ESAIA 1:23 - Jinghpaw Hanson Version Bible

²³ Na a du ni gumlau let, lagu lagut ni a kanawn manang tai wa masai; shanhte yawng kumhpa ra nna, sake manawn sha nga ma ai; shanhte gaw chyahkrai nmai ni a matu tara ding ai hku n jeyang ai hte, gaida gaina ni a amu hpe hpa n nawn ya ma ai.

Jinghpaw Common Language Bible 2009

²³ Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 1:23 ပူးပေါင်းရင်းမြစ်များ

2 HKAWHKAM LABAU 36:14

Dai hta kaga hkinjawng ni hte mung masha ni a agyi ni mung, maigan amyu ni a matsat shabat lam shagu hpe hkan nna grai wa shut hpyit nga ma ai; Yerusalem mare hta e Yehowa shachyoi shapra da ai, shi a nta hpe mung, shanhte awu asin di kau mu ai.

PRU MAT 23:8

Nang sake manawn sha lu na ndai n rai: kaning rai nme law, dai baw kumhpa gaw hpaji rawng ai ni a myi hpe magap ya nna dingman ai ni a ga hpe gale kau ya lu ai.

GA SHAGAWP 17:23

Tara n lang ai wa gaw, tara lam hpe shanut kau na matu, Masha wa a sumbu na, sake manawn manaw la wu ai.

GA SHAGAWP 29:24

Lagut hpe hkap la ai wa gaw, tinang asak hpe n dawng nga ai; Dagam ai ga na timung, hpa n shabrawng hkraw ai.

ESAIA 1:17

Kaja ai amu galaw na sharin la mu; dinghpring ai hpe hkan shachyut mu; nni nkri hkrum ai ni hpe karum mu; chyahkrai ma ni a mata tengman ai hku jeyang mu: gaida gaina ni hpe tau mu.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 1:22

Na a gumhpraw gaw, gumhpraw hkyi tai mat sai; na a tsabyi jahku jet gaw, ntsin hte kayau mat nga ai.

ESAIA 28:14

Dai rai nna, Yerusalem mare na amyu hpe up ai jahpoi ga chye tsun ai ni e, Yehowa a ga madat mu:

ESAIA 3:14

Yehowa gaw shi amyu a du salang ni hte dawdan hkat nga ai; dai tsabyi sun sha kau ai ni, nanhte nan rai nga myit dai: matsan mayan ni kaw na kashun la ai rai ni hpe, nanhte a nta ni hta mahkawng da manu ai:

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 33:15

Dinghpring ai hku hkan ai wa, malang ai ga tsun ai wa; map lu map sha ai amyat matsat ai wa, sake manawn sha na lata gang kau ai wa, masha sat na amu n na mayu ai wa, n shawp ai amu hpe n mada yu ai wa gaw,

ESAIA 5:23

tara n lang ai ni hpe shalawt dat nna, dinghpring ai ni a dinghpring ai lam hpe shingkan ai ni gaw, dingnye lu ma ai.

ESAIA 65:2

Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 32:32

dai re ai majaw, Israela hte Yuda kashu kasha ni hte hpawn, shanhte a hkawhkam ni, du salang ni, hkinjawng ni, myihtoi ni, Yuda mung masha ni hte Yerusalem na ni gaw, tinang a n hkru ai amu mahkra hte ngai hpe pawt sindawng shangun ai majaw, ndai mare hpe nye a man na ngai htawm kau na we ai.

YEREMIA 4:17

Yuda mung ngai hpe gumlau ai majaw, shanhte gaw hkauna sin ai ni zawn, dai mung hpe wang tawn da mu ai.

YEREMIA 5:5

Shing rai salang ni hpang de ngai sa tsun na nngai; shanhte gaw Yehowa a lam hpe mung, tinang a Karai Kasang a tara ding ai lam hpe mung chye na ma ai, nga nngai rai timung shanhte gaw myit langai sha hte kandang hpe daw kau nna, sumri ni hpe gang dut kau manu ai.

YEREMIA 5:6

Dai re ai majaw, maling na hkanghkyi shanhte hpe sat kau na ra ai; shana e hkawm ai chyahkyawn, shanhte hpe kawa sha kau na ra ai; rawnggawk gaw shanhte a mare ni hpe sin nga nna, shinggan de pru ai ni yawng amya sha kau ai hkrum na mara ai; kaning rai nme law, shanhte a shut hpyit ai yubak law nga ai hte, shanhte grau nna htak mat wa ma ai.

EZEKELA 22:27

Shi a du ni mung, n tara ai sutgan lu la hkra, shan gyam nna, sai jahkaw kau ai hte, masha hpe kawa sat kau ai chyahkyawn hte bung ma ai.

HOSEA 4:18

Shanhte a lu lai sha lai poi lai wa sai; shanhte gaw tutnawng shawa num amu galaw ma ai; mung du ni gaw kaya kahpa amu grai ra ma ai.

