ESAIA 1:3 - Jinghpaw Hanson Version Bible

³ Dumsu gaw tinang madu hpe chye nga ai; lawze mung tinang madu a wakang hpe dum ma ai: Israela amyu chyawm gaw, ngai hpe n chye ma ai, hpa mung n dum ma ai.

Jinghpaw Common Language Bible 2009

³ Dumsu gaw shanhte a madu hpe chye ma ai. Lawze ni mung shanhte a madu lusha jaw ai wakang hpe chye ma ai. Rai ti mung nye a amyu masha Israela ni chyawm gaw dai daram pyi n chye ma ai. Shanhte gaw loi mi pyi n chye na nga ma ai.

ESAIA 1:3 ပူးပေါင်းရင်းမြစ်များ

SHAKAWN KUNGDAWN 94:8

Amyu masha ni hta myit n kung ai ni e, dum nga mu; Angawk ai ni e, galoi wa mi she hpaji chye na myit ta?

GA SHAGAWP 28:5

N shawp ai ni gaw, tara malang ai hku n chye ma ai; Yehowa hpe hkan tam ai ni chyawm gaw, lam shagu chye ginhka ma ai.

GA SHAGAWP 6:6

Lagawn ai wa e, kakyin hpang de sa su; Shi a arawn alai hpe sumru yu nna, hpaji rawng u.

ESAIA 27:11

Lakung lakying ni hkraw mat yang, gang daw kau ai hkrum nna, num ni hpun hta ju kau na mara ai; kaning rai nme law, dai amyu gaw nyan tang ai amyu rai nga ai: dai re ai majaw, shanhte hpe hpan da ai wa gaw, matsan dum na n rai, hpan hpajang ai wa gaw, shanhte hpe myi man shapa na n rai.

ESAIA 42:20

Nang gaw lam law law hpe mu timung, matsing nga ai n rai; shi a na hpaw nga timung, shi n chye madat ai.

ESAIA 44:18

Shing re ai ni gaw chye chyang ai myit kata, hpa mung myit n pra nga ma ai; kaning rai nme law, shanhte n mu lu hkra tinang a myi hpe mung, n chye na lu hkra, myit masin hpe mung, shi pat kau ya mu ai.

ESAIA 5:12

Shanhte a poi hta tingse, pahke, shupsheng, sumpyi hte tsabyi machyan lawm nga ai: Yehowa a magam bungli hpe chyawm gaw, shanhte hpa n nawn ai hte, shi a lata shachyen ai amu hpe hpa n dum ma ai.

ESAIA 5:13

Dai rai nna, nye a amyu masha ni gaw chye chyang ai myit n lu ai majaw, bawng rim mat wa ai hkrum nna, arawng lu ai ni kawsi kyet ai, yu maya ni gaw hpang kara let ai, hkrum ma ai.

ESAIA 56:11

Ndai gwi ni gaw lawhpa myit rawng nna, n hkru hkraw ma ai: ndai ni gaw nyan n rawng ai sagu rem ai ni rai nga ma ai; shanhte yawng lam yit nna, langai hte langai tinang akyu hkrai hkan shachyut ma ai:

YEREMIA 10:14

Masha yawng dusat myit rawng nna, nyan kata ma ai; janghkam ni yawng tinang tawk ka ai sumla majaw kaya kahpa hkrum ma ai: shi jaw ai sumla gaw masu magaw hkrai rai nga nna, shanhte hta nsoi nsa n rawng nga ai.

YEREMIA 10:8

Shanhte yawng dusat myit rawng nna, mana bu ai ni rai nga ma ai; sumla ni a lam sharin ai gaw hpun a lam sharin ai sha rai nga ai.

YEREMIA 35:16

Rehkab a kasha, Yonadab a kashu kasha ni gaw, tinang kawa a htet da ai ga hkan shatup ma ai rai nna, ndai amyu masha ni gaw nye a ga n madat ma ai majaw, Israela Karai Kasang Yehowa ning nga ai: Yu mu, ngai tsun ai tsin-yam tsindam mahkra hpe, Yuda mung hte Yerusalem mare ntsa e ngai shapraw na nngai: kaning rai nme law, ngai tsun timung shanhte n madat ma ai; ngai shaga timung, shanhte n htan hkraw ma ai, nga ai.

YEREMIA 4:22

Gaja wa, nye a amyu masha ni myit n su ma ai; shanhte ngai hpe n chye ma ai; n shawp ai kasha tai nna, nyan n rawng ma ai; n kaja ai amu hta let nga ma ai; kaja ai amu n chye galaw ma ai.

YEREMIA 50:6

“Nye a amyu gaw dam mat ai sagu tai masai; sagu rem ni gaw shanhte hpe shadam kau manu ai; bum ga ntsa e shaprang kau manu ai; shanhte gaw bum kaw nna kawng du hkra kahkrang hkawm nna, shanhte a uyup hpe malap kau manu ai.

YEREMIA 8:7

Gaja wa, ntsa malen na u kawp gaw, tinang a du hkra ladaw hpe chye nga ai; hkrudu, pilan hte mali tau ni gaw tinang bai wa na aten chye matsing ma ai: nye a amyu masha ni chyawm gaw, Yehowa a tara dara ai lam hpe n chye na ma ai.”

EZEKELA 16:30

“Kaya n chye ai shawa num zawn, ndai lam yawng nang galaw ndai majaw, na a myit masin gade ngawk nga a hka:

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

HOSEA 2:8

Dai rai nna, yu u, Ngai gaw na a lam hpe, ju hpun hte nhpan kum da nna, pru wa na hku n mu lu hkra, grup yin e bunghku gaw da na nngai.

MAHTE 13:19

Kadai mung, dai mungdan lam hpe na ninglen n chye la yang gaw, dai n hkru ai wa sa du nna, shi a myit hta gat ai nli hpe shaw la kau wu ai: dai gaw lam makau e gat ai nli hpe rai nga ai.

ROMA 1:28

Bai, Karai Kasang hpe chye chyang na man ya e n gawn n sawn di mu ai majaw, n hpru n mai re ai amu galaw mu ga, Karai Kasang gaw shanhte hpe tuk shamak ai myit hta nawng kau mu ai rai nna,

2 PETRU 3:5

Rai timung, sumsing lamu ni gaw, moi chyaloi nhkoi kaw nna nga nga ai hte, hka hta na dawng pru nna, hka e gaw da ai ginding aga hpe mung, Karai Kasang a mungga a majaw agrin nga ai hte,