EHPESU 5:2 - Jinghpaw Hanson Version Bible

² Hkristu gaw nanhte hpe tsawra ai hte, manam pyaw ai bat tai hkra, Karai Kasang kaw lahkan lahka hte shagu hkungga, shi hkum hpe di nna, nanhte a matu mara nawng kau ya ai hte maren, nanhte mung tsawra ai hta a hkawm nga mu.

Jinghpaw Common Language Bible 2009

² Hkristu gaw anhte hpe tsaw ra ai hte anhte a matu shi a hkum hpe Karai Kasang sharawng awng ai manam pyaw ai shagu hkungga shatai nna nawng kau nu ai zawn, nanhte mung tsaw ra myit e hkang ai kata hta ahkawm nga mu.

EHPESU 5:2 ပူးပေါင်းရင်းမြစ်များ

NINGPAWT NINGHPANG 8:21

Yehowa mung dai manam pyaw ai sangau hkap manam la wu ai: dai rai nna Yehowa gaw, Ginding aga hpe shinggyim masha ni a majaw, hpang de ngai dagam kau na ni ai n rai; kaning rai nme law, shi a kraw lawang na myit mang gaw, kaji kaw nna n shawp nga lu ai: dai hta kaga, ya e hkrung mahkrung hte hpe ngai jahten mawe ai zawn, hpang de galoi mung ngai bai jahten na ni ai n rai:

PRU MAT 29:18

sagu la a shan yawng hpe tawn hkungri hta nat na rai wu ai: dai gaw Yehowa a matu wan nat hkungga rai na rai nga ai; Yehowa hpe wan hte nat nawng ai manam pyaw hkungga rai nga ai.

PRU MAT 29:25

Bai shanhte a lata na nang dai hpe la nna, Yehowa a man e manam pyaw ai sangau di na matu, tawn hkungri na wan nat hkungga a ntsa e nat na rai ndai: dai gaw Yehowa hpe wan hte nawng ai hkungga rai nga ai.

JAW JAU 1:13

pu sin ni hte lagaw ni hpe shi naw kashin kau nhtawm, hkinjawng wa gaw hkum ting hpe hkungri hta wan hte nawng na rai wu ai; dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:17

dai hpe singkaw hte nawng, n dut ai sha, ga kahpyen nna, hkinjawng wa gaw dai hpe tawn hkungri na wan a hpun hta nat na rai wu ai: dai gaw, Yehowa a matu manam pyaw sangau tai na, wan hte nawng ai wan nat hkungga rai nga ai.

JAW JAU 1:9

pu sin ni hte lagaw ni hpe mung shawng kashin kau nhtawm, Yehowa a matu manam pyaw sangau shatai na wan hte nawng ai wan nat hkungga di nna, dai hkum ting hpe tawn hkungri ntsa e hkinjawng wa nat nawng na rai wu ai.

JAW JAU 3:16

hkinjawng wa gaw dai hpe tawn hkungri hta nat na rai wu ai: dai gaw manam pyaw sangau hku wan hte nawng ai shahpa kumhpa rai nga ai: sau yawng gaw Yehowa a matu hkrai rai nga ai.

AMO LAIKA (AMOS) 5:21

Nanhte galaw ai poi ni hpe ngai n dawng nna, matsat kau nngai; nanhte a shawa zuphpawng ni hta, ngai sharawng awng nga na n rai.

BU HKAWM 7:21

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

MAHTE 20:28

kaning rai nme law, dai Masha Kasha wa pyi, shangun ma hpe yam sha na nga du sa ai n rai; shangun ma a amu hpe galaw daw ya na hte, masha law law a matu mara, shi a asak hpe gawng malai jahpu shatai ya na nga nna du sa ai,” ngu mu ai.

YAWHAN 13:34

Nanhte shada da tsawra nga mu, ngu nna tara ningnan ngai nanhte hpe jaw da made ai: ngai nanhte hpe tsawra made ai zawn, nanhte mung shada da tsawra nga na rai myit dai.

YAWHAN 6:51

Ngai gaw sumsing lamu de na du yu wa ai, hkrung ai muk rai nga nngai: muk ndai sha ai wa kadai mung, htani htana ahkrung nga na ra ai: mungkan ga a asak hkrung nga na matu, ngai jaw ai muk chyawm gaw, nye a shan rai nga li ai,” ngu nna shanhte hpe htan mu ai.

ROMA 15:16

Karai Kasang e ngai hpe jaw da ai chyeju majaw, nanhte hpe bai shadum jahprang na zawn, ngai nanhte hpe nden ja ai myit hte kau chyen ka dat made ai.