HOSEA 5:10

Yuda du ni gaw, lamu ga jarit hpundung ni hpe sit kau ai ni zawn, rai nga ma ai: ngai gaw shanhte a ntsa de, nye a pawt sindawng ai hpe ntsin zawn, ru dat na nngai.

HOSEA 9:15

Shanhte a n hkru n hkra ai a npawt yawng, Gilgala mare hta rai nga ai; dai yang e ngai shanhte hpe n dawng n yawt nngai: shanhte a n hkru n hkra ai a amu majaw, ngai shanhte hpe nye a nta na shachyut kau na nngai: htawm hpang e shanhte hpe tsawra na, n rai: shanhte a du ni yawng, gumlau ni rai nga ma ai.

AMO LAIKA (AMOS) 5:12

Kaning rai nme law, nanhte a tawt lai ai yubak amyu myu hte, nanhte a mara gade kaba nga ai hpe, ngai chye nngai: nanhte gaw dinghpring ai ni hpe zingri zingrat nna, sake manawn sha let, matsan mayan ni hpe mare chyinghka lam e n tara ai hku dawdan myit dai.

MIHKA 3:11

Du ni gaw mayun kumhpa matu tara dara ma ai; de a hkinjawng ni gaw shabrai lu hkra sha sharin ya ma ai; de a myihtoi ni gaw ma-un lu hkra sha, htoi ma ai: rai timung, shanhte gaw, Yehowa hpe shamyet shanat let, Yehowa gaw anhte a ka-ang e rai nga ai, n rai ni? anhte ari ahpri hpa hkrum na n rai, nga nna tsun ma ai.

MIHKA 3:9

Tara ding ai lam matsat kau nna, tengman ai lam yawng hpe shanut kau ai, Yaku a dap na du ai hte, Israela dap na agyi salang ni e, ndai lam madat mara mu.

MIHKA 6:12

Kaning rai nme law, dai mare na sut su ai ni gaw kashun kashe majaw lu su ma ai; yu maya ni gaw masu ga tsun nna, shanhte a n-gup hta hkalem hkalau ai shinglet tu nga ai.

MIHKA 7:3

N hkru n hkra ai amu galaw na, shanhte a lata tsam mari shakut ma ai: du wa gaw kumhpa hpyi nga ai; tara agyi wa gaw, mayun kumhpa sha nga ai; aya kaba lu ai wa gaw, shi myit magaw ai lam shapraw dan nga ai: shing rai shanhte gaw myit langai sha hte galaw ma ai.

ZEHKARIA 7:10

gaida gaina, chyahkrai nmai, shingbyi manam wa hte matsan mayan ni hpe, adip arip hkum di mu; nanhte hta na kadai rai timung, tinang a hpunau wa hpe, n kaja ai hku hkum maw myit,’ nga nna Zaw nawng zaw wa up ai Yehowa a tsun nga timung,

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

BU HKAWM 22:7

Shing rai Moba salang ni hte Midian salang ni gaw, ma-un kumhpa gun let pru sa wa nna, Balam kaw du jang, Balak a ga htawn shana mu ai.

MAHTE 21:13

“Nye a nta hpe akyu hpyi ai nta ngu na mu ai, nga nna ka da nga timung, nanhte gaw dai hpe damya lungpu shatai myit dai,” ngu nna shanhte hpe tsun mu ai.

MARKU 11:17

Shi shanhte hpe sharin shaga nna, “Nye a nta gaw amyu baw shagu a matu akyu hpyi ai nta ngu na mu ai, nga nna ka da nga ai, n rai ni? nanhte chyawm gaw, dai hpe damya lungpu di kau manu ai,” ngu nna tsun mu ai.

LUKA 19:46

nanhte gaw ndai hpe damya lungpu shatai myit dai, ngu nna shanhte hpe shaden kau mu ai.

LUKA 24:27

Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.

TARA JAHPRANG 16:19

Tara lam hta na nang jashai lu na n rai; masha myi man tau lu na n rai; manawn kumhpa mung sha lu na n rai: kaning rai nme law, manawn kumhpa gaw hpaji rawng ai ni a myit hpe dingga kau ya nna, dingman ai ni a ga hpe gale kau ya chye ai.

YAKU 1:27

nawku htung chyawm gaw, Ru tsang kyin dut hkrum ai jahkrai nmai ni hte, gaida gaina ni hpe kawan katsan yu yu nna, mungkan ga a awu asin re ai hpe koi kau na gaw, Kawa Karai Kasang a man e san seng ai hte ra n rawng ai nawku htung rai nga ai.

1 SAMUELA 8:3

Rai timung, shi a kasha yan gaw kawa a lam n hkan ma ai: gumhpraw marin ai hte dam mat wa nna, kumhpa sha let tara jahten ma ai.