EHPESU 5:3 - Jinghpaw Hanson Version Bible

³ Hpye ai amu, n san n seng ai yawng hte hte, nammak lawhpa ai hpe nanhte hta e ga hte pyi n shamying u ga; dai lam gaw chyoi pra ai ni a matu sut nga ai:

Jinghpaw Common Language Bible 2009

³ Nanhte gaw Karai Kasang a amyu masha ni rai nga myit dai majaw, hpye ai amu, n san n seng ai yawng hte hte nammak lawhpa ai hte seng ai lam ni nanhte hta e ga hte pyi n tsun myit ga,

EHPESU 5:3 ပူးပေါင်းရင်းမြစ်များ

SHAKAWN KUNGDAWN 10:3

Tara n lang ai wa, shi myit masin ra ai hku shakawn nga ai, Lawhpa ai wa gaw Yehowa hpe kau da nna, asawng nga ai.

SHAKAWN KUNGDAWN 119:36

Nye a myit lawhpa ai de n rai u ga, Na a sakse ga hpang de, dai hpe kayin ya e.

PRU MAT 18:21

Dai hta kaga, ndai amyu yawng hta na, Karai Kasang hpe hkrit hkungga ai myit su ai masha, sadi sahka re ai hte sake manawn n tsaw ai masha nang san da na rai wu ai: dai ni hpe, masha hkying mi a agyi, latsa a agyi, manga shi a agyi, marai shi a agyi shatai nna dang tawn da u:

PRU MAT 20:17

Na a htingbu manang a nta hpe ra marit ai myit hkum rawng et; na htingbu manang wa a madu jan hpe mung, shi a mayam num mayam la hpe mung, shi a dumsu lawze re ai hpe mung, na htingbu manang wa lu ai rai hpa hpe mung ra marit ai myit hkum rawng et,” nga ai.

PRU MAT 23:13

Ngai nanhte hpe tsun matsun mahkra hta sadi nga mu; hpara kaga a amying hkum tsun, hkum gang et; dai gaw na a n-gup na kadai mung nna u ga.

GA SHAGAWP 28:16

Nyan n rawng ai du gaw, gumshem du rai nga ai; Lawhpa myit n rawng ai du chyawm gaw, asak galu na ra ai.

YEREMIA 22:17

Na a myi hte myit masin chyawm gaw, lawhpa ai hkrai tam nna, mara n kap ai asai hpe jahkaw kau na hte, adip arip ai, kashun kashe ai hta kaga, hpa amu hpe mung n dum nga ai.

YEREMIA 6:13

“Shanhte yawng, kaji htum ai wa kaw nna, kaba htum ai wa du hkra, lawhpa myit rawng ma ai; myihtoi wa kaw nna hkinjawng wa du hkra, langai hte langai, masu magaw lam hkan ma ai.

YEREMIA 8:10

Dai re ai majaw, shanhte a madu jan ni hpe tsasam masha ni a lata de ngai ap kau na nngai; shanhte a yi hkauna ni hpe masha kaga ni madu sha na mara ai: kaning rai nme law, kaji htum ai wa kaw nna kaba htum ai wa du hkra, yawng hte gaw lawhpa myit rawng ma ai: myihtoi wa kaw nna hkinjawng wa du hkra, langai hte langai masu magaw lam hkan ma ai.

EZEKELA 33:31

Shanhte gaw shawa hpawng sa nna, nye a masha ni zawn na a man e dung nga ninglen, na a ga na la timung, n galaw hkraw ma ai: shanhte gaw tinang a n-gup hte ga ngwi grai tsun timung, tinang a lawhpa myit sutgan hta jung nga malu ai.

JAW JAU 15:18

Shing re ai lasha hte numsha nga sha ma ai rai yang, shan lahkawng hka shin na rai mu ai: shana de du hkra mung n san n seng rai nga ai.

MIHKA 2:2

Dai ni gaw, yi hkauna marit nna kashun la ma ai; nta hpe ra nna, gare la ma ai; kaja ai wa hte shi a dap hpe, madu hte shi a sali wunli hpe, adip arip di kau mu ai.

BU HKAWM 25:1

Ya Israela gaw Shitim shara e nga nga ai; shaloi shanhte gaw Moba num ni hte shut hpyit ai lam galaw ma ai:

MAHTE 15:19

Kaning rai nme law, myit masin hta na n hkru ai myit mang ai, masha sat na, num shaw na, num shut hpyit na, lagu na, n teng n man ai sakse hkam na hte shatan nhkan ai lam hte gaw byin pru wa ai.

LUKA 12:15

Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 16:14

Dai ga mahkra hpe, gumhpraw marin ai Hparishe ni na ma ai rai nna, shi hpe asawng asang ngu mu ai.

KASA 15:20

Hpara sumla ni a n san n seng ai hte, ndaw liknga lam, du manat sat ai shan hte, asai re ai ni hpe koi gam na lam, shanhte hpe laika hte shana mai ai, ngu nna ngai myit da we ai.

