ESAIA 1:25 - Jinghpaw Hanson Version Bible

²⁵ Ngai nang hpe dun la nhtawm, na a gumhpraw hkyi atsai awai jen kau nna, nang hta kap ai jang yawng hpe mung, seng kau na nngai.

Jinghpaw Common Language Bible 2009

²⁵ Ngai gaw nanhte hpe jeyang na nngai. Ngai gaw nanhte hpe nhprang arai jen kau ai zawn jasan shapra na made ai, nanhte a n san n seng ai lam yawng hpe seng kau ya na we ai.

ESAIA 1:25 ပူးပေါင်းရင်းမြစ်များ

SHAKAWN KUNGDAWN 119:119

Mung shagu na tara n lang ai ni hpe, Hkumpup hpe zawn, nang lai kau da mu ai: Dai majaw na a sakse ga hpe ngai tsawra nngai.

ESAIA 1:22

Na a gumhpraw gaw, gumhpraw hkyi tai mat sai; na a tsabyi jahku jet gaw, ntsin hte kayau mat nga ai.

ESAIA 27:9

Dai rai nna Yaku amyu gaw yubak raw dat kau ai hkrum nna, Asherum sumla ni hte jan sumla ni htawm hpang e n nga lu hkra, shi gaw tawn hkungri ni a nlung ni mahkra hpe namhtun lung zawn agrawp kau ai gaw, shi a yubak raw dat kau ai akyu rai na ra ai.

ESAIA 4:4

Ziun bum e hti nga nna, Yerusalem mare e ngam nga ai wa ngu ai, asak jahpan hta lawm ai, Yerusalem masha langai hte langai hpe, Chyoi pra ai wa, ngu na maru ai.

YEREMIA 6:29

Sumhting wut wut rai nga ai: achyu gaw wan hta byawng mat timung, naw jen na akyu n nga ai: n kaja ai ni hpe shaw kau lu ai, n rai.

YEREMIA 9:6

Na a shanu shara gaw hkalem hkalau ka-ang e rai nga ai; hkalem hkalau a majaw, shanhte ngai hpe n chye mayu ma ai,” nga nna Yehowa tsun ai.

YEREMIA 9:7

Dai rai nna, Zaw nawng zaw wa up ai Yehowa ning nga ai: “Ngai shanhte hpe shabyawng nna, dinglik yu na nngai: shing n rai, nye amyu shayi sha hpe ngai kaning di na rai ta?

EZEKELA 20:38

ngai hpe gumlau nna, tawt lai ai ni hpe, nanhte a kata na ngai tsan kau na nngai: shanhte shanu nga ai mungdan ni hta na, ngai shanhte hpe shapraw kau timung, Israela mungdan hta shang lu na n rai: shaloi ngai Yehowa rai nga nngai hpe, nanhte chye lu na marin dai.”

EZEKELA 22:19

Dai re ai majaw Madu Yehowa ning nga ai, ‘Nanhte yawng hkyi rai nga ai majaw, yu u, ngai nanhte hpe Yerusalem mare ka-ang e, shinggyin la na nngai.

EZEKELA 22:20

Gumhpraw, magri, ahpri, achyu hte ajang hpe shabyawng na matu, bunghkrawng hta bang da nna, wan wut ai zawn, ngai gaw nye a sindawng kahtet ai hte nanhte hpe dai mare hta shinggyin tawn nna, shabyawng na made ai.

EZEKELA 22:22

Gumhpraw gaw bunghkrawng hta byawng mat ai hte maren, dai mare ka-ang e nanhte byawng mat nna, ngai Yehowa gaw nye pawt bu ai nanhte a ntsa e ru bun ai hpe nanhte chye lu na marin dai,’ nga ai.”

ZEHPANI 3:11

Shing rai, nang ngai hpe tawt lai ai amu majaw, dai shani hta e nang kaya kahpa hkrum na, n rai; kaning rai nme law, dai shaloi e gumrawng gumtawng grang ai ni hpe, na a ka-ang na ngai yeng kau nna, nye a chyoi pra ai bum hta e myit kaba ai masha, htawm hpang de nga lu na n rai.

MALAHKI 3:3

shi gaw janghkam wa zawn dung let, gumhpraw hpe jasan jaseng nna, jen yu ai zawn, Lewi kashu kasha ni hpe jen yu nna, aja hte gumhpraw zawn, shanhte hpe jet shangun na ra ai: shing rai shanhte gaw dinghpring ai hku hkan nna, Yehowa hpe kumhpa nawng ya na mara ai.

MAHTE 3:12

shi a lata hta dai hkuwawn shi lang nga ai rai nna, shi a mam chyarang hpe shi yit jasan nhtawm, shi a mam hpe gaw dum hta shinggyin bang da nna, mam nsan hpe gaw, n sat lu ai wan hte nat kau na ru ai,” ngu mu ai.

TARA JAHPRANG 32:43

Maigan amyu ni e, shi a amyu hte rau kabu mu: Shi a ali ama ni a asai matai shi htang nna, Shi hpe gumlau ai ni e dawdan na mu ai; Shi a mungdan hte shi amyu a matu gawng malai hkungga shi jaw ya na ra ai, nga ai,” rai nga ai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.