law shi gaw, Israela Chyoi pra ai Wa ngu ai Yehowa hpe gumrawng gumtawng nu hka!

YEREMIA 51:5

Kaning rai nme law, Israela hte Yuda mung gaw, Israela a Chyoi pra ai Wa a man e shut hpyit ai mara hte hpring nga timung, shan a Karai Kasang, Zaw nawng zaw wa up ai Yehowa, shan hpe kau da ai n rai.

YEREMIA 7:19

Ngai hpe pawt shangun ai sha, rai kun? Tinang myi man hpe jasum na, tinang hkum hpe zingri ai, n rai nga a ni?” nga nna Yehowa tsun ai.

YEREMIA 7:26

nanhte gaw nye a ga n madat, na mung n na la ai sha, tinang a du hpe shaja ai hte, nji nwa ni hta grau nna n hkru nga myit dai.

EZEKELA 14:5

shing rai ngai gaw Israela amyu hpe tinang a myit masin hte maren bai tai na nngai; kaning rai nme law, shanhte nlang hte gaw, tinang a hpara ni a majaw ngai hte tsan gang wa masai.'

EZEKELA 16:33

Shawa num yawng gaw kumhpa la ma ai; nang chyawm gaw, na sumtsaw sumra ni hpe kumhpa jaw ndai; shara shagu na ni sa nna, nang hte kanawn nga lu hkra, shanhte hpe kumhpa hte lau la mu ai.

EZEKELA 16:45

Nang gaw, madu wa hte kashu kasha ni hpe matsat ai num a shayi sha, rai nga ndai; tinang a madu wa hte kashu kasha ni hpe matsat ai num ni a kanau mung rai nga ndai: na nnu gaw Hiti num, na nwa gaw Amori masha rai nga ai.

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

ZEHPANI 1:6

Yehowa kaw na htak mat wa ai ni hte, Yehowa hpe galoi n hkan tam ai ni hpe mung, jahtum kau na nngai.

BU HKAWM 32:14

Ya mung Yehowa, Israela kashu kasha ni hpe grau nna pawt bu na hku, grau n shawp ai ni nanhte gaw, nanhte a kawa ni a malai bai dawng pru marin hka i?

MAHTE 11:28

Hki ba la nna lit li gun ai ni yawng hte e, ngai kaw wa marit; ngai nanhte hpe ban sa shangun na made ai.

MAHTE 23:33

Lapu ni e pu htum a amyu e, Ngarai mung a ari hta na, nanhte kaning rai lawt lu na myit ta?

MAHTE 3:7

Ya Hparishe hte Saduke masha law law wa baptisma hkam la na nga sa ma ai hpe shi mu mu yang, shanhte hpe shi tsun mu ai gaw, “Pu htum amyu ni e, du magang ra ai yubak ari hta na hprawng wa lu myit ga, nanhte hpe kadai shadum da myit ta?

ROMA 8:7

Dai hta kaga hkum shan myit gaw Karai Kasang a tara npu e n taw lu ai hte, dai hpe n madat lu ai majaw, Karai Kasang hpe n dawng n yawt ai myit sha rai nga ai;

1 KORINHTU 10:22

Dai Madu hpe anhte nhkap shapawt na gaw ni? anhte gaw shi hta n-gun grau nga ga ni?

TARA JAHPRANG 29:25

shawng de shanhte n chye ai, shanhte hpe mung n hkang da ai Hpara shaje ni hpe nawku jaw jau ma ai majaw mung,

TARA JAHPRANG 31:16

Shaloi Yehowa Mawshe hpe, “Yu u, nang gaw nji nwa ni hte yup pyaw nga na nit dai; ndai amyu masha ni chyawm gaw rawt nna, ya sa wa ai mung e nga ai tsasam amyu ni nawku ai Hpara ni hte shut hpyit nna, ngai e kau da let ngai tawn da ya ai ga shaka run kau na ra ai.

TARA JAHPRANG 32:19

Yehowa dai mu nna, shi a shayi shadang sha ni hpe, Shanhte a mara majaw, matsat kau mu ai.

TARA JAHPRANG 32:5

Shanhte hten byak masai, shi a kasha n rai, Agang chyalang kap ai hkrai rai ma ai; Myit manai ai hte magaw ai amyu rai ma ai.

KOLOSE 1:24

Ya chyawm gaw nanhte a matu mara ngai hkrum ai tsin-yam tsindam hta ngai kabu nga ai hte, dai Hpung ngu ai Hkristu a hkumhkrang a matu mara, shi a naw ngam nga ai nni nkri hpe nye a hkum shan hta e ngai jahkum shatsup nga nngai.

SHINGRAN 18:5

kaning rai nme law, shi a yubak lamu dep hkra law wa ai rai nna, Karai Kasang gaw shi a n ding n hpring ai lam ni hpe matsing da nu ai.

TARA AGYI 10:10

Shaloi Israela kashu kasha ni Yehowa hpe, “Anhte a Karai Kasang hpe kau da nna, Bala hpara ni hpe jaw jau gaw ai majaw, nang hpe shut kau sagaw ai law,” ngu nna jahtau mu ai.