KASA 20:33

Ngai gaw gade a aja gumhpraw hpun nba mung n marin yu nngai.

ROMA 1:29

shanhte gaw n ding n hpring ai amyu myu hte, n hkru n hkra ai, nammak lawhpa ai, n ju n yawt ai hte hpring ma ai; manawn masham ai, masha sak gyam ai, gasat gala ai, hkalem hkalam ai, kyang laban ai mung chyat rai nga malu ai:

ROMA 16:2

chyoi pra ai ni a ging dan ai hku hkan nna, dai Madu hta e shi hpe hkap hkalum la nhtawm, hpa lam rai timung shi ra ai hte maren, shi hpe tawn nga mu; kaning rai nme law, shi hkum nan masha law law wa hpe mung, ngai hpe mung, tau ga sai.

ROMA 6:13

nanhte a daw shan ni hpe mung, n ding n hpring ai hpyen hking hpe zawn, yubak hpe hkum ap ya myit; si mat ai ni kaw na hkrung rawt lu ai ni zawn, Karai Kasang kaw tinang dai sak ya mu; nanhte a daw shan ni hpe mung, dinghpring ai hpyen hking shatai nna, Karai Kasang hpe sak ya mu.

1 KORINHTU 10:8

Shanhte nkau mi hpye ai amu galaw nna, lani mi hta sha mun lahkawng e hkying masum rum mat ma ai zawn, anhte gaw hpye ai amu n galaw ga.

1 KORINHTU 5:1

Nanhte hta e hpye ai amu rai nga ai gaw, gaja wa pri kajai wa masai: maigan ni hta pyi n lawm ai hpye ai amu rai nga ai rai nna, marai langai mi gaw shi a kawa a num shaw nu ai, rai nga ai.

1 KORINHTU 6:13

Shahpa gaw kan a matu, kan gaw shahpa a matu rai nga ai; rai timung, Karai Kasang gaw dai yan hpe rau jahten na ru ai. Dai hkumhkrang chyawm gaw hpye ai amu a matu n re ai sha, dai Madu a matu rai nga ai; dai Madu mung hkumhkrang a matu rai nga ai:

1 KORINHTU 6:18

Hpye ai amu hpe zai nga mu: masha e galaw nga ai yubak nga manga gaw, tinang a hkumhkrang a shinggan e nga nga ai; hpye ai amu galaw ai wa mahtang gaw, shi a hkumhkrang hpe nan shut hpyit da wu ai.

2 KORINHTU 12:21

nanhte hpang de ngai bai du ai shaloi, nye a Karai Kasang gaw nanhte a man e ngai hpe shagrit nhtawm, shawng e yubak galaw nna, tinang galaw ai n se ai lam hte, shut hpyit nna ngang ai amu a lam hta, myit n malai ai law law hte a majaw ngai myit yawn ai hkrum na nngai hpe mung, myit tsang nga nngai.

EHPESU 5:12

kaning rai nme law, shanhte mayun mayaw e galaw ai gaw, ga hte tsun na pyi kaya kahpa rai nga ai.

EHPESU 5:5

Kaning rai nme law, hpye ai wa, n san n seng ai wa hte, gawngngu sumla nawku ai wa rai nga ai nammak lawhpa ai wa kadai rai timung, Hkristu yan Karai Kasang a mungdan hta sali wunli hpe n lu nga ai gaw, nanhte nan chye na myit dai.

HPILIPI 1:27

Dai hta n-ga, nanhte a arawn alai gaw Hkristu a kabu gara shiga a lam hte ging dan nga u ga: shing rai jang, ngai du nna nanhte hpe hkrum lu rai timung, naw tsan gang nga rai timung, Wenyi langai sha hte nanhte lahpran tsap nga nna, myit masin langai sha hte dai kabu gara shiga a makam masham a lam hkying hkat nga myit dai gaw, ngai nanhte a lam na lu na nngai:

KOLOSE 3:5

Dai re ai majaw, hpye ai amu, awu asin re ai amu, ngang kayut ai, n hkru n hkra re ai marin marit ai hte, gawngngu sumla nawku ai rai nga ai nammak lawhpa ngu ai, ga ntsa na nanhte a daw shan ni hpe sat kau mu:

1 HTESALONI 4:3

Kaning rai nme law, nanhte gaw hpye ai amu hpe koi gam nna, Karai Kasang hpe n chye n chyang ai maigan masha ni a ngang kayut ai hte n hkawm ai sha,

1 HTESALONI 4:7

Kaning rai nme law, Karai Kasang gaw n san n seng ai hta nanhte hpe shaga la manit dai n rai, chyoi pra ai hta shaga la manit dai.

1 TIMOHTI 2:10

Karai Kasang hpe nawku ai numsha ni a mai ang ai hte maren, kaja ai magam bungli hte, tinang hkum hpe mawn sumli nga mu ga.

