ESAIA 1:26 - Jinghpaw Hanson Version Bible

²⁶ Moi na tara agyi ni zawn re ai, ngai bai san da nna, nang hpe hpaji daw ya ai ni gaw, shawng na ni hte bung na mara ai: dai hpang na a mying hpe, Dinghpring ai mare, kangka re ai shara, nga nna kajai na mara ai.

Jinghpaw Common Language Bible 2009

²⁶ Ngai gaw nanhte hpe moi moi e nanhte hta nga yu sai zawn re ai mung du ni hte hpaji jaw sara ni hpe jaw ya na nngai. Dai hpang Yerusalem gaw ding hpring ai, sadi dung ai mare ngu shamying hkrum na ra ai.”

ESAIA 1:26 ပူးပေါင်းရင်းမြစ်များ

ESAIA 1:21

Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 33:5

Yehowa gaw galu kaba nga ai; shi gaw matsaw ntsang de dung nga ai; shi gaw Ziun bum hpe tara ding nna, dinghpring ai hte jahpring da wu ai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 60:14

Nang hpe zingri zingrat ai ni a kashu kasha ni gaw, sa nna na a man e gum dagup na mara ai; nang hpe n kaw n law di ai ni yawng, na a lagaw nhpang e dingnyawm na mara ai; dai hta kaga shanhte gaw, nang hpe, Yehowa a mare, Israela Chyoi pra ai wa a Ziun mare, nga nna shamying na mara ai.

ESAIA 60:21

Na a amyu masha ni gaw, hkum ting dinghpring ai ni, tai na mara ai; ngai gaw arawng sadang lu la na matu, shanhte gaw, ngai hkai da ai bawng, nye lata shabyin ai amu ngu ai mungdan hpe, prat dingsa madu na mara ai.

YEREMIA 31:23

Israela Karai Kasang, Zaw nawng zaw wa up ai Yehowa ning nga ai: Bawng dung hkrum ai ni hpe ngai bai woi wa ai shaloi jang, Yuda mung hte de a mare ni hta nga ai ni gaw, Dinghpring ai shara e, Chyoi pra ai bum e, Yehowa nang hpe shaman ya u ga, nga nna bai tsun lu na mara ai.

YEREMIA 33:7

Yuda amyu hte Israela amyu hta na bawng dung hkrum ai ni hta na bawng dung hkrum ai ni hpe, ngai bai woi wa nna, shawoi na hte maren dè da na nngai.

EZEKELA 45:8

Dai lamu ga hpe, nye a du ni, Israela mungdan hta madu sha lu na mara ai; htawm hpang de shanhte gaw nye a amyu masha ni hpe zingri zingrat lu na n rai: shanhte gaw naw ngam nga ai lamu ga hpe, Israela amyu ni, langai hte langai hte hpe karan jaw na mara ai.

MIHKA 4:8

Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.

ZEHPANI 3:9

“Dai hpang e, amyu baw ni mahkra gaw, Yehowa amying hpe shaga nna, myit langai sha hte shi hpe daw jau lu hkra, ngai shanhte hpe san seng ai n-gup jaw na nngai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

ZEHKARIA 8:8

ngai shanhte hpe woi wa nna, shanhte gaw Yerusalem mare kata e shanu nga na mara ai; shing rai shanhte gaw nye a amyu tai nna, ngai gaw shanhte a tengman ai hte dinghpring ai Karai Kasang tai na nngai,” nga ai.

BU HKAWM 12:3

Dai Mawshe ngu ai wa chyawm gaw, ga ntsa ting na masha nlang hta myit grau sumnung ai wa rai nga ai.

BU HKAWM 16:15

Shaloi Mawshe masin grai pawt nna Yehowa hpe, “Ndai masha ni jau ai kumhpa hkum hkap la ya et; shanhte a lawze langai mi muk ngai n la ya nngai; shanhte hta na langai mi hpe muk ngai n zingri yu nngai,” ngu nna tsun wu ai.

SHINGRAN 21:27

Awu asin re ai hpa mung, matsat shabat hte masu magaw lam hkan ai wa gaw, dai mare de galoi mung shang lu na n rai: Sagu Kasha a asak laika hta amying lawm ai ni chyu sha shang lu na ma ai.