EHPESU 6:1 - Jinghpaw Hanson Version Bible

¹ Ma ni e, nanhte a kanu yan kawa hpe dai Madu hta madat mara nga mu: dai gaw ging dan ai lam rai nga ai.

Jinghpaw Common Language Bible 2009

¹ Ma ni e nanhte a Kanu yan Kawa a ga hpe madat mara nga mu, shing rai galaw ai gaw Hkristan ni hku nna galaw na ang ai amu rai nga ai;

EHPESU 6:1 ပူးပေါင်းရင်းမြစ်များ

NINGPAWT NINGHPANG 28:7

Yaku gaw kanu yan kawa ga madat nna Hpadan Aram de sa mat wa ai mung;

NINGPAWT NINGHPANG 37:13

Shaloi Israela gaw Yawsep hpe shaga nna, Na nhpu ni Shehkem e rem nga ma ai, n rai ni? wa rit, nang hpe shanhte hpang de ngai shangun dat de ga, ngu wu ai: shi gaw, Ngai nang nga nga nngai, ngu nna htan wu ai.

NINGPAWT NINGHPANG 48:12

Yawsep gaw kasha yan hpe kawa lahpyen na shaw la nhtawm, ga du hkra myi man gum dagup wu ai.

NINGPAWT NINGHPANG 50:12

Shing rai Yaku a shadang sha ni gaw shanhte hpe tsun da ai madat hte maren kawa hpe di mu ai:

NEHEMIA 9:13

Nang nan Sina bum ntsa de yu wa nna, sumsing lamu kaw nna shanhte hpe shaga let, tengman tara dara ai lam, kangka re ai tara, mai kaja ai matsun maroi ga hte htet da ai ga, nang shanhte hpe jaw da mu ai:

ESHTA 2:20

Eshta chyawm gaw, Mordehkai shi hpe bau maka nga yang, sharin achyin ya ai hte maren, naw a madat nga ai rai nna, shi a kahpu kanau ni hte shi a amyu a lam, hpa mung n tsun shabrawng nga ai.

YOBA 33:27

Bai shi gaw, “ngai shut ni ai; tengman ai lam hpe hkalau kau nngai; rai timung, matai htang ai n hkrum ai sha,

SHAKAWN KUNGDAWN 119:128

Dai majaw na a ga matsun nlang teng nga ai, ngai nga nna, Masu ai lam shagu hpe n dawng kau nngai.

SHAKAWN KUNGDAWN 119:75

Yehowa e, na a tara dara ai lam, dingman nga ai rai nna, Sadi sahka hte nang ngai hpe sharin ndai hpe, ngai chye nga nngai.

SHAKAWN KUNGDAWN 19:8

Yehowa a jep ai tara dingman nga ai rai nna, myit masin hpe kabu shangun ya nga ai. Yehowa htet da ai ga asan apra rai nga nna, shinggan myi sha hpe jahtoi ya nga ai.

GA SHAGAWP 1:8

Ngai sha e, wa a sharin achyin ai ga madat mara u; Nnu a tara hpa mung, hkum gang kau et.

GA SHAGAWP 23:22

Nang hpe shaprat ai, nwa ga hpe madat u; Asak kaba ai, nnu hpe, n sawn n sang hkum di et.

GA SHAGAWP 30:11

Tinang kawa hpe dagam kau nna, Kanu hpe mung, n shaman ya ai masha amyu;

GA SHAGAWP 30:17

Tinang a kawa hpe asawng nna, Kanu a ga n kaw madat ai wa a myi hpe, Hkaraw na u hka ni malawk kau ya nna, Langda hkalung ni sha kau na mara ai.

GA SHAGAWP 6:20

Ngai sha e, na nwa a htet da ai ga hpe hkan nang u; Nnu a tara hpe mung hkum gang kau et.

YEREMIA 35:14

Tsabyi jahku n lu na matu, Rehkab a kasha Yonadab gaw, shi a kashu kasha ni hpe htet da ai ga grin nga nna, shanhte gaw tinang a kawa htet da ai hte maren, dai ni du hkra tsabyi jahku n lu ma ai: ngai chyawm gaw jau jau rawt nna, nanhte hpe a tsun nga timung, nanhte nye a ga n madat myit dai.

