EHPESU 6:8 - Jinghpaw Hanson Version Bible

⁸ Mayam rai timung, shanglawt rai timung, mai kaja ai bungli hpa rai timung galaw a yang gaw, dai Madu gaw, langai hte langai hte hpe jaw htang na ru ai, chye nga mu.

Jinghpaw Common Language Bible 2009

⁸ Mayam hpe rai ti mung, shanglawt hpe rai ti mung Karai Kasang gaw langai hte langai hpe shi galaw ai mai kaja ai amu a matu jaw htang na ra ai dum chye nga mu.

EHPESU 6:8 ပူးပေါင်းရင်းမြစ်များ

GA SHAGAWP 11:18

Tara n lang ai wa gaw, maw sha map sha ai shabrai lu la nga ai; Dinghpring ai nli gat ai wa chyawm gaw, grin nga ai shabrai lu la na ra ai.

GA SHAGAWP 23:18

Gaja wa, dawdan ai aten du na ra ai, Nang myit mada ai lam hten wa na, n rai.

ESAIA 3:11

Tara n lang ai wa gaw, dingnye hkrum u ga; shi lata galaw ai amu, shi nan hkrum sha ai majaw, shi hta yak la nga ai.

MAHTE 16:27

Kaning rai nme law, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe bai htang na ra ai.

MAHTE 20:7

Shanhte gaw, Kadai mung anhte hpe n saw mi ai, ngu mu ai. Shi gaw, Nanhte mung dai sun de sa wa ma su, ngu mu ai.

MAHTE 5:12

kabu nna pyaw pyaw rai nga mu; kaning rai nme law, sumsing lamu hta e nanhte a shabrai kaba nga malit dai: nanhte a shawng na myihtoi ni hpe mung shanhte dai hte maren zingri zingrat di kau manu ai.

MAHTE 6:1

Masha ni mada mu lu mu ga, shanhte a man e sha, nanhte a daw ya ai amu hpe nanhte n galaw myit ga, sadi nga mu: shing n rai yang gaw, sumsing lamu hta nga ai nanhte a Kawa kaw na, nanhte shabrai n lu na mu ai.

MAHTE 6:4

shing rai, na a alu jaw ai amu n dan n leng ai hta rai nga lu na rai nna, n dan n leng ai shara hpe mu lu ai, na a Nwa gaw, nang hpe bai htang na rin dai.

LUKA 14:14

shing rai jang gaw, nang a lu na ndai: shanhte nang hpe chyeju htang lu na ma ai n rai: dai re ai majaw, tengman ai ni a bai hkrung rawt wa ai hta, de a akyu chyeju nang hkam la na rin dai,” ngu wu ai.

LUKA 6:35

Dai rai nna nanhte gaw, nanhte a hpyen ni hpe tsawra mu; shanhte hpe kaja ai hku galaw mu; myit hpa mung n ru ai sha hkoi shap ya mu; shing rai jang, nanhte a shabrai kaba wa na hte, Tsaw htum ai wa a kasha ni mung nanhte tai na marin dai: kaning rai nme law, shi gaw chyeju malap kau ai ni hte, n hkru n hkra re ai ni hpe malawm magawm di mu ai.

1 KORINHTU 12:13

Kaning rai nme law anhte yawng mayawng, Yuda ni hte Heleni ni rai timung, mayam ni hte shanglawt ni rai timung, hkumhkrang langai sha tai na matu, Wenyi langai sha hta e baptisma hkam saga ai rai nna, nlang hte gaw Wenyi langai hta sha jawm dagrawng saga ai.

2 KORINHTU 5:10

Kaning rai nme law, dai hkumhkrang hte kaja ai rai timung, n kaja ai rai timung, galaw saga ai hte maren, langai hte langai hkam la shajang mu ga, anhte nga manga Hkristu a tingnyang man e dawng pru na ra ga ai.

GALATI 3:28

Nanhte yawng mayawng gaw Hkristu hta e langai sha rai nga myit dai majaw, Yuda wa ngu na mi n nga, Heleni wa ngu na mi n nga; mayam ngu na mung n nga, shanglawt ngu na mung n nga; lasha, numsha ngu na mi mung n nga lu ai.

KOLOSE 3:11

dai gawng shing-yan ningnan hta, Heleni masha hte Yuda masha, matu gadoi hkam ai wa hte matu gadoi n hkam ai wa, karing karang masha, Skuti masha, mayam wa, shanglawt wa ngu ai mi n nga lu ai sha, Hkristu gaw yawng mayawng rai nga nna nlang hte hta a rai nga ai.

KOLOSE 3:24

dai Madu a matu zawn galaw nga nna, myit masin yawng hte a shaja nga mu: dai Madu Hkristu kaw nanhte yamnga myit dai.

KOLOSE 3:25

N ding n man ai hku galaw ai wa gaw, tinang a n ding n man ai hpe nhtang hkam sha na ra ai rai nna, myi man tau yu ai lam n nga lu ai.

HEBRE 10:35

Dai re ai majaw, shabrai kaba hte hpu ging ai nanhte a nden ja ai myit hpe, hkum kau hkum tat myit.

HEBRE 11:26

Hkristu a matu aroi arip hkrum ai gaw, Egutu mung na sutgan hta grau kaja ai sutgan rai nga ai, myit nawn wu ai: kaning rai nme law, bai lu la na ra ai shabrai hpe shi myit tau mada nga ai.