ESAIA 1:30 - Jinghpaw Hanson Version Bible

³⁰ Hpa majaw nga yang, nanhte gaw alap nyip mat ai wamyi hpun hte, hka n nga ai sun zawn tai mat na marin dai.

Jinghpaw Common Language Bible 2009

³⁰ Nanhte gaw si mat wa ai wamyi hpun hte kadai mung hka n jaw ai sun zawn nyui nyip mat wa na marin dai.

ESAIA 1:30 ပူးပေါင်းရင်းမြစ်များ

NINGPAWT NINGHPANG 12:6

Abram gaw dai mung hpe ga sa wa ai rai nna, Shekim ginwang Mora ngu ai shara wamyi hpun nhpang de du ai: dai shaloi Hkanan masha ni gaw dai mung hta nga nga ma ai.

ESAIA 5:6

Ngai dai hpe shakrin kau na we ai; kadai mung lakung ni hpe n krum kau ai hte, aga hpe htu kapun na n rai: ju hpun amyu myu tu pru na ra ai; de a ntsa e marang n htu u ga, ngai sumwi ni hpe hkang da na we ai.

ESAIA 58:11

Yehowa gaw nang hpe tutnawng woi wa nna, hkraw hkun ai shara e na a myit masin hpe jahkru shakat ya ai hte, na a nrut nra ni hpe n-gun shaja ya na ra ai: nang gaw hka rawng ai sun hte, galoi n hkyet mat ai hka hpawk zawn, tai na rin dai.

ESAIA 64:5

Kabu gara ai myit hte dinghpring ai lam galaw nna, na a lam ni dum ai ni hpe, nang sa tau la ndai: yu u, nang pawt sindawng ndai, anhte yubak galaw saga ai; anhte na na wa dai hta lup saga ai; hkye hkrang la ai kaw du lu na rai ni?

ESAIA 64:6

Anhte yawng n san n seng ai wa zawn tai saga ai; anhte a dinghpring ai lam yawng, agang chyalang re ai hpun nba hte bung nga ai; anhte yawng namlap zawn nyip mat nna, anhte a shut hpyit ai gaw, nbung zawn, anhte hpe ahpawt kau mani ai.

YEREMIA 31:12

Shing rai shanhte gaw, Ziun bum pungding e sa mahkawn mangoi nna, Yehowa chyeju ngu ai, nai man, tsabyi jahku, sau, sagu kasha hte dumsu kasha lu la na matu zuphpawng na mara ai: shanhte a myit masin gaw, ntsin jaw ai sun zawn rai nga nna, shanhte htawm hpang de hpa yawn hkyen hkrum na n rai.

EZEKELA 17:24

Shing rai, ngai Yehowa gaw, tsaw ai hpun hpe shanem kau nna, nem ai hpun hpe shatsaw nngai mung, tsit lali ai hpun hpe jahkraw kau nna, hkraw ai hpun hpe tsit lali shangun nngai mung, nam mali na hpun ni yawng chye lu na mara ai: ngai Yehowa nan tsun ai hte maren shabyin nngai,” nga ai.

MAHTE 21:19

Shaloi lam makau e tu ai maihpang hpun langai mi mu wu yang, dai de shi sa nna, dai hta e alap sha mu wu ai majaw, shi gaw, “Ya kaw nna prat dingsa e, nang hta asi n si n ga,” ngu nna tsun ai: maihpang hpun gaw dai ahkring sha e hkraw kyip mat wa ai.