ESAIA 1:24 - Jinghpaw Hanson Version Bible

²⁴ Dai re ai majaw, Israela amyu hta Daru Magam rawng ai, Zaw nawng zaw wa up ai, Madu Yehowa gaw, Gaja wa, ngai e hpyen ai ni hpe ngai yeng kau nna, ngai e n dawng ai ni hpe, matai dawp na nngai.

Jinghpaw Common Language Bible 2009

²⁴ Dai rai nna, ya chyawm gaw, Chyahtum Chyalai N-gun rawng ai dai Madu Israela a daru magam n-gun hte hpring ai Karai Kasang tsun nga ai ga hpe madat mu: “Nye a gumlau hpyen ni e, ngai nanhte hpe matai htang na we ai, nanhte gaw ngai hpe ru yak tsin-yam tsindam loi mi mung shabyin lu na myit dai n rai.

ESAIA 1:24 ပူးပေါင်းရင်းမြစ်များ

NINGPAWT NINGHPANG 49:24

Rai timung, Yaku hta daru magam rawng ai wa a lata hte, Sagu rem wa ngu ai Israela a nlung hta nna mung, Nang hpe karum nga ai, na nwa a Karai Kasang hte,

SHAKAWN KUNGDAWN 132:2

Shi gaw, “Yehowa a matu nga ai htingra, Yaku a hpung shingkang wa a matu nga ai nta, Ngai garai n mu lu lu gaw,

ESAIA 12:6

Ziun bum hta shanu ai jan e, na a ka-ang e Israela Chyoi pra ai Wa gaw galu kaba nga ai majaw, garu jahtau u, kabu ninglaw u,” nga nna tsun na ra ai.

ESAIA 30:29

Chyoi pra ai poi galaw ai shana e zawn, nanhte mahkawn mangoi na marin dai; Israela lunghkrung ngu ai, Yehowa a bum de sumpyi dum let lung wa ai zawn, kabu gara na myit dai.

ESAIA 35:4

Da ting mu, hkum hkrit myit, ngu nna myit htum ai ni hpe tsun mu: yu mu, nanhte a Karai Kasang gaw matai htang na matu mung, shi kaw na ari jaw na matu mung, du na ra ai; nanhte hpe hkye hkrang la na matu shi nan du na ra ai.

ESAIA 49:26

Nang hpe adip arip ai ni hpe, tinang a hkum shan ngai sha shangun na nngai: dwi ai tsabyi jahku zawn tinang a asai hpe nang hkra lu shangun na nngai; shing rai, ngai Yehowa gaw, nang hpe Hkye hkrang la ai Madu, Yaku a Daru Magam rawng ai wa gaw, nang hpe Shaw Mawai la ai wa rai nga ai hpe, hkrung mahkrung chye lu na mara ai,” nga ai.

ESAIA 59:18

Shanhte a arawn alai hte maren, gumlau ni hpe myit kahtet ai, hpyen ni hpe ari ahpri, shi htang jaw na ra ai; zunlawng ni hpe mung akyu hte yubak htang jaw na ra ai.

ESAIA 60:16

Nang gaw maigan amyu ni a chyu chyu na rin dai; hkawhkam ni a madoi chyu hpang hpe chyu na rin dai; shing rai, ngai Yehowa gaw nang hpe Hkye hkrang la ai Madu, Yaku a Daru Magam rawng ai wa gaw, nang hpe Mawai la ai Madu rai nga ai hpe, nang chye lu na rin dai.

ESAIA 61:2

Yehowa sharawng awng ai shaning hte, anhte a Karai Kasang matai dawp ai shani hpe, hkaw dan na matu mung, yawn hkyen hkrum ai ni hpe shalan shabran na matu mung,

ESAIA 63:4

Kaning rai nme law, ngai matai dawp ai shani hpe ngai myit dum nna, ngai mawai la ai ni a shaning, du ra ai.

YEREMIA 50:34

Rai timung shanhte hpe Hkye hkrang la ai wa gaw, n-gun lagaw rawng ai wa rai nga ai; shi a mying Zaw nawng zaw wa up ai Yehowa rai nga ai: shi gaw gaja wa shanhte a amu hpe maga let, mungkan ting hpe asan apan di shangun nna, Babelon mare masha ni hpe sharu shatsang na ra ai.

YEREMIA 9:9

Dai yubak hpe ngai n dawdan na rai ni? dai zawn re amyu hpe ngai matai n dawp na rai ni?” nga nna Yehowa tsun ai.

EZEKELA 16:42

Shing rai, nang hpe kahtet ai myit ngai shakawp na nngai; nang hpe n-yun bu ai myit ngai dawm la ai hte, atsin sha nga nna, htawm hpang e pawt bu na n rai.

EZEKELA 21:17

Masha kasha e, hkrap shabam u; kaning rai nme law, dai nhtu gaw nye a amyu masha ni a ntsa e mung, Israela hkawhkam kasha ni mahkra a ntsa e mung, du ra ai; dai nhtu majaw nye a amyu masha ni hkrit gari ai hkrum ma ai; dai re ai majaw na a magyi hpe kahpret u.

EZEKELA 5:12

Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

EZEKELA 5:13

Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

MIHKA 5:15

Nye a ga n madat ai maigan amyu ni hpe, pawt sindawng kahtet ai hte ngai dawdan na nngai, nga nna Yehowa tsun ai.

TARA JAHPRANG 28:63

Nang hpe chyeju hte karum nna shalaw jahtam ai amu hta Yehowa awng sharawng wu ai zawn, nang hpe hpya nna shayawm shagrit ai amu hta awng sharawng na wu ai rai nna, nang wa shang sha na rin dai mung hta na ningli shamyit kau ai hkrum na rin dai.

TARA JAHPRANG 32:43

Maigan amyu ni e, shi a amyu hte rau kabu mu: Shi a ali ama ni a asai matai shi htang nna, Shi hpe gumlau ai ni e dawdan na mu ai; Shi a mungdan hte shi amyu a matu gawng malai hkungga shi jaw ya na ra ai, nga ai,” rai nga ai.

HEBRE 10:13

shi a gumlau ni hpe shi a lagaw npu e lagaw kabye lahkum tawn da ai du hkra, a la nga let, nga nga ai.

SHINGRAN 18:8

Dai re ai majaw, shi hkrum na ra ai ari zinli ngu ai, si hkrung si htan, sharung shayawt ai hte hku hku ai gaw, lani jan sha du nna, wan hte krawp hkra nat kau ai hkrum na ra ai: kaning rai nme law, shi hpe dawdan ai Madu Karai Kasang gaw, n-gun atsam kaba rawng nga ai.”