EHPESU 6:4 - Jinghpaw Hanson Version Bible

⁴ Nanhte mung, nu wa ni e, nanhte a kasha ni hpe masin hkum shapawt myit: dai Madu a sharin achyin ai hte daru shadum ai lam hta, shanhte hpe bau maka nga mu.

Jinghpaw Common Language Bible 2009

⁴ Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

EHPESU 6:4 ပူးပေါင်းရင်းမြစ်များ

NINGPAWT NINGHPANG 18:19

kaning rai nme law, Abraham a lam Yehowa tsun da ai ga ndat hte maren shi hta shadik lu hkra, Yehowa a lam hkan nga nna, dinghpring ai lam hte tara tengman ai lam hpe shatsup lu na matu, Abraham gaw shi a kashu kasha ni hte shi a dinghku na ni hpe, shi hpang hkan nang nga mu ga nga, shi hkang na ra ai gaw ngai chye da we ai,” nga ai.

1 HKAWHKAM LABAU 28:20

Bai Dawi gaw shi a kasha Shawlumon hpe, “N-gun da ting nna myit nden shaja u; dai amu hpe galaw u; hkum hkrit et; myit hkum hten et; nye a Karai Kasang, Karai Kasang Yehowa, nang hte rau rai nga ai: daw jau na amu matu Yehowa nta ngut wa lu hkra, nang hpe shinggan kau na, nang hpe kau da na, n rai.

1 HKAWHKAM LABAU 29:19

ngai sha Shawlumon hpe mung, na a hkang da ai ga, sakse ga, matsun maroi ga hte lam yawng mayawng hte hte, ngai hkyen tawn ai htingnu hpe galaw shangut lu na matu, hkum tsup ai myit jaw ya e law,” ngu nna hpyi wu ai.

GA SHAGAWP 19:18

Myit mada shara naw nga yang, tinang kasha hpe sharin u; Shi akyu hten hkra, matsan hkum dum et.

GA SHAGAWP 22:15

Angawk ai myit gaw, ma kaji a myit hta manoi nga ai; Rai timung, sharin ai shingna gaw, dai hpe tsan tsan shapraw kau nga ai.

GA SHAGAWP 22:6

Ma kaji hpe, shi hkan mai ai lam hta sharin u; Shing rai yang, dingla wa yang pyi, lam n yit na ra ai.

GA SHAGAWP 29:15

Shingna hte shadum jahprang ai gaw, hpaji hpe shapraw nga ai; Tinang myit machyu ai ma chyawm gaw, kanu hpe kaya jahkrum nga ai.

GA SHAGAWP 29:17

Na nsha hpe sharin u; shing rai yang, shi nang hpe ban sa shangun nna, Na a myit masin hpe, kabu shangun na ra ai.

ESAIA 38:19

Hkrung nga ai wa sha, gaja wa hkrung nga ai wa sha, dai ni ngai galaw ai hte maren, nang hpe shakawn na ra ai: Kawa gaw kashu kasha ni hpe, na a tengman ai lam sharin na ra ai.

EHPESU 6:3

nga nna htet da ai ga gaw, ga ndat lawm ai, shawng na htet da ai ga rai nga ai.

TARA JAHPRANG 4:9

Dai rai nna, nang hkum nan myi chyi mu lu sai lam ni hpe nang n malap kau ai sha, prat dingsa matsing gun nga lu n ga, tinang hkum nan sadi nna, tinang myit masin hta a maja nga u; dai lam ni hpe na a nshu nsha ni e mung sharin achyin ya nga u:

TARA JAHPRANG 6:7

ga ndai, na nsha ni hpe nang sharin achyin ya nga lu na rai ndai; nta e dung nga let mung, lam e hkawm sa let mung, taw nga rawt wa let mung, ga dai a tsun nga lu na rai ndai.

KOLOSE 3:21

Kanu kawa ni e, nanhte a ma ni myit n kaji u ga, shanhte hpe hkum jahte nga mu.

2 TIMOHTI 1:5

nang hta jung ai n sawt ai makam masham hpe mung ngai bai dum nga ai hte, dai gaw na nwoi dwi Lui hte, na nnu Uni yan hta shawng jung nga nna, nang hta e mung a jung nga ai hpe, ngai myit tawng nga nngai.

2 TIMOHTI 3:15

nang hpe hpaji byeng-ya jaw lu ai chyoi pra ai Chyum laika ni hpe ma kaji prat kaw nna nang chye nga nit dai hpe mung, adum nga let, nang sharin la nna myit tawng da ai lam ni hta, agrin nga u.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.

TARA AGYI 13:12

Bai Mano gaw, “Na a ga dik wa lit ga law; ma dai kaning re ai wa tai na ra ta? shi hta an kaning ning di na rai ta?” ngu nna san wu ai.