ROMA 4:25

dai Madu Yesu gaw, anhte a shut hpyit ai a matu ap kau ai hkrum nna, anhte dinghpring wa lu na matu, hkrung sharawt la ai hkrum nu ai.

ROMA 8:3

Jep ai tara nan shinggyim hkum shan majaw n-gun kya nna n shabyin lu ai gaw, hkum shan kaw hkan nang ai ni hta e n re ai sha, anhte Wenyi kaw hkan nang ai ni mahtang hta e, dai jep ai tara a ga matsun dik wa lu hkra,

ROMA 8:37

N rai law, anhte hpe tsawra nga ai wa a majaw, ndai yawng hte hpe anhte grau nna hkap dang kau lu ai ni rai ga ai.

1 KORINHTU 16:14

Nanhte hta na yawng mayawng hte gaw, tsawra ai myit hte byin malit ga law.

1 KORINHTU 5:7

Nanhte matsi n rawng myit dai hte maren, muk tawng ningnan nanhte tai myit ga, dai dingsa matsi hpe htawk kau mu. Kaning rai nme law, Hkristu ngu ai anhte a Shalai wa hkungga gaw sat kau ai hkrum nu ai.

2 KORINHTU 2:14

Rai timung, anhte hpe Hkristu hta tutnawng e padang manau hta nlaw shangun nna, shi a chye chyang ai manam pyaw bat anhte a lata hte shara shagu hkan e shapraw shadan ai Karai Kasang gaw, a nga u ga law.

2 KORINHTU 2:15

Kaning rai nme law, anhte gaw hkye hkrang la hkrum ai ni hta mung, sum mat hkrum ai ni hta mung, Karai Kasang a man e Hkristu hta ngwipyaw bat rai nga ga ai:

2 KORINHTU 8:9

kaning rai nme law, anhte a Madu Yesu Hkristu gaw sut su nga ai rai timung, nanhte a matu mara matsan mayan hkrum nna, shi a matsan mayan ai hta nanhte sut su lu na rai nga ai chyeju hpe, nanhte chye nga myit dai.

GALATI 1:4

Dai Madu gaw, anhte a Kawa Karai Kasang a myit ra ai hte maren, ya e rai nga ai n hkru ai mungkan ga na anhte hpe mawai la u ga, anhte a yubak a matu mara shi hkum hpe nan ap kau ya wu ai.

GALATI 2:20

Ngai gaw Hkristu hte rau wudang hta jen da ai hkrum nngai. Ngai hkum nan naw hkrung nga nngai n rai, Hkristu gaw ngai hta e ahkrung nga ai: ya e dai hkum shan hta ngai hkrung nga nngai gaw, ngai hpe tsawra nna, nye a matu mara shi hkum dai shi ap kau ai Karai Kasang a Kasha a makam masham hta sha ngai hkrung nga nngai.

EHPESU 1:4

anhte gaw tsawra ai myit hte, shi a man e chyoi pra ai ni hte mara n rawng ai ni tai wa u ga, ginding aga garai n lat yang nna, shi anhte hpe Hkristu hta e lata la ma ni ai.

EHPESU 3:17

Hkristu gaw nanhte a kraw lawang e makam masham hte shanu nga lu u ga, shi a n taw n tsang ai hpung shingkang hte maren, nanhte hpe chyeju gam jaw na hte,

EHPESU 3:19

Karai Kasang a hkum tsup ai lam ting hte hkum tsup lu myit ga, chye chyang ai myit hte n dang chye ai Hkristu a tsawra ai lam hpe, nanhte chye na lu na, ngai hpyi nga nngai.

EHPESU 4:15

tsawra ai myit hte tengman ai ga hpe tsun nga yang, Hkristu ngu ai baw hte lam shagu hta kaba rawt wa na ga ai:

EHPESU 4:2

Lam shagu hta myit nem ai hte lam shagu hta myit gyip nna, myit galu kaba ai hte, a hkawm nga mu:

EHPESU 5:15

Dai re ai majaw, nanhte kaning rai hkawm nga myit dai gaw, azin ayang yu nga mu: hpaji n rawng ai ni zawn n rai, hpaji rawng ai ni zawn hkawm nga mu:

EHPESU 5:25

La ni e, Hkristu gaw dai Hpung hpe tsawra nna, shi hkum hpe nan de a matu ap kau ya wu ai hte maren, nanhte a madu jan ni hpe tsawra nga mu.

