ESAIA 1:21 - Jinghpaw Hanson Version Bible

²¹ Shawng e tara ding ai hte hpring nga ai, kangka re ai mare gaw, kaning rai shawa num tai a hka! Dinghpring ai gaw dai kata e shanu nga sai; ya chyawm, masha sat ai ni hkrai dè nga ma ai.

Jinghpaw Common Language Bible 2009

²¹ Kalang mi sadi dung yu sai mare gaw shawa num langai zawn hkawm sa nga a hka! Dai mare gaw aten langai mi hta ding hpring ai masha ni hte hpring nga ai; rai ti mung ya chyawm gaw masha sat ai ni chyu sha ngam nga sai.

ESAIA 1:21 ပူးပေါင်းရင်းမြစ်များ

2 SAMUELA 8:15

Shing rai Dawi gaw Israela mungdan ting hpe up nna, shi a mung masha ni mahkra hpe tara dara ai hte dinghpring ai hku jeyang da wu ai.

2 HKAWHKAM LABAU 19:9

Bai shi gaw shanhte hpe. “Nanhte gaw hkum tsup ai myit hte Yehowa hpe hkrit kamyin let dawdan nga mu.

NEHEMIA 11:1

Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

SHAKAWN KUNGDAWN 46:4

Hka nu hte de a hka gai ni Karai Kasang a mare hte, Tsaw htum ai Wa a chyoi pra ai htingnu ni hpe, shapyaw nga ma ai.

SHAKAWN KUNGDAWN 48:1

Anhte a Karai Kasang a mare hte, Shi a chyoi pra ai bum hta e, Yehowa gaw galu kaba nga ai rai nna, Shakawn ging ai wa rai nga ai.

SHAKAWN KUNGDAWN 48:8

Zaw nawng zaw wa up ai Yehowa a mare, Anhte a Karai Kasang a mare hta e, Na yu ga ai hte maren, anhte mu yu sagaw ai: Karai Kasang gaw dai hpe tutnawng e shagrin da na wu ai. [Selah.]

ESAIA 1:22

Na a gumhpraw gaw, gumhpraw hkyi tai mat sai; na a tsabyi jahku jet gaw, ntsin hte kayau mat nga ai.

ESAIA 26:10

Tara n lang ai wa gaw, chyeju hkam la timung, dinghpring ai lam sharin la hkraw ai, n rai; malang ai hku hkan ai mung hta pyi, shi myit magaw ai hku maw nna, Yehowa a daru magam hpe nawn ai n rai.

ESAIA 48:2

chyoi pra ai mare mying hkan nna tinang hkum hpe shamying ai hte, Israela Karai Kasang hta shamyet shanat ai ni e, ndai lam madat mara mu: shi a mying gaw, Zaw nawng zaw wa up ai Yehowa rai nga ai.

ESAIA 5:7

Zaw nawng zaw wa up ai Yehowa a tsabyi sun chyawm gaw, Israela amyu rai nga ai; shi tsawra mai ai bawng gaw, Yuda masha ni rai nga ma ai: shi gaw tara ding ai hku myit mada timung, yu u, adip arip ai hkrai mu nga ai; dinghpring ai hpe myit mada timung, yu u, jahtau shabam ai hkrai na nga ai.

ESAIA 59:14

Tengman ai tara gaw, kanut mat wa sai; dinghpring ai gaw, tsan tsan e tsap nga ai; tengman ai gaw mare lam hkan e kadawng mat sai; malang ai myit gaw shang lu ai n rai.

ESAIA 59:15

Gaja wa, tengman ai ga n nga ai; shut hpyit ai hpe koi mayu ai wa gaw, kashun kashe hkrum na ra ai. Shaloi Yehowa dai lam hpe mu nna, tengman ai tara n nga ai majaw, myit n pyaw nga ai.

ESAIA 59:3

Nanhte a lata gaw asai hte, nanhte a layung ni shut hpyit ai hte, awu asin rai nga ai; nanhte a n-gup gaw masu ga tsun sai, nanhte shinglet gaw n hkru ai ga kahte tsun nga ai.

YEREMIA 3:1

Masha langai ngai, madu jan hpe kabai kau nna, num dai pru nhtawm, kaga wa hte nga sha ai hpang, shawng na madu wa gaw, dai num hpe bai kahkyin la mai a ni? shing rai galaw ai mungdan gaw, awu asin rai nga ai, n rai ni? nga nna masha ni tsun ninglen, nang gaw sumtsaw sumra law law hte mazum timung, ngai hpang de bai wa rit law, nga nna Yehowa tsun ai.

HOSEA 2:5

shing n rai yang, shi a hpun palawng ngai raw kau nna, shi shangai ai shani zawn, singgu krin shatai na we ai; zaibru jang zawn ngai shi hpe shakrin kau nna, hkun hkraw ai ga zawn, jahti da nhtawm, hpang kara ai hte sat kau na we ai.

HABAKU 1:4

Dai re ai majaw tara tang mat nna, tara malang ai hku galoi n pru hkraw ai; tara n lang ai wa gaw, dinghpring ai wa hpe wang tawn nna, tara dara yang, n jaw ai hku hkrai pru nga ai.

ZEHKARIA 8:3

Yehowa ning nga ai: “Ziun bum de ngai nhtang wa nna, Yerusalem mare ka-ang e shanu nga na nngai: Yerusalem mare hpe, Tengman ai mare, ngu nna mung, Zaw nawng zaw wa up ai Yehowa a bum hpe, Chyoi pra ai bum, ngu nna mung, shamying na mara ai,” nga ai.

LUKA 13:34

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! u kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu timung, nanhte n hkraw myit dai.

KASA 7:52

Nanhte a nji nwa ni n zingri yu ai myihtoi, kadai wa nga a ta? Dai Dingman ai Wa paw pru na lam htawn tsun ai ni hpe, shanhte sat kau ma ai; ya nanhte mung dai wa hpe ap kau ai ni, sat kau ai ni, rai nga myit dai;

HEBRE 12:22

Nanhte chyawm gaw, Ziun bum hte hkrung nga ai Karai Kasang a mare ngu ai sumsing lamu na Yerusalem mare de mung, hti n dang lu ai lamu kasa wunawng wuwa ni hpang de mung,

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 11:8

Ga malai hku Sodom hte Egutu ngu shamying ai, wudang hta shan a Madu jen da hkrum ai mare kaba a nmaw lam hta, shan a moi mang taw nga ai.

SHINGRAN 17:1

Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga: