EHPESU 4:9 - Jinghpaw Hanson Version Bible

⁹ Ning nga, lung wa ai ngu ai gaw, dinghta ga a lawu tsang de shi hkum nan yu hkrat wa ai hpe, tau yu nna, tsun ai, n rai ni?

Jinghpaw Common Language Bible 2009

⁹ Ya shi lung wa ai ngu ai gaw hpa hpe ngu ai rai ta? Madu gaw nem dik ai dinghta ga a lawu tsang de shawng yu hkrat wa sai ngu mayu ai rai nga ai.

EHPESU 4:9 ပူးပေါင်းရင်းမြစ်များ

NINGPAWT NINGHPANG 11:5

Shaloi Yehowa gaw, shinggyim masha ni galaw ai mare hte langchyi hpe yu yu na nga, yu hkrat wa ai.

SHAKAWN KUNGDAWN 139:15

Makoi magap shara e ngai hpe hpan da nna, Aga a sung ai shara e shachyaw nu ai shaloi e, Nye a nrut nra hpe nang n malap kau da ndai.

SHAKAWN KUNGDAWN 63:9

Nye a asak hpe jahten na tam ai ni chyawm gaw, Ga sung htum ai shara de shang na ma ai.

SHAKAWN KUNGDAWN 8:5

Nang shi hpe Karai Kasang hte loi mi sha shagrit da nna, Arawng sadang hte hpung shingkang shi hpe ka-up ya nu ai.

PRU MAT 19:20

Shaloi Yehowa gaw “Sina bum pungding de yu du nna, Yehowa Mawshe hpe dai bum pungding de shaga wu ai; Mawshe mung dai de lung wa ai.

GA SHAGAWP 30:4

Lamu de lung wa nna, bai yu wa ai gaw, kadai? Tinang a lata hte nbung hpe latup da lu ai gaw, kadai? Tinang a palawng hte hka hpung ni hpe majaw da lu ai gaw, kadai? Lamu ga njut nnaw ni hpe tawn da ai gaw, kadai? Shi a amying hpa rai ta? Kasha a amying mung hpa rai ta? Nang chye n yang gaw tsun u.

ESAIA 44:23

Yehowa dai amu galaw ai majaw, sumsing lamu ni e, mahkawn mangoi nga mu; lawu tsang na gingding aga e, marawn jahtau mu: bum ni e, maling hte dai hta tu ai hpun yawng hte e, mahkawn mangoi nga mu: kaning rai nme law, Yehowa gaw Yaku hpe mawai la nna, Israela hta e tinang hkum hpe shagrau sha-a na ru ai.

EZEKELA 31:14

shing rai, hka e tu ai hpa hpun mung, tinang tsaw kaba ai majaw, n gumrawng na ra ai; tinang a ndung ni hpe sumwi de n shadep nna, hka majaw kaba wa ai daru magam wa kadai mung, tinang myit kaba ai hta tsap nga na n rai: kaning rai nme law, nlang hte gaw nsung hku de shang wa ai shinggyim kasha ni hte hpawn, lamu ga lawu tsang e, si hkrung si htan du hpang de yu wa na matu, ap kau ai hkrum masai.”

MAHTE 12:40

Yona gaw shani masum ya hte shana masum na du hkra, dai nga kaba a kan kata e rawng nga ai hte maren, dai Masha Kasha mung, shani masum ya hte shana masum na du hkra, ga sung ai kata e rawng nga na ra ai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

YAWHAN 3:13

Sumsing lamu de na yu hkrat wa ai hte, sumsing lamu e nga nga yu ai Masha Kasha hta kaga, kadai mung sumsing lamu de lung wa yu ai n rai.

YAWHAN 6:33

kaning rai nme law, Karai Kasang a muk ngu ai gaw, sumsing lamu na yu wa nna, mungkan ga hpe asak jaw ai hpe ngu ai, rai nga ai,” ngu nna shanhte hpe tsun mu ai.

YAWHAN 6:38

Kaning rai nme law, sumsing lamu nna ngai yu sa ai gaw, nye a myit hkan na ngu, yu sa nngai n rai, ngai hpe shangun dat ai wa a myit hkan na she, yu sa ai rai nngai.

YAWHAN 6:41

Dai rai nna Yesu shi nan, “Sumsing lamu de na yu wa ai muk ngai rai nga nngai,” nga ai majaw, Yuda masha ni shi a lam aput angun let,

YAWHAN 6:51

Ngai gaw sumsing lamu de na du yu wa ai, hkrung ai muk rai nga nngai: muk ndai sha ai wa kadai mung, htani htana ahkrung nga na ra ai: mungkan ga a asak hkrung nga na matu, ngai jaw ai muk chyawm gaw, nye a shan rai nga li ai,” ngu nna shanhte hpe htan mu ai.

YAWHAN 6:58

Da ndai gaw sumsing lamu de nna du yu wa ai muk rai nga ai: nji nwa ni sha nna si wa ai muk zawn n rai: ndai muk sha ai wa gaw, htani htana ahkrung nga na ra ai,” ngu nna shanhte hpe tsun mu ai.

YAWHAN 6:62

Dai Masha Kasha, myi nga ai shara de bai lung wa ai hpe nanhte mu myit yang gaw, kaning nga na myit ta?

YAWHAN 8:14

Shaloi Yesu gaw, “Ngai dai nye a lam sakse hkam yang pyi, nye a sakse teng nga li ai: ngai kanang na pru sa nna, gade rai wa na mung, ngai chye nngai: nanhte chyawm gaw, ngai kanang na pru sa nna, gade rai wa na mung n chye myit dai.

HEBRE 2:7

Lamu kasa ni hta nang shi hpe loi mi sha shagrit da nna, Hpung shingkang hte arawng sadang ka-up ya nu ai. Na lata amu a ntsa e nang shi hpe up shangun wu ai.

HEBRE 2:9

Lamu kasa ni hta loi mi sha shagrit kau hkrum ai Yesu chyawm gaw, si hkrung si htan a nni nkri hkam la wu ai majaw, hpung shingkang hte arawng sadang ka-up nga ai hpe, anhte mu lu ga ai; shing rai shi gaw, Karai Kasang a chyeju majaw, masha yawng mayawng a matu, si hkam ai hkrum nga ai.