ESAIA 1:31 - Jinghpaw Hanson Version Bible

³¹ Wa-ngan wa gaw lachyit zawn, shi a amu gaw wan n-yang zawn tai mat nna, dai yan rau hkru mat na ra ai; dai wan hpe kadai mung n sat lu ai,” nga ai.

Jinghpaw Common Language Bible 2009

³¹ Wan n-yang hte yihku wan hkru ai zawn, wa ngan n-gun ja ai masha ni mung, shanhte a n hkru ai sat lawat arawn alai hta hten byak mat na mara ai. Dai hten run ai hpe kadai mung jahkring kau lu na ra ai n rai.

ESAIA 1:31 ပူးပေါင်းရင်းမြစ်များ

ESAIA 24:6

Dai re ai majaw lamu ga gaw dagam dala hkrum sha nna, de a ntsa e shanu nga ai ni gaw mara kap ma ai; ga ntsa e nga ai masha ni hkru kau ai hkrum nna, ngam nga ai ni gaw n law ma ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 27:4

Ngai pawt ni ai, n rai; tsing hte ju hpun ni ngai hpe daw n ga lè; ngai dai ni hpe alawan htim nna, rau nat kau na we ai.

ESAIA 33:11

Nanhte mahkaw hte gawng li nna, yi hku hkrai shangai na myit dai nanhte a nsoi nsa gaw nanhte hpe hkru kau na wan rai nga ai.

ESAIA 33:14

Yubak kap ai Ziun masha ni, hkrit nga ma ai; tara n hkungga ai ni, hkrit gari ma ai: Anhte hta na kadai wa hkru ai wan hta nga lu na ga ta? htani htana wan mang hta kadai shanu lu na ga ta?

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

ESAIA 43:17

hpyen leng ni, gumra ni hte hpawn, hpyen luksuk ni hte share ninghkrin ni hpe shapraw ai wa; shanhte n rawt lu hkra lang lata shayup kau ai hte, htum nna si mat ai wan shat zawn, shanhte hpe jasim kau ai wa Yehowa ning nga ai:

ESAIA 5:24

Dai rai nna shanhte gaw Zaw nawng zaw wa up ai Yehowa a tara hpe gang kau nna, Israela a Chyoi pra ai Wa a mungga hpe n kaw n law di kau ma ai majaw, wan shinglet gaw yi hku hpe hkru kau ai hte, tsingdu chyahkraw gaw wan mang hta hkat mat wa ai zawn, shanhte a ru ni tsam mat wa nna, shanhte a pu ni, ga nhpu zawn kamawng mat na ra ai.

ESAIA 50:11

Wan shachyi nna, tinang hkum hpe wan n-yang hte shinggrup ai ni mahkra e, nanhte a wan shinglet hta mung, nanhte wut ai wan n-yang ni hta mung, hkawm nga mu. Nye a lata na nanhte hkam la ai lam chyawm gaw, da ndai rai nga ai: nanhte yawn hkyen let, yup kaleng wa na marin dai.

ESAIA 66:17

“Wa shan, yu shan, matsat shabat shan sha let, sun ni a ka-ang e nga ai sumla langai mi a makau e, tinang hkum hpe shachyoi shapra nna, jasan jaseng ai ni gaw, rau htum mat na mara ai,” nga nna Yehowa tsun ai.

ESAIA 66:24

Shanhte gaw paw pru nna ngai hpe shut hpyit ai ni a moi mang hpe hpu yu na mara ai; kaning rai nme law shanhte hpe sha ai byet si ai, n rai, shanhte hpe hkru ai wan krip ai, n rai: shanhte gaw hkrung mahkrung yawng a man e, matsat shabat hkrai tai na mara ai,” nga ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 21:12

Dawi a dap e, Yehowa ning nga ai: jahpawt shagu dinghpring ai hku tara dara mu; kashun kashe hkrum ai wa hpe, zingri ai wa a lata na mawai la mu; shing n rai, nanhte a n hkru ai amu majaw, nye a pawt kahtet ai myit, kadai n sat lu ai wan zawn, hkru na ra ai.

EZEKELA 32:21

Daru magam rawng ai n-gun ja ai ni gaw, Katsan ga ka-ang nna, shi a shingtau ni hte hpawn, shi hpe shachyen na mara ai: Shanhte mung yu wa masai; shanhte kaleng taw ma ai; nhtu hte si ai, matu n gadoi hkam ai ni zawn, shanhte rai ma ai.”

MALAHKI 4:1

Kaning rai nme law, dai nhtoi du ra ai; dai gaw wan htung zawn grung kahtet nga ai: gumrawng gumtawng ai ni hte, tara n lang ai amu galaw ai ni yawng, yi hku ndu tai na mara ai: du ra ai nhtoi gaw, npawt ndung n ngam hkra, shanhte hpe hkru kau na ra ai, nga nna Zaw nawng zaw wa up ai Yehowa tsun ai.

MAHTE 3:10

Ya e pyi dai nwa gaw, hpun pawt nhpang hkan e tawn da nga ai; dai rai nna, asi kaja nsi ai hpun nga manga hpe, kran daw kau nna wan hta kabai bang kau nga ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

SHINGRAN 19:20

Shaloi dai matse labye rim la ai hkrum wu ai; dai matse labye a masat dingsat hkam la nna, de a hkrang sumla nawku ai ni hpe hkalem kau na matu, matse labye a man e lamik kumla galaw dan ai masu ai myihtoi mung, shi hte rau rim la ai hkrum wu ai: shan lahkawng gaw, kan hte hkru nga ai wan nawng kata de, chyahkrung jahkrat bang kau ai hkrum ma ai:

SHINGRAN 20:10

Shanhte hpe hkalem la ai Nat mung, wan hte kan grung ai nawng hta jahkrat bang kau ai hkrum wu ai: dai yang e, dai matse labye hte, dai masu ai myihtoi mung, rawng nga ma ai rai nna, shanhte gaw shani shana nni nkri hkrum let, htani htana prat dingsa arawng nga lu na mara ai.

TARA AGYI 15:14

Ya Lehi shara de du jang Hpilisti masha ni shi hpe tau la let garu ma ai: shaloi Yehowa a Wenyi shi kaw aja awa du nna shi a lahpum na sumri ni gaw wan kap ai lachyit zawn dut wa nna, shi a lata na sumri ni raw mat lu ai.