1 TIMOHTI 3:3

chyaru len ai wa hte anu ajin re ai wa mung n re ai sha, sumnung ai, ga law ga la ai myit n rawng ai, aja gumhpraw n tsaw ai hte,

1 TIMOHTI 6:10

Gumhpraw marin ai myit chyawm gaw, n hkru n hkra ai amyu myu a ru npawt rai nga ai; nkau mi gaw dai hpe hkan shachyut ma ai majaw, dai makam masham lam hpe yit kau nna, yawn hkyen ai amyu myu hte tinang hkum hpe galun dinggrang kau mu ai.

2 TIMOHTI 3:2

kaning rai nme law, masha ni gaw, tinang hkum hpe tsawra ai ni, gumhpraw marin ai ni, grang dakat ai ni, gumrawng gumtawng re ai ni, shatan nhkan chye ai ni, kanu kawa ga n madat ai ni, chyeju n chye dum ai ni, n chyoi n pra ai ni,

TITU 1:11

shanhte a n-gup mai matsut nga ai; shanhte gaw n san n seng ai sut matu n mai sharin ai lam sharin shaga ya nna, htinggaw ting ting hpe shabrun kau mu ai.

TITU 1:7

Kaning rai nme law, Hpung up wa gaw, Karai Kasang a kunhting wa zawn, mara n rawng ai wa, mai rai nga ai; tinang myit machyu ai wa, sindawng katawt ai wa, chyaru len ai wa, anu ajin re ai wa, n san n seng ai sut marin ai wa, n mai rai ai sha,

TITU 2:3

Dai hte maren gumgai ni mung, hkungga lara ai lailen madun mai ai hte, shi wawn n htawn ai, chyaru n len ai, mai kaja ai lam sharin achyin chye nna,

HEBRE 12:16

shat ma mi a matu sha hte kasha alat a akyu dut kau ai Esaw zawn, shut hpyit ai hte tara n hkungga ai wa n rawng nga malit ga mung, hkap yu sadi nga mu:

YAWSHU 7:21

ngai shut kau ai lam gaw, dai lanep rai hta na reng ai Shina hpajawng langai mi, gumhpraw shekela ni tsa hte shekela manga shi rawng ai ja hkaw langai mi ngai mu nna, dai hpe ra ai majaw la kau se ai: yu u, dai gaw nye a sum kata e ga hta lup da we ai, gumhpraw gaw ga de jahtum nga ai,” ngu nna tsun dan wu ai.

1 PETRU 5:2

nanhte hte rau rai nga ai Karai Kasang a sagu hpung hpe arem nga mu; adip ahkrip re ai hku zawn n nawn ai sha, dingsa myit hte galaw nga mu; nsan n seng ai amyat majaw n re ai sha, htauli htaula myit hte galaw mu;

2 PETRU 2:10

Dai ni gaw nden ja ai ni hte, tinang a myit hkan nna, hpung shingkang rawng ai ni hpe n hkrit kamyin ai sha, shatan nhkan nga ai ni rai nga ma ai;

2 PETRU 2:14

Shanhte a myi gaw num shaw ai amu hte yubak baw sumhpa hte hpring chyat nga ma ai rai nna, shanhte gaw n ngang n hkang re ai ni hpe lau la mu ai: shanhte myit lawhpa ai hta maju jung nga malu ai; dagam dala hkrum ai kashu kasha ni mung, shanhte rai nga ma ai.

2 PETRU 2:3

Shanhte gaw lawhpa ai myit hkan let, hkalem ai ga hte nanhte hpe hpaga ga na marin dai: shanhte hpe dawdan na ari chyawm gaw, moi chyaloi nhkoi kaw nna n lanyan ai hte, shanhte hkrum sha na tsin-yam tsindam gaw gaungwi gausi yup shamwi nga ai n rai.

SHINGRAN 2:14

Rai timung, sumla ni hpe nawng ya ai hkungga sha na hte hpye ai amu galaw na lam ngu ai myit kataw shara hpe, Israela kashu kasha ni a man e tawn da na, Balak hpe hpaji daw ya ai Balam a sharin shaga ai lam hta hkan nang ai ni nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.

SHINGRAN 2:21

Ngai shi hpe myit malai lu na aten jaw da rai timung, shi a hpye ai amu a lam hta na myit malai n lu hkraw nga ai.

SHINGRAN 21:8

Hkrit ai myit rawng ai ni, n kam n sham ai ni, matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si lam rai nga ai,” nga nna ngai hpe tsun ai.

SHINGRAN 22:15

Shinggan e gaw, gwi n re ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte nga ma ai, nga nna ngai hpe tsun nngai.

SHINGRAN 9:21

masha sat ai amu hta na mung, mandan lakle amu hta na mung, num shut hpyit ai amu hta na mung, lagu lagut re ai amu hta na mung, shanhte myit malai n lu ma ai.

1 SAMUELA 8:3

Rai timung, shi a kasha yan gaw kawa a lam n hkan ma ai: gumhpraw marin ai hte dam mat wa nna, kumhpa sha let tara jahten ma ai.