EHPESU 6:9 - Jinghpaw Hanson Version Bible

⁹ Nanhte mung, madu ni e, shanhte hpe dai hte maren galaw nga nna, daru kajet ai lam hpe sharang kau mu: shanhte hte nanhte a Madu gaw sumsing lamu e adung nga ai rai nna, shi a man e myi man tau yu shara n nga ai gaw, adum nga mu.

Jinghpaw Common Language Bible 2009

⁹ Madu ni e, nanhte mung dai hte maren nanhte a mayam ni a ntsa e galaw hkan sa nga mu; shanhte hpe jahkrit ai lam ni jahkring kau mu. Nanhte hte nanhte a mayam ni gaw sumsing lamu hta e Madu langai sha hte seng ai ni rai nna dai Madu gaw langai hte langai hpe myi man n lata ai sha tara daw dan ai wa rai nga ai hpe myit dum nga mu.

EHPESU 6:9 ပူးပေါင်းရင်းမြစ်များ

NEHEMIA 5:5

Ya rai timung anhte a hkum shan, hpunau ni a hkum shan zawn rai nga ai; anhte a kashu kasha ni shanhte a kashu kasha ni zawn rai nga ninglen, anhte gaw, anhte a shayi shadang sha ni hpe dut nna mayam shatai nga ga ai; gaja wa, ya e pyi, anhte a shayi sha nkau mi mayam tai nga ma ai: masha kaga ni anhte a yi hkauna ni hte tsabyi sun ni hpe madu nga ai majaw, anhte hpa mung n galaw lu ga ai,” nga ma ai.

YOBA 34:19

Shi gaw du ni a myi man n tau yu ai hte, matsan mayan ni hta sut su ai ni hpe, grau hkungga nga ai, n rai. Shi a lata shanhte nlang hte hpe hpan da mu ai.

SHAKAWN KUNGDAWN 140:12

Nni nkri hkrum ai ni a jeyang na lam hte, Matsan mayan ni a tara dara ai lam hpe, Yehowa tawn da nga ai gaw, ngai chye nga nngai.

HPAJI NINGLI 5:8

Mungdaw hkan e matsan mayan ni hpe zingri zingrat nna, adip arip re ai ni gaw tara lam hte dinghpring ai hpe shanut kau ai nang mu hkrup yang, hkum mau et: kaning rai nme law, tsaw htum ai shara hte grau tsaw nga ai wa langai mi yu matsing nga ai rai nna, shanhte hta grau tsaw ai ni mung rai nga ma ai:

ESAIA 47:6

Ngai gaw nye a amyu hpe pawt kahtet nna, nye a sali wunli hpe jahpoi kau ai hte, na a lata hta shanhte hpe ap kau nngai: nang chyawm gaw shanhte hpe matsan n dum nna, prat kaba ni a ntsa e pyi, li ai kandang mara da nu ai.

Daniela 3:15

Ya nanhte gaw, pahtau, pahke, tingse, sumpyi, chying bau, baja hte dum ai baw amyu myu ngoi ai nsen na jang, ngai galaw da ai sumla hpe gum dagup nawku na matu jin jin rai nga mu; shing n rai yang, dai aten e pyi, grung nga ai wan htung hta nanhte kabai bang kau ai hkrum na myit dai: nye a lata na nanhte hpe mawai la lu ai hpara gaw, kadai rai ta?” ngu nna shanhte hpe sharim mu ai.

Daniela 3:6

n naw n ku ai wa kadai mung, dai ahkying hta pyi, grung nga ai wan htung hta kabai bang kau ai hkrum na ra ai,” nga nna jahtau tsun ai.

JAW JAU 19:13

Na a htingbu manang wa hpe adip akrip di lu na n rai, shi a arai hpe mung hpya sha lu na n rai, nchyang ma a shabrai hpe shana tup nhtoi htoi hkra shadang da lu na n rai.

MALAHKI 3:5

Nanhte hpe tara dara na matu, ngai ni wa nna, shaba wawt ai ni, num shaw la shaw ai ni, masu lam dagam ai ni, nchyang shabrai n jaw ai zingri ai ni, gaida gaina hte chyahkrai nmai ni hpe zingri ai ni, malet nhprang manam hpe maw sha map sha ai ni hte, ngai hpe n hkrit hkungga ai ni a man e, larau ladau re ai sakse ngai tai na nngai, nga nna Zaw nawng zaw wa up ai Yehowa tsun ai.