TARA JAHPRANG 27:6

lungdin lung bawng ni hte na a Karai Kasang Yehowa a matu tawn hkungri nang gaw da nna, dai hta na a Karai Kasang Yehowa a matu wan nat hkungga nawng na rai ndai:

HPILIPI 4:18

Ya e ngai hpa mung hkum ai hta n-ga, jan hkra lu nga nngai: manam pyaw ai bat hte Karai Kasang a matu htuk htap nna sharawng awng ram ai hkungga ngu ai, nanhte shagun dat ai, Epahprodi a lata na ngai lu la ai kumhpa majaw, ngai hpring chyat nga nngai.

KOLOSE 3:14

Dai nlang hte a ntsa e hkum tsup re ai makyit sumri ngu ai tsawra ai myit hpe kahtap hpun nga mu.

1 HTESALONI 4:9

Ya, hpunau shada da tsawra ai lam, ngai nanhte hpe ka dat shara n nga ai. Kaning rai nme law, shada da tsawra nga na, Karai Kasang a sharin achyin ai ga nanhte nan hkam la manit dai rai nna,

1 TIMOHTI 2:6

Shi gaw yawng mayawng a matu mara shi hkum nan hpe gawng malai hkungga di nna ap kau nu ai: ahkying aten du jang she de a sakse pru na ra ai.

1 TIMOHTI 4:12

Na a brang ram prat e, nang hpe kadai mung n shatan u ga: tsun ai ga hte mung, arawn alai hte mung, tsawra ai hte mung, kamsham nna chyoi pra ai hte mung, kamsham ai ni a matu mara, kasi kamang tai nga u.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 8:3

Kaning rai nme law, hkinjawng agyi shagu gaw kumhpaw kumhpa hte shagu hkungga jaw ya na matu dang da nga ai; dai re ai majaw, ndai hkinjawng agyi wa mung, lama ma jaw ya lu na, ra nga ai.

HEBRE 9:14

htani htana Wenyi hte Karai Kasang kaw, shi hkum dai hpe ra n rawng ai sha nawng ya ai Hkristu a asai gaw, ahkrung nga ai Karai Kasang hpe daw jau lu hkra, nanhte a myit masin hpe si ging ai arawn alai hta na, grau nna shachyoi shapra ya lu ai, n rai ni?

HEBRE 9:23

Dai rai nna, sumsing lamu na arai ni a sumla ni hpe shing re ai lam hte jasan jaseng lu mai nga ai; sumsing lamu na arai majing ni hpe chyawm gaw, dai hta grau kaja ai shagu hkungga ni hte jasan jaseng kau lu ai.

HEBRE 9:26

shing rai nawng ya ai rai yang gaw, ginding aga lat kaw nna law law lang si hkam hkam rai na nu ai; ya chyawm gaw, shi hkum dai nawng ya kau ai a marang e, yubak hpe yeng seng kau na matu, ndai prat a jahtum e, shi lang mi sha dan pru wu ai.

1 PETRU 4:8

Mahkra, hta n-ga, nanhte shada da tsawra ai myit makyit rawng nga mu; kaning rai nme law, tsawra ai myit gaw, yubak mara law law hpe magap da lu ai.

1 YAWHAN 3:16

Shi gaw anhte a matu mara shi a asak kau da ai lam hpe yu yang, tsawra ngu ai lam hpe anhte chye nga ga ai: anhte mung, hpunau ni a matu mara, anhte a asak kau da na, sut nga ai.

1 YAWHAN 3:23

Shi anhte hpe hkang da mi ai hte maren, shi a Kasha Yesu Hkristu a amying nsang hta kamsham nna, shada da tsawra myit ga, dai gaw shi a hkang da ai ga rai nga ai.

SHINGRAN 1:5

kangka re ai sakse wa, si mat ai ni hta na kasha alat, dinghta ga na hkawhkam ni hpe up ai Madu Yesu Hkristu kaw nna mung, chyeju hte ngwipyaw ai gaw nanhte hta anga nga malit ga. Anhte hpe tsawra nna, shi hkum nan a asai hte anhte a yubak kaw na anhte hpe raw dat mi ai hte,

SHINGRAN 5:9

shanhte gaw, Nang sat kau hkrum ndai hte, baw lakung shagu hta na mung, ga amyu shagu hta na mung, amyu baw shagu hta na mung, masha mungdan shagu hta na mung, Karai Kasang a matu na a asai hte masha hpe mari la nit dai rai nna,