ESAIA 1:2 - Jinghpaw Hanson Version Bible

² Yehowa ga tsun nga ai majaw, sumsing lamu e, na la u, ginding aga e, madat u: “ngai gaw kashu kasha hpe lanu lahku nna, kaba wa shangun timung, shanhte ngai hpe gumlau ma ai.

Jinghpaw Common Language Bible 2009

² Dai Madu gaw, “Ginding aga hte sumsing lamu e, ngai hpa tsun nga nngai hpe madat ya e! Ngai bau maka nna kaba wa ai kashu kasha ni ngai hpe gumlau nga masai.

ESAIA 1:2 ပူးပေါင်းရင်းမြစ်များ

2 HKAWHKAM 21:22

shi a kaji kawa ni a Karai Kasang Yehowa hpe shi kau da nna, Yehowa a lam hta n hkawm nga ai.

SHAKAWN KUNGDAWN 49:1

Masha amyu shagu ndai madat mu; Dinghta ga e nga ai ni nlang hte e, na la mu.

SHAKAWN KUNGDAWN 50:4

Shi gaw shi a amyu hpe jeyang na, aga hpe mung, Sumsing lamu hpe mung, shaga mu ai.

ESAIA 30:1

Yehowa ning nga ai: gumlau ai kashu kasha ni gaw dingnye lu ma ai: shanhte gaw ngai hta n hpa ai bawng yu nna, yubak kahtap hkra, nye a Wenyi n lawm ai, ga shaka tawn da ma ai:

ESAIA 30:9

kaning rai nme law, ndai amyu gaw, gumlau ai amyu rai nga ai hte, Yehowa a tara n madat hkraw ai kashu kasha ni rai nga ma ai:

ESAIA 31:6

Israela kashu kasha ni e, nanhte pagawn di kau ai wa hpang de, nhtang wa manu.

ESAIA 34:1

Amyu baw ni e, madat mara na matu sit sa marit; maigan amyu ni e, matsing mu; lamu ga hte de a yawng mayawng, mungkan ga hte dai hta na pru ai baw nlang, na la mu.

ESAIA 63:16

Abraham anhte hpe n chye, Israela anhte hpe n hkap la timung, nang nan, Yehowa e, anhte a Wa rai nga ndai; gaja wa, nang anhte a Wa rai nga ndai; anhte hpe mawai la ai wa e, na a amying ningsang moi chyaloi kaw nna rai nga ai.

ESAIA 65:2

Tinang myit ra ai hte maren, n kaja ai hku hkan ai gumle gumlau ai amyu hpe, nye a lata shani tup ngai ladawn wak nga nngai:

YEREMIA 13:15

Yehowa mungga tsun ai majaw, madat mara mu, na la mu; gumrawng gumtawng hkum rai myit.

YEREMIA 22:29

Lamu ga e, lamu ga e, lamu ga e, lamu ga e, Yehowa a ga madat mara u.

YEREMIA 3:22

Htak mat ai ma ni e, bai wa marit; nanhte a htak mat ai hpe ngai shamai shatsai na nngai. Yu u, anhte nang hpang de wa ga ai; nang gaw anhte a Karai Kasang Yehowa rai nga ndai.

YEREMIA 31:9

Shanhte hkrap let wa na mara ai; akyu hpyi tawngban ai ni hpe, ngai woi wa na nngai; hka kau lam hte, ahtu kataw shara n nga ai, malang ai numda lam hku, ngai shanhte hpe lakawn wa na nngai; kaning rai nme law, ngai gaw Israela kawa rai nga nngai; Ehprim gaw nye a kasha alat rai nga ai.

YEREMIA 6:19

Ginding aga e, na la u: yu u, ndai amyu gaw nye a ga n madat ai hte, nye a tara hpe n hkan hkraw ai majaw, shanhte myit mang ai lam hte maren, ngai shanhte a ntsa e tsin-yam tsindam shapraw na nngai.

EZEKELA 24:3

Gumlau chye ai amyu hpe, ‘Madu Yehowa ning nga ai, ngu nna ga shadawn hku htawn tsun u: Di hpe dun u, dun u; ntsin ru bang u;

EZEKELA 36:4

Israela bum ni e, Madu Yehowa ga madat mara mu: bum ni hte kawng ni hpe, hkaraw ni hte kadit ni hpe, grup yin e nga nna, naw ngam nga ai maigan amyu ni a man e lanep hte shatan nhkan shara tai ai, katsi katsang shara ni hte marawng marang tai mat ai mare ni a lam, Madu Yehowa ning nga ai:

AMO LAIKA (AMOS) 3:1

Israela kashu kasha ni e, Mungdan ting na amyu ni mahkra hta, nanhte hpe hkrai ngai chye nga nngai majaw, nanhte a shut hpyit ai nlang hte hpe, ngai nanhte a ntsa e du shangun na nngai,

MIHKA 1:1

Yuda hkawhkam ni Yohtam, Ahaza, Hezekia lakhtak e, Morasha masha Mihka gaw, Samari hte Yerusalem a lam lakap nna mu ai Yehowa a mungga, da ndai rai nga ai.

MIHKA 1:2

Amyu baw ni yawng hte e, madat mara mu; dinghta ga hte, dai hta rawng marawng ni e, na la mu: Madu Yehowa ngu ai Madu gaw, shi a chyoi pra ai nawku Htingnu hta na, nanhte a lam sakse hkam ya u ga.

MIHKA 3:8

Ngai chyawm gaw, Yaku hpe tinang a tara tawt lai ai lam, Israela hpe tinang a yubak lam, madun dan na matu, Yehowa a Wenyi jaw e, n-gun atsam, tara dara ai nyan hte hpung shingkang hpring nga nngai.

MALAHKI 1:6

Kasha gaw kawa hpe, mayam gaw madu hpe, hkungga ga ai: ngai kawa rai yang, ngai hpe hkungga ai, kanang? Ngai madu rai yang, ngai hpe hkrit ai, kanang? Nga nna Zaw nawng zaw wa up ai Yehowa gaw, nye a amying hpe nhpu nru di ai hkinjawng ni hpe, san nga ai. Nanhte mahtang, Na a amying hpe anhte kaning rai nhpu nru di ga ta? nga nna bai htan myit dai.

KASA 4:20

An chyawm gaw, mu la, na la sai lam ni hpe n tsun ai, n nga lu ga ai,” ngu nna shanhte hpe bai htan mu ai.

TARA JAHPRANG 1:31

nanhte hkawm sa wa ai nam mali lam dingdung hta mung, ndai shara du hkra, kawa gaw kasha hpe pawn lahku ai zawn, na a Karai Kasang Yehowa gaw nang hpe pawn lahku ai lam shagu hpe lu ai hte maren, nanhte hpang maga e naw gasat ya na ra ai,’ ngu nna nanhte hpe tsun made ai.

TARA JAHPRANG 30:19

Asak hkrung lam hte si htan lam, shaman ai chyeju lam hte dagam dala dingnye lam, na a man e dai ni ngai tawn da ya sade ai, ngu nna na a lam sumsing lamu hte ginding aga hpe ngai sakse da ya se ai: dai rai nna, nang hte na a amyu matu ni hkrung nga lu myit ga gaw, asak hkrung ai lam lata la mu:

TARA JAHPRANG 32:1

“Sumsing lamu e, madat u, ngai tsun de ga, Ginding aga, ngai tsun ai ga na la u ga.

TARA JAHPRANG 4:26

Sumsing lamu hte ginding aga e gang nna dai ni ngai nanhte hpe madat tsun da made ga, Yawdan hka rap nna nanhte shang sha ai mungdan hta gade n na yang teng teng htum mat na myit dai; dai mung hta na na wa hkrung nga lu na myit dai n rai: atsai awai htum mat kaw du na marin dai.