MAHTE 22:10

Dai rai nna, dai mayam ni gaw nmaw lam de pru sa nna, mu hkrup ai yawng hte hpe, n kaja ai ni rai timung, kaja ai ni rai timung, jahpawng tawn la mu ai rai nna, dai poi hta dung nga ai ni hpring chyat rai nga ai.

MAHTE 22:8

Dai hpang shi a mayam ni hpe, “Nye a hkungran ai poi jin jin rai sai, rai timung, shaga da ai ni ging dan nga ma ai n rai:

MAHTE 24:48

Dai n shawp ai mayam chyawm gaw, Nye a Madu gaw wa na naw na la nga ai, nga nna shi a kraw kata e a tsun nga ai hte,

MAHTE 24:51

shi hpe katawng daw kau nhtawm, shi a daw hpe hpyi hpun ai ni hte rau tawn da na ru ai: dai yang e hkrap ngu hkrap ngoi ai hte wa udik ai rai na ra ai.

MAHTE 7:12

Masha ni nanhte hpe hkan galaw na, nanhte tsaw matsaw hte maren, nanhte mung dai hku shanhte hpe hkan galaw mu: dai gaw, jep ai tara hte myihtoi ni a ga kanu rai nga ai.

LUKA 6:31

Masha ni nanhte hpe hkan galaw na, nanhte tsaw myit dai hte maren, nanhte mung dai zawn shanhte hpe hkan galaw mu.

YAWHAN 13:13

Nanhte ngai hpe, Sara nga nna mung, Madu nga nna mung, hkungga myit dai: dai hte maren ngai rai nga nngai majaw, nanhte a ga mung rai la sai.

KASA 10:34

Shaloi Petru ga hpaw nna, “Karai Kasang masha myi man n tau ai gaw, ya ngai gaja wa chye se ai:

ROMA 2:11

kaning rai nme law, Karai Kasang gaw masha a myi man lata nga ai n rai.

1 KORINHTU 1:2

Korinhtu mare na Karai Kasang a Hpung hta lawm ai ni hte, shara shagu hkan na, shanhte a shara hta mung, an a shara hta mung, anhte a Madu Yesu Hkristu a amying ningsang hpe shaga nga ai ni yawng hte hpe, ga shana dat ga ai.

1 KORINHTU 7:22

Kaning rai nme law, mayam rai nga yang, dai Madu e shaga la ai hkam ai wa gaw, dai Madu a shanglawt rai nga ai; dai hte maren shanglawt rai nga yang, shaga la ai hkam ai wa gaw, Hkristu a mayam rai nga ai.

TARA JAHPRANG 10:17

Na a Karai Kasang Yehowa gaw Karai ni a Karai, Madu ni a Madu, galu kaba ai, daru magam re ai, hkrit kang mai ai Karai Wa rai nga ai; shi gaw myi man n tau, manawn kumhpa n sha ai;

KOLOSE 3:25

N ding n man ai hku galaw ai wa gaw, tinang a n ding n man ai hpe nhtang hkam sha na ra ai rai nna, myi man tau yu ai lam n nga lu ai.

KOLOSE 4:1

Madu ni e, nanhte mung sumsing lamu e Madu lu nga myit dai hpe chye nga myit dai majaw, dingman ai hte ging ram ai hku mayam ni hpe marang nga mu.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

YAKU 2:8

Dai rai nna, Na a htingbu wa hpe na a hkum hte maren nang tsawra lu na ndai, nga nna Chyum laika hta rawng ai hkawhkam tara hpe, nanhte shatup mu yang gaw, nanhte mai kaja ai hpe galaw nga myit dai.

YAKU 5:4

Yu mu, nanhte a yi hkauna ni hpe dan shangun nhtawm, nanhte hkalem sha kau ai bungli galaw ai ni a shabrai gaw, jahtau nga ai rai nna, mam dan ai ni a garu ai nsen mung, dai Madu Seba-ut a na hta e hkrang shang wa sai.

1 SAMUELA 15:17

Shaloi Samuela gaw, “Nang gaw, nang hkum dai pyi, kaji dum ai wa rai nga ninglen, Israela amyu ni a baw nang tai nit dai, n rai ni? Yehowa nang hpe Israela amyu ntsa e hkawhkam shatai na namman chya nit dai;