ESAIA 1:11 - Jinghpaw Hanson Version Bible

¹¹ Yehowa tsun ai gaw, Nanhte a shagu hkungga ga daga, ngai hte kaning rai seng a ta? wan nat hkungga nawng ai sagu la hkrawng, hpum sau hkra kawn da ai yamnga sau hte, ngai hkru kat ni ai; usu, sagu kasha hte bainam la asai hpe ngai n ra nngai.

Jinghpaw Common Language Bible 2009

¹¹ Shi gaw, “Nang nye a matu nawng jau nga dingyang rai nga ai dai shagu hkungga mahkra hte hpe ngai ra sharawng nga ai ngu, nang myit nawn da wu ni? Shagu hkungga ni zawn nang wan nat nawng ai sagu la ni hte sau hpum ai na a ra n rawng ai yam nga ni hta jan hkra ngai lu ni ai. Ngai gaw usu ni, sagu ni hte bainam ni a asai n ra nngai.

ESAIA 1:11 ပူးပေါင်းရင်းမြစ်များ

SHAKAWN KUNGDAWN 40:6

Hkungga hte lusha kumhpa nang n ra nit dai; Nye a na lashing nang hpaw ya nit dai: Wan nat hkungga hte htingrai hkungga nang n hpyi ndai.

SHAKAWN KUNGDAWN 50:8

Hkungga jaw ai lam a majaw ngai nang hpe n dara na nngai; Na a wan nat ai hkungga ni nye a man e tut tut nga nga ai.

SHAKAWN KUNGDAWN 51:16

Shagu hkungga nang tsaw nga ndai n rai; Dai n rai taw, ngai jaw na de ai: Wan nat ai hkungga hpe mung nang n ra ndai.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 21:27

Tara n lang ai ni a shagu hkungga gaw, matsat shabat rai nga ai; Mara raw na matu nawng ya ai rai yang, grau nna rai nga ai.

GA SHAGAWP 21:3

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

ESAIA 58:2

Rai timung shanhte gaw shani shagu ngai hpe hkan tam nna, nye a lam ni chye lu hkra, awng sharawng ma ai: dinghpring ai lam hkan nna, tinang Karai Kasang a ga matsun ni hpe hkan shatup ai amyu zawn, shanhte ngai kaw nna dinghpring ai tara lam hpyi let, Karai Kasang hpang de sit sa na, sharawng nga ma hka!

ESAIA 66:3

Usu lang ai wa gaw, masha sat ai wa hte bung nga ai; sagu kasha hpe nawng ya ai wa gaw, gwi du htau ai wa hte bung nga ai; lusha hkungga jaw ai wa gaw, wa sai hkungga jaw ai wa hte bung nga ai; lawban nat nawng ya ai wa gaw, sumla hpe shaman ya ai wa hte bung nga ai. Gaja wa shanhte gaw tinang ra ai lam lata la nna, tinang a myit masin gaw, tinang matsat shabat lam hta pyaw nga ma ai.

YEREMIA 6:20

Sheba mung na lawban hpe mung, sumtsan mung na maza hpun hpe mung, hpa majaw ngai hpang de la sa n ta? nanhte a wan nat hkungga hpe ngai n ra nngai, nanhte a shagu hkungga hpe ngai n sharawng nngai.”

YEREMIA 7:21

“Israela Karai Kasang, Zaw nawng zaw wa up ai Yehowa ning nga ai: Nanhte a wan nat hkungga ni hte mayu hkungga ni hpe, rau tawn da nna shan sha mu.

HOSEA 6:6

Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

HOSEA 8:13

Ngai hte seng ai shagu hkungga gaw, nawng ya ai ni sat nna, de a shan hpe sha ma ai; Yehowa chyawm gaw dai ni hta sharawng lu ai, n rai: ya shi gaw, shanhte a shut hpyit ai hpe dum nna, shanhte a yubak majaw ari jaw na ra ai; shanhte gaw Egutu mung de nhtang wa na mara ai.

AMO LAIKA (AMOS) 4:5

matsi rawng ai muk hte chyeju dum ai kumhpa nawng ya nna, dingsa jaw ai kumhpa daw jau let, ndai lam shana ya mu: kaning rai nme law, Israela kashu kasha ni e, nanhte gaw ndai lam sharawng awng nga myit dai, nga nna Madu Yehowa tsun ai.

AMO LAIKA (AMOS) 5:21

Nanhte galaw ai poi ni hpe ngai n dawng nna, matsat kau nngai; nanhte a shawa zuphpawng ni hta, ngai sharawng awng nga na n rai.

AMO LAIKA (AMOS) 5:22

Gaja wa, nanhte gaw, wan nat hkungga hte shadung hkungga ngai hpe nawng ya timung, ngai n hkap la na nngai: hpum sau ai yamnga ni hpe, mahku hkungga jaw timung, ngai hpa n nawn na nngai.

MIHKA 6:7

Yehowa gaw sagu la hkying mi hte, sau hka mun ni hpe, sharawng awng na rai kun? Ngai tawt lai ai amu matu, nye a kasha alat hpe, nye myit masin yubak a matu, nye nshang na hkrat ai ma hpe, gawng malai hkungga shatai na rai ni?

HAGI 2:14

Shaloi Hagi gaw, Ndai amyu hte, ndai mung masha ni gaw nye a man e dai zawn rai nga ma ai; shanhte a lata galaw ai amu mahkra mung, dai zawn rai nga ai; ndai yang e shanhte nawng ya ai kumhpa mung, n san n seng nga ai, nga nna Yehowa tsun ai.

ZEHKARIA 7:5

Mung masha ni mahkra hte, hkinjawng ni hpe ning ngu tsun mu: “Nanhte gaw, ndai sanit shi ning tup, shata manga hte shata sanit hta, lusha gam nna hkrap ngu hkrap ngoi nga yang, gaja wa, ngai ra ai hte maren, lusha gam nga myit ni?

MALAHKI 1:10

Nye a tawn hkungri ntsa e, awan kaman sha n shachyi kau myit ga, nye a nta na chyinghka ni hpe la da mayu ai wa, kadai? Nanhte hpe ngai n ra nngai; nanhte a lata na shagu hkungga hpe ngai n hkap la na nngai, nga nna Zaw nawng zaw wa up ai Yehowa tsun ai.

BU HKAWM 7:45

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

MAHTE 22:4

Bai mayam kaga hpe shi shangun dat nna, ‘Yu mu, nye a poi gaw jin jin rai sai; nye a usu ni hte kawn da ai yamnga ni hpe sat kau ngut sai; yawng mayawng jin jin rai sai: hkungran ai poi de sa marit,’ ngu nna shaga da sai ni hpe sa tsun mu,” ngu dat wu ai.

MAHTE 9:13

Dai rai nna, Hkungga jaw ai lam n rai, matsan dum ai lam she ngai tsaw nga nngai, nga ai ga hpe chye lu mu ga, sa sharin la mu: Kaning rai nme law, dinghpring ai ni hpe shaga na n rai, yubak kap ai ni hpe shaga na she ngai sa du nngai,” ngu mu ai.

1 SAMUELA 15:22

Bai Samuela gaw, “Yehowa gaw, shi a ga madat ai hta awng sharawng ai zawn, wan nat hkungga hte hkungga amyu hta awng sharawng na a ni? Yu u, madat mara ai gaw hkungga shan hta grau nga ai; tsun ai hku hkan ai gaw, sagu la sau dung hta grau kaja nga ai.