YEREMIA 35:18

Bai Yeremia gaw Rehkab a nta dap na ni hpe, Israela Karai Kasang Zaw nawng zaw wa up ai Yehowa ning nga ai: Nanhte gaw nanhte a nwa Yonadab a htet da ai ga madat nna, shi nanhte hpe hkang da mada hkan shatup myit dai majaw, Israela Karai Kasang Zaw nawng zaw wa up ai Yehowa ning nga ai: Rehkab a kasha Yonadab a matu mara ni gaw, nye a man e tsap nga na, galoi htum na n rai, ngu nna htawn tsun mu ai.

YEREMIA 35:8

Anhte gaw, anhte a wa ngu ai, Rehkab a kasha Yonadab, anhte hpe htet da mada hte maren madat mara let, anhte mung, kasha ni a kanu ni mung, shayi shadang sha ni mung, prat tup tsabyi jahku n lu ga ai;

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

JAW JAU 19:3

Nanhte hkum shagu tinang a kanu kawa hpe hkungga lara rai lu na myit dai: ngai tawn da ai laban nhtoi ni hpe mung dum nga lu na rai myit dai: ngai gaw nanhte a Karai Kasang Yehowa rai nga nngai.

LUKA 2:51

Shi chyawm gaw shan hte rau yu wa nna, Nazaret mare de du wa ai: shan a npu e mung shi taw nga ai: shi a kanu gaw dai ga mahkra hpe shi kraw hta matsing da wu ai.

ROMA 12:2

Dai hta kaga, ndai dinghta ga a myit n hkan dagraw ai sha, Karai Kasang a mai kaja ai, sharawng awng ai hte hkum tsup re ai myit mang lam hpe nanhte chye ginhka lu myit ga, myit nnan lu la na hku arawn asam galai nga mu.

ROMA 16:2

chyoi pra ai ni a ging dan ai hku hkan nna, dai Madu hta e shi hpe hkap hkalum la nhtawm, hpa lam rai timung shi ra ai hte maren, shi hpe tawn nga mu; kaning rai nme law, shi hkum nan masha law law wa hpe mung, ngai hpe mung, tau ga sai.

ROMA 7:12

Dai rai nna, jep ai tara gaw chyoi pra nga ai; dai ga matsun mung, chyoi pra, dinghpring ai hte mai kaja nga ai.

1 KORINHTU 15:58

Dai re ai majaw ngai tsaw ngai ra ai hpunau e, nanhte gun hpai ai amu gaw dai Madu hta e kaman lila n rai nga ai dum chye nga let, ngang ngang kang kang, dakring dalang nga nga nna, dai Madu a bungli hta tutnawng e tsam mari shakut sharang nga nga mu law.

TARA JAHPRANG 21:18

Masha langai ngai n shawp ai hte n hkru myit rawng nna kanu kawa shaga n madat ai kasha, kanu kawa gade sharin timung, sharin n lu ai kasha lu ai rai yang,

1 TIMOHTI 5:4

Gaida jan langai ngai kasha, shing n rai kashu lu a yang gaw, shanhte gaw tinang a nta na ni hpe tara hkungga ai myit shawng e madun nna, tinang a kanu kawa ni hpe chyeju nhtang jaw na, sharin nga mu ga: dai gaw Karai Kasang a man e sharawng awng ai lam rai nga ai.

1 PETRU 2:13

Dai madu a marang e, masha hta na san tawn da ai aya shagu a npu e, a taw nga mu;

RUHTA 3:5

Ruhta mung, “Nang tsun matsun ngai galaw na nngai,” nga nna shi e tsun wu ai.

1 SAMUELA 17:20

Shaloi Dawi jahpawt jau jau e rawt nna, sagu ni hpe sagu rem ai wa langai mi a lata hta ap kau da nhtawm, kawa Yese hkang dat ai hte maren shahpa la gun nna sa wa ai: shing rai, hpyen luksuk ni hpyen hkyen garu let, gasat na pru ma yang, dai hpyen dap na leng ni nga ai shara de shi du ai.