ESAIA 1:16 - Jinghpaw Hanson Version Bible

¹⁶ Tinang hkum kashin kau mu; tinang dai jasan jaseng mu; nanhte a n hkru ai amu hpe, nye a myi man kaw na yeng seng kau mu; n shawp ai arawn alai kau da mu.

Jinghpaw Common Language Bible 2009

¹⁶ Nanhte a hkum ni hpe asan aseng kashin kau mu. Ngai mu mada ai nanhte galaw nga ai n hkru ai amu ni yawng hpe jahkring kau mu. Rai sa, n hkru ai amu galaw ai hpe kau da ai hte

ESAIA 1:16 ပူးပေါင်းရင်းမြစ်များ

2 HKAWHKAM 17:13

Rai timung Yehowa gaw, Nanhte a n hkru ai lam ni kaw na kayin wa mu; nanhte a nji nwa ni hpe ngai hkang da ai hte, nye a shangun ma myihtoi ni a n-gup hta nanhte kaw shagun dat ai tara yawng hte maren, ngai hkang da ai lam ni hte matsun maroi ga hpe hkan nang nga mu, ngu nna myihtoi shagu hte, myi san ai ni yawng a n-gup e, Israela amyu masha ni hte Yuda amyu masha ni hpe sakse hkam ya mu ai.

SHAKAWN KUNGDAWN 26:6

Ngai nye a lata hpe dingman ai hte shin nga nngai: Yehowa e, shakawn ai nsen hte lawm lu nna,

SHAKAWN KUNGDAWN 34:14

N hkru ai hpe koi kau nna, kaja ai galaw u, Ngwipyaw ai hpe tam nna, hkan sa nga u.

SHAKAWN KUNGDAWN 37:27

N shawp ai hpe koi kau u, kaja ai amu galaw nna, Prat dingsa e anga nga u.

SHAKAWN KUNGDAWN 51:2

Nye a shut hpyit ai hpe atsai awai kashin kau ya e, Nye a yubak kaw na ngai hpe jaseng la e.

GA SHAGAWP 21:3

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

GA SHAGAWP 4:27

Hkra de pai de hkum yit et; Na a lagaw yubak lam hpe koi kau u.

ESAIA 52:11

Pru mu, pru mu, dai shara kaw na pru wa mu; n san n seng ai hpe hkum hkra myit; dai mare kata na pru wa mu: Yehowa a arung arai hpai ai ni e, tinang hkum hpe jasan jaseng mu.

YEREMIA 18:11

Dai re ai majaw, ya Yehowa ning nga ai: Yu mu, ngai nanhte a lam n hkru ai hku maw nna, nanhte a matu tsin-yam mazing da nngai: ya langai hte langai tinang a n hkru ai lam hta na kayin wa mu; nanhte a htung hking hte arawn alai hpe shading mu, ngu nna Yuda mung na ni hte Yerusalem masha ni hpe htawn tsun u, nga ai.

YEREMIA 25:5

Dai myihtoi ni gaw, Langai hte langai tinang a n hkru ai lam hte, n shawp ai arawn alai hta na, kayin wa nna, nanhte hte nanhte a nji nwa ni hpe, prat tup jaw lup, Yehowa jaw da ai mungdan hta shanu nga mu:

YEREMIA 26:3

Shanhte a n hkru ai amu majaw, ngai shanhte hpe jaw na maw ai ari dawm la hkra, shanhte madat mara nna, langai hte langai tinang a n hkru ai lam hta na kayin wa dam m nhten.

YEREMIA 35:15

Dai hta kaga ngai gaw jau jau rawt nna, nye a shangun ma myihtoi ni mahkra hpe mung, nanhte hpang de shangun dat nna, Nanhte langai hte langai hkan ai n hkru ai lam hpe koi kau mu; nanhte a arawn alai hpe shading mu; hpara tsasam ni hpe daw jau na matu hkum hkan myit; shing rai nanhte hte nanhte a nji nwa ni hpe ngai jaw da ai mungdan hta, nanhte shanu nga lu na myit dai, ngu tsun da timung, nanhte gaw tinang na pat kau nna, nye a ga n madat myit dai.

YEREMIA 4:14

Yerusalem e, nang hkye hkrang la ai hkrum lu hkra, na a kraw lawang na n hkru n hkra ai hpe kashin kau u: na a n shawp ai myit mang gaw, gaten du hkra nang hta shanu nga na rai ta?

AMO LAIKA (AMOS) 5:15

N kaja ai hpe n dawng nna, kaja ai hpe tsawra mu: mare chyinghka lam e tara malang ai hku tawn da mu: shing rai yang, Zaw nawng zaw wa up ai Karai Kasang Yehowa gaw, naw ngam nga ai Yawsep a masha ni hpe, matsan dum dam nhten.

YONA 3:8

masha hpe mung, yamnga hpe mung, lachyit nba jahpun nna, Karai Kasang hpe ja ja hpyi jahtau shangun mu: gaja wa langai hte langai, tinang nang a n hkru ai lam hte, tinang a lata a kashun kashe amu hpe, kau da shangun mu.

ZEHKARIA 13:1

“Dai shani e, Dawi a nta na ni hte, Yerusalem mare na ni a yubak mara hte agang chyalang kashin kau na hka hpawk, hpaw nga na ra ai.”

ZEHKARIA 7:7

Yerusalem mare hte, de a grup yin e nga ai mare ni hta, masha shanu nga nna, ngamu ngamai law nga ai hte, Dingda mung hte layang ga hta masha naw shanu nga ai aten e, moi na myihtoi ni a n-gup hte Yehowa jahtau tsun ai mungga hpe, nanhte madat mai ai, n rai myit ni?” nga ai.

MAHTE 3:8

Dai majaw myit malai hte ging dan ai asi si mu!

KASA 22:16

Ya hpa rai ganung nga n ta? rawt u, Shi a amying ningsang hpe gang shaga let baptisma hkam la nna, na yubak kashin kamun kau u,’ ngu nngai.

ROMA 12:9

Tsawra ai myit hta sawt ai n lawm u ga; n hkru n hkra ai hpe matsat nga mu, mai kaja ai hta manoi nga mu.

2 KORINHTU 7:1

Tsawra ai ni e, ndai ga sadi yawng hte gaw lu la gaw ai majaw, hkumhkrang hte wenyi hpe awu asin di kau ai matsat shabat hta na tinang hkum hpe jasan jaseng kau nhtawm, Karai Kasang hpe hkrit hkungga let shachyoi shapra ai lam shatup nga ga.

YAKU 4:8

Karai Kasang hpang de sit sa wa mu; shaloi shi nanhte hpang de sit wa na ra ai. Yubak galaw ai ni e, nanhte a lata hpe jasan jaseng kau mu; myit mashe rawng ai ni e, nanhte a myit masin hpe shachyoi shapra da mu.

1 PETRU 2:1

Dai re ai majaw, dai Madu gaw n-gaw nnyeng rai nga ai hpe, nanhte chyim yu manu yang gaw,

1 PETRU 3:11

N hkru ai hpe koi kau nhtawm, kaja ai galaw nga u ga, Ngwipyaw ai hpe tam nna, hkan sa nga u ga.

SHINGRAN 7:14

Ngai gaw, Nye a Madu e, nang chye nga ndai, ngu nna shi hpe htan we ai. Shaloi shi gaw, Dai ni gaw, dai ru tsang kaba kata na hkrang pru wa nna, tinang a hpun palawng hpe Sagu Kasha a asai hta hkrut jahpraw la ai ni rai nga